اسر ورنا الحلقه التاسعه كامله
انت في الصفحة 1 من 6 صفحات
هي قريبتي... مربياني عشان كده بقولها امي... بقالي فترة مروحتش عندها ف اصرت اجي و اصرت كمان اجيبك معايا... لما تشوفيها هتحبيها اوي...
ماشي نروح...
اكمل الطريق حتى وصلوا الى منزلها... طرق آسر الباب و فتحت إمرأة عجوز في سن ال 60 سنة اسمها سهير ...
آسر !! يا حبيبي يا ابني
عانقها آسر و قبل يدها
تفاجئت رنا... قال كلمة ماما لمربيته و لم يقلها أبدا لامه الحقيقية !
نظرت الى رنا و قالت
الامورة دي مراتك صح
اها...
ازيك يا طنط
لا طنط ايه انا مش بحب الكلمة دي... قوليلي يا ماما زي آسر...
حاضر يا ماما...
عانقتها سهير و قالت
واقفين ليه قدام الباب ادخلوا جوه...
اتفضلي...
جلست على الأرض... قالت سهير
معلش يا بنتي انا متعودة من زمان اكل على الطبلية... لو قعدة الأرض هتضايقك اجبلك ترابيزة عادي...
لا آسر متعود... آسر اتربى في البيت ده... و ياما اكل معايا على الطبلية دي
دخل آسر الغرفة و معه اطباق و معالق... جلس على الأرض معهم و وضع طبق امام كل شخص...
كده في حاجة ناقصة يا ماما
ايوة... افتح التلاجة هتلاقي شوب مية... هاته و هات كوباية فاضية...
قام آسر و ذهب للمطبخ مجددا... تعجبت رنا و نظرت ل سهير
اوعي تستغربي... بقولك مربياه ف بيسمع كلامي كده دايما...
عشان كده حسيته سعيد جدا لما جالك...
انا زعلانة منه اصلا... كل ده حصل و عرفت من الناس الغريبة اللي حصله و هو مقاليش...
كان مضغوط ف اكيد نسي...
يتعشى و هحاسبه...
جاء آسر وضع شوب المياه و الكوب و جلس معهم
تاكله
لا طبعا مش عايزه...
اهو على كده يا بنتي... تجيبله سيرة العدس ېخاف...
ليه
انا هقولك...
يا ماما اهدي...
والله لاقولها... الواد آسر بيكره العدس جدا... انا كرهته فيه... لما كان في تالتة ثانوي كان قاعد عندي بيذاكر... سيبته و طلعت للسوق اشتري شوية حاجات... رجعت لقيت الباشا مجمع عيال الحي و بيلعبوا كورة... روحت بقا مسكتهولك من ودنه و غديته و عشيته عدس... قعدت اسبوع كامل مأكلهوش غير عدس لغاية ما كرهه... و من ساعتها حرم وبدأ يذاكر بجد عشان مأكلهوش عدس...
جدعة يا ماما... ضيعتي كاريزمتي قدامها...
يعني البنت سألت مش هقولها يعني
فيكي الخير...و انتي بطلي ضحك...
كتمت رنا ضحكتها بصعوبة... وضعت سهير المكرونة و فراخ في طبق آسر و رنا...
الريحة تحفة...
عيب عليكي ده انا سهير... اي نعم كبرت بس لسه نفسي في الأكل لا يعلى عليه...
على كده يا ماما سهير انتي عايشة هنا لوحدك
ايوة...
معندكيش ولاد
عندي بنت وحدة... متجوزة بس بيتها بعيد
