قصه كامله

-يا نهار اسود يا حازم انت عاوز تتجوز واحدة فرق السن بينك وبينها ١٠ سنين انت اټجننت يا ابنى ولا بتخرف؟!
حازم بهدوء: طب وفيها ايه يا امى انا مش شايف ان فرق السن ده عقبة بينا وكمان شكلها ما شاء الله اصغر منى بكتير 
-يا ابنى يا ضنايا انت ناقصك ايه بس عشان تتجوز واحدة اكبر منك من قلة البنات اللى فى سنك واصغر منك 
حازم: بس انا محبتش ولا اتشديت لاى واحدة منهم انا حبيت شيرين وبس وعيونى مش شايفة غيرها ومكتفى بيها عن اى حد الوحيدة اللى بتفهمنى وبتسمعنى وبتحاول تحل مشاكلى وبتستحملنى يا امى انا مش هرتاح غير معاها هى وبس 

- ليه يا اخويا عاملة ليك عمل ولا ايه وبعدين دى مصېبة مش بس اكبر منك دى كمان مطلقة 
حازم: طب وفيها ايه يعنى؟ انا مش شايف انها مشكلة ولا عشان هى مطلقة تبقى نهاية الكون وبعدين يا امى نتكلم بالعقل اشمعنا حياة اختى جوزتوها لواحد اكبر منها ب ١٢ سنة ومحدش اعترض عليه ها؟! ليه مقولتوش حرام تتجوز واحد من سنها ولا اكبر منها بحاجات بسيطة 
لم تجد بشرى رد مناسب ع حديث واسئلة ابنها فاستغل حازم الفرصة واكمل: يا امى الكلام ده لا موجود فى القرٱن ولا فى السنة النبوية دى عادات وافكار تقليدية انتم اللى عملتوها ومشيتوا عليها وياريتها صح 
بشرى: ايوة يا ابنى بس الناس هتعايرك فى الراحة والجاية
حازم: لو عيشت عمرى مهتم لكلام الناس يبقى مش هعرف اخطى خطوة واحدة فى حياتى صح يا امى وبعدين انتى ست مؤمنة صح بذمتك فيه اية فى القرأن بتمنع الراجل انه يتجوز واحدة اكبر منه او تكون مطلقة او ارملة مثلا ؟ طب سؤال تانى هى مين اولى زوجات الرسول صلى الله عليه وسلم ؟!
بشرى: السيدة خديجة رضى الله عنها وارضها 
حازم: طيب السيدة خديجة كانت اكبر من الرسول صلى الله عليه وسلم ب ١٥ سنة تزوجها النبي الكريم وعمره ٢٥ وهى كانت ٤٠ وكانت ارملة وهى من عرضت عليه الزواج والوحيدة اللى طول فترة حياتها لم يتزوج عليها الرسول صلى الله عليه وسلم وانجب منها ابناؤه جميعا بخلاف ابراهيم من ماريا القبطية ومش بس كده الرسول تزوج البكرية والارملة والمطلقة وغيرهم فايه المشكلة بس فى اختيارى
اتنهدت بشرى باستسلام: خلاص يا حازم اعمل اللى انت شايفه صح بس افتكر انى نصحتك عشان مترجعش تلوم عليا تانى 
حازم بابتسامة وهو يقبل يدها: اطمنى يا امى مش هندم ان شاء الله لانى واثق فى اختيارى بس ليا طلب واحد بس من حضرتك ممكن !