العرافه الفصل السابع عشر الحلقة السابعة عشر
انت في الصفحة 1 من 4 صفحات
الحلقة السابعة عشر
العرافه
سمية كنت عايزة فريد يتصل بأسامة ويطمني عليه هو عندك هنا ولا عند هند
تغريد بتقولي ايه
سمية بقولك فريد جوه هنا عندك ولا تحت عند هند
تغريد وهيكون عند هند بيعمل ايه
سمية يكون عندها عادي .
تغريد بعصبية يعني ايه عادي
سمية مش هند مراته عادي أنه يكون عندها .
سمية أنتي متعرفيش ولا ايه
تغريد أعرف ايه أنتي بتهزري أكيد بتهزرري !!!!
سمية لأ مش بهزر أنا بحسب أنك عارفة .
تغريد عارفة ايه يا بنت ال..... فريد مش متجوز غيري .
سمية أنا همشي مش هقدر أقعد أكتر من كده .
قامت سمية وجرت نحو الباب ونزلت سريعا الي شقة حماتها .
الأم فيه ايه يا بت قولتلها
سمية ايوه قولتلها وسيبتها دلوقتي شايطة خلاص فاضلها ثانية وتتجنن .
الأم خدي ابنك انتي بقي وانا هطلعلها .
تغريد تكاد ټنفجر ڠضبا من هول الصدمة وتلتقط هاتفها وتحاول الأتصال بفريد ألا أن اعصابها تكاد تفقد السيطرة عليها ويسقط من الهاتف عدة مرات حتي أمسكته بكلتا يديها واتصلت بفريد وقالت له سيب اللي في ايدك وتعالي حالا .
تغريد تصرخ بقولك سيب اللي في ايدك وتعالي دلوقتي حالا .
ثم تغلق الهاتف في وجهه .
صعدت الأم الي شقة فريد فوجدت الباب مفتوح وتغريد تخاطب نفسها وتكاد أن يصيبها الجنون !!!!
الأم تعالي يا بنتي أقعدي .
تغريد أنتي يا ست أنتي متقوليش يا بنتي .
الأم طيب معلش أنا مقدرة احساسك بس عايزة أقولك كلمتين يريحوكي .
الأم يا بنتي أنتي فاهمة غلط .
تغريد غلط ايه فهميني !!!! جوزي يتجوز عليا مرات أخوه وتبقي قاعدة معايا في بيت واحد وأنا عايشة معاكم زي المغفلة اللي مش فاهمة حاجة !!!
الأم الجوازة دي مش زي ما في بالك ده مجرد حاجة روتينية علشان تفضل هي عايشة وسطنا وتربي عيالها واولادنا يطلعوا قدام عينينا ومفيش حد هيكون أحن علي الولاد من عمهم .
الأم ابني التاني مسافر ويا عالم هيرجع أمتي كان لازم فريد اللي يتجوزها لكن بالنسبة للحب فريد مبيحبش غيرك وهند وأحنا كلنا عارفين كده كويس .
تغريد ماهوحبه باين أوي أهو بيتجوز عليا الأستاذ !!! أنا ابنك يتجوز عليا !!! طيب يا فريد هتشوف أنا هعمل فيك ايه !! أما كنت أدفعك التمن غالي !!! وغالي أوي كمان !!!
فريد يفاجئ بكلمات تغريد وأغلاقها الهاتف في وجهه ويعرف أن في أنتظاره مشكلة
