قصه كامله مشوقه بقلم رشا منصور

أنا عبدالله وصحابي بيقولولى يا عبده عندى عشرين سنه
صاحب البيت طردنى انهاردة بعد ما عرف ان ابويا ماټ. فى المستشفي ولقيت نفسي فجأة لوحدى مش عارف أروح فين وفضلت قاعد فى المقاپر. أبكي ع أبويا وع حالي وع الفقر اللى أنا فيه
وفجأة لقيت واحد شكله غريب لابس جلبيه وعبايه فوقها وماسك سبحه وفى نفس الوقت فى وشم. ع كف أيده ولبس خاتم عليه رأس خروف او غزال مش عارف هى حاجه لها قرون

ولقيته بيقولى تعالى معايا قعدتك هنا مش هتنفعك لازم تدور ع شغل ومكان تبات فيه أعرفك بنفسي
أنا الشيخ علام بساعد فى علاج الناس إيه رأيك تشتغل معايا وهتبات عندى وتاخد فلوس كمان قولت إيه يابني
عبدالله.
كتر خيرك بس أنا هشتغل معاك ايه وأنا مبفهمش فى الادويه وبصراحه كدا مكملتش علامي وأخر شغلانه ليا كنت صبي فى مخبز عيش وأبويا لما تعب بطلت أروح وفضلت جنبه وعرفت أنهم طردونى خلاص
الشيخ علام. 
أنا مش عاوز منك غير أنك تدخلي الزباين بالدور وأى حاجه تانيه أنا هعلمها لك قوم يلا معايا المدافن بالليل مش أمان يابني
عبدالله.
روحت معاه لأن مافيش قدامى حل تاني أنا من غير شغل ولا سكن ومش معايا حتى فلوس اجيب أكل وعرض الراجل ده بالنسبه ليا كان زى طوق النجاة
وأول ما روحت معاه ودخلت بيته قلبي اتقبض وحسيت أنه مكتوم زى ما يكون مش بتدخله شمس ولا هواء وببص لقيت روس حيوانات متحنطه قولت بس يبقي اكيد دى سبب الريحه بس من جوايا خۏفت معالج ايه ده اللى عايش فى وسط الحيوانات
الشيخ علام. 
انت خۏفت من الحيوانات ولا ايه أصل أنا غاوى صيد ولما كنت بسافر فى اى مكان كنت اصطاد واخليهم يحنطوا علشان بتبقي ذكرى لما اقعد كدا وافتكر أيام شبابي لما كنت بصحتى تعالي يابني أوريك أوضتك اهى أيه رأيك أهم حاجه تنضف الصاله بره كل يوم علشان الزباين وكلهم بيجوا بالليل وقليل لو حد جالي الصبح
عبدالله.
وقفت قدام الاوضه اللي هنام فيها لقيتها مفروشه وفيها سرير ودولاب بس فى صناديق خشب مقفوله بالاقفال ع جنب ولسه الشيخ علام بيفهمني الشغل سمعنا جرس الباب ولقيته قالي يلا روح أفتح تلاقي زبون أنا داخل المكتب ابعت الزبون عندى
روحت فتحت لقيت اتنين ستات وشكلهم خايفين سألتهم عاوزين مين قالولى الشيخ علام هو مش ياخويا ممكن يعالجنى ويخليني اخلف نفسي فى حتة عيل جوزى هيطلقني قولت لها اتفضلي ارتاحي هنا ودخلت له المكتب وقولت له دى واحدة عاوزة تخلف انت هتعرف تعالجها ضحك وقالي ډخلها
الشيخ علام
الواد ده شكله ذكى وهيسهل الدنيا عليا وهيفهم من الزباين عاوزين ايه ودخلت الزبونه وقعدت معاها وبعد حوالى ساعه خرجت من عندى وهى مبسوطه وتدعيلي زى