ظلمت نفسي الفصل السابع والثامن آيه شاكر
العمل دخل شادي لمكتب عبيده قعد قصاده مرتبك مش عارف يبدأ منين بصله عبيده باستفهام وقال
مالك يبني عمال تفرك زي الفرخه إللي عليها بيضه كده ليه
انف جر شادي بالضحك وقال
أما إنت عليك تشبيهات يا عبيده
عبيده بضحك
انجز عايز ايه اطلب علطول
مال شادي ناحية عبيده وقال بهمس حرامي بيسرق
بص احنا عايزين نقصر المسافات بيننا
قرب عبيده رأسه منه وقال بنفس الهمس
وقف شادي وقال دفعة واحده وبنبره عاليه
بص يا عم من الأخر كده أنا عايز أتجوز أختك يا عبيده
ابتسم عبيده وقال
هو أنا أطول يا نهار أبيض
ابتسم شادي ورجع يقعد وحط أيده على قلبه وقال
ياه يا جدع هم وانزاح من على قلبي
قاطعهما صوت أحد الموظفين
روح شوف البيه المدير يا عم عبيده طالبك
طيب شيل موبايلي من الشحن على ما ارجعلك يا أبو نسب
خرج عبيده وقال شادي بمرح
طيب ماشي ربنا يرجعك بالسلامه يا غالي ويجعل كلام المدير خفيف على قلبك
أزاح شادي موبايل عبيده عن الشحن وبدأ يعبث فيه كعادته..
اتفاجئ لما لقى رساله غريبه على الماسنجر فتحها واتسعت عينيه پصدمه وهو بيعيد قرائتها مره واتنين _كانت الرساله إلي بعتاها منه_ قال
هز رأسه يمين وشمال وهو بيقول بشرود
الموضوع ده فيه حاجه غلط ومش مفهومه
وعلى الفور أرسل لنفسه الإسكرينات ومسحهم من عند عبيده..
بص لنقطه وهميه في الفراغ بتركيز وهو بيكلم نفسه وبيقول
شهد محترمه زي أخوها وأكيد فيه حاجه غلط أكيد
استنى شادي عبيده لما رجع واستأذنه يقابل شهد قبل ما يفاتحها هو في الموضوع وراحلها على الكليه...
صلوا على خير الأنام
أنا عزماك يا شهد إيه رأيك نتغدي سوا النهارده
قالتها روعه بحم اس قت لته أنا لما قلت
شكرا مليش مزاج مش عايزه
حنين بمرح
يا بنتي بتقول عزومه حد يطول بالله عليك تعالي نروح وزرغردي يالي منتش غرمانه
ابتسمت فرغم تعاملي معاهم بجمود لكنهم تفهموا حالتي ومهما كنت أقول كانوا بيبتسموا ويطبطبوا عليا بحنان واحتواء حبيت احتوائهم ليا وقررت مخسرهمش..
مكنتش واخده بالي من شادي إللي متابعني ومستني أكون لوحدي عشان يتكلم معايا..
دخلنا المطعم وطلبولي شاورما أكلنا وهزرنا وضحكنا وقضيت معاهم وقت حلو نسيت خلاله كل مشاكلي لحد ما عكر صفو اللحظات دي روعه إللي حطت صورة أخويا قدامي وقالت باستفهام
إنت مقولتيش ليه يا شهد إن دي صورة أخوكي!!
محبتش أحرجك يا روعه
ابتسمت وقالت بوداعه
تحرجيني إيه يا بنتي أإنت فاهمه إيه! دا أنا لقيت الصوره دي في الشارع
قلت بنفاذ صبر
روعه بالله عليك أنا زهقت من الكذب والتحوير لو عايزه تقولي الحقيقه قولي مش عايزه خلاص بس متكذبيش
روعه بزعل
الله يسامحك يا شهد... والله العظيم ما بكذب أنا فعلا لقيت الصوره دي على الأرض وناديت على أخوكي أديهاله بس ملحقتهوش وكنت هرميها بس...
قاطعتها لما قلت بنبرة حادة
روعه أنا حرفيا تعبت من الكذب بطلي تحوير أنا عارفه كل حاجه ومعايا صور للمحادثات
روعه بجهل
محادثات إيه!!
طلعت الموبايل من شنطتي وفتحت معرض الصور عشان أوريها الأسكرينات إلي معايا.
قرأت روعه المحادثه وبعدين حطت إيديها على بوقها پصدمه ومع كل رمشة من عينيها كان بيسقط معاها دمعه قالت بصوت مرتعش ومصډوم
هو إيه ده يا شهد مين بعتلك ده!
قلت
مش مهم مين بعتهم المهم إني عارفه بعلاقتكوا
شهقت روعه بالبكاء وقرات المحادثات للمره الثانيه وهي بتقول پصدمه
علاقه إيه!! أنا معرفش
