شوق الفصل الثالث كامل

خالص..انا هفضل كل شويه اجيبك من مكان وانت متخرشم بسبب زفت الهباب ده
اسد قال بتوتر ..يا ضرغام والله ماليه دعوه هو الي جيه على المكان بعدي والبنت دي اصلا كانت معايا انا ولله و
ضرغام خبط رجله في الكرسي پغضب وقال ...يا بني ادم افهم...كل الي بيعملو معاك بيضايقني بيه مش اكتر...جدك قال الي هيأذي التاني فينا هيطرده من كل حاجه..وهو عايز كده افهم...وهدى لهجتو وقال..يا اسد اتجنبو علشاني... كويس لما دغدغك كده هو اصلا ملمسش البنت اخدها منك علشان تتصل بيا مش اكتر عايز يستفزني انا افهم
اسد قعد وقال بدموع...هو يعني علشان يضايقك ينسي اني ابن اختو...ويفضل يعاملني كده طول الوقت
ضرغام اتنهد وقال بحزن ..هو ناسي اني انا اخوه..مش هينسي انو خالك يا اسد
ضرغام قال كده ولسه هيطلع اسد قال....لسه على معادنا بكره..هنروح نقابلو
ضرغام قال وهو طالع...طبعا هنروح ...الشغل بعيد عن اي شئ... خدها قاعده ..تصبح على خير
ضرغام طلع واسد اتنهد ودخل اوضتو وقعد على السرير ومسك علبه الاسعافات وبقى يحط على وشو مطهر وجات عيونه على صوره على الكمود
الصوره كانت مقطوعه نصين والنص الي في البرواز لست جميله جدا وتشبه اسد في شعرها البني وعيونها الخضر واقف قدامها طفل في عمر ال٥سنين نصو مع صوره الست ونصو مقطوع مع الجزء المفقود
اسد بص للصوره واتنهد وقال...وحشتيني يا مام ..ونزلت دمعه من عيونه وقال..شوفتي..شوفتي اخوكي وحبيب قلبك عمل فيا ايه ..نسي اني ابنك..ويمكن نسيكي انتي كمان
عند اسامه رجع البيت ونادى على الجارد بتاعو وقال..اسمع..الشباب الي جم معايا هديلك عنوان تروح تاخدهم وتوديهم المستشفى وتدفع الحساب وقولهم اسامه بيه بيقولكم عاش...والمكافأت بتاعتهم جاهزه
الجارد قال امرك يا باشا وخرج.... واسامه اتصل على شخص وقال..خليكم جاهزين بكره التسليم مش عايز غلطه... وقفل معاه وابتسم پغضب وقال...بكره معادنا يا ضرغام ...الصباح رباح يا ابن ابويا
اسامه لسه هيطلع تليفونه رن
بص للرقم بضيق وفتح وقال..ايوه يا بابا
في مكان تاني على البحر قاعد راجل في سن الستين ده عبد الرحمن الثابت والد اسامه قال بضيق ...ايوه يا اسامه