العرافه الفصل الحاد عشر
انت في الصفحة 1 من 7 صفحات
الحلقة الحادية عشر
وبعد دقائق دخلت تغريد بجواره ثم نادته بصوت منخفض فريد يا فريد أنت لسه صاحي ولا نمت
فريد نعم
تغريد كنت عايزة أسألك مامتك عاملة أيه دلوقتي
فريد ملكيش دعوة ممكن تسبيني أنام
تغريد يعني أنا غلطانة أني كنت عايزة أطمن علي حماتي
فريد اه غلطانة ممكن تسبيني أنام بقي بعد أذنك
فريد أيوه .
تغريد ماشي يا فريد نام بس قولي الأول هي سمية كانت تحت ولا لأ
فريد سمية مين
تغريد أنت هتستعبط !! سمية مرات اخوك أسامة .
فريد بتسألي ليه
تغريد قولي الأول سمية كانت تحت عند مامتك ولا لا
فريد ملكيش دعوة وسبيني أنام من فضلك .
فريد وأنتي شاغلة نفسك ليه بسمية كانت تحت ولا لأ
تغريد علشان مرات أخوك دي علطول لابسة ضيق ومبتتكسفش وبتتمايص علطول قدام اي حد حتي بعد سفر أخوك بردو لبسها خفيف وملزق !! معرفش بتعمل كده لمين
فريد بلاش الكلام ده علشان كده غلط .
تغربد وهي لبسها وحركاتها دي مش غلط !!
تغريد يعني ترضي اني ألبس زيها كده و اظهر قدامهم باللبس ده
فريد لا طبعا .
تغريد اشمعني هي
فريد هي مش مراتي علشان احكم عليها تلبس ايه ومتلبس ايه .
تغريد لكنها مرات اخوك اللي مسافر وغايب والمفروض تحفظ غيبته !!
تغريد وأنت ليه يا فريد مش زي اخوك
فريد زي أخويا ازاي
تغريد يعني مش بيغير عليها وبيسيبها تعمل كل اللي نفسها فيه .
فريد وانا كنت منعتك تعملي اللي نفسك فيه ! وأقربها النهاردة مرضتيش تنزلي تغسلي طبقين لأمي وسيبتك برحتك !!
تغريد متغيرش الموضوع يا فريد .
فريد طيب ممكن تبطلي كلام فارغ و تسبيني أنام بقي
تغريد أنا كلامي مش فارغ وعايزاك ترد عليا سمية كانت تحت ولا لأ
فريد مكنتش تحت