نجمه الادهم

زهرة الربيع انا مش فاهم يا بابا ازاي عايز تطلقها من اخويا وتجوزهالي ليه تعمل كده وانت عارف انهم بيحبو بعض انا مستحيل اوافق مستحيل
ابوه قال پغضب انا مش باخد رأيك يا ادهم هتتجوزها يعني هتتجوزها اذا كان اخوك الي زعلان عليه موافقني في الرأى انت هتعارض
ادهم قال باستغراب شديد موافق ازاي وبعدين انت انت هتفرق معاك ايه انا مش فاهم تطلقها منو وترجع تجوزهالي طب ايه السبب

ابوه قال بضيق مش كل حاجه لازم تعرفها المهم هتتجوز نجمة بنت عمك وده كلام اخير وقرار نهائي
ادهم قال بضيق ويا تري يا فتحي بيه نجمه عارفه بالحوار ده عارفه انها هتطلق من جوزها وهتجوز اخوه
فتحي سكت وادهم ابتسم بسخريه وقال كنت متأكد
فتحي بصلو وقال نجمه انا هعرف اقنعها انت الموضوع ده ملكش فيه انهارده هيطلقها وبالليل نفس المأذون الي هيطلقهم هيجوزكم
ادهم بصلو بزهول وضحك وقال كده من غير عده طب دي هتقنع مين بيها بقى
بقلم زهرة الربيع
فتحي مشي ناحية اوضتو وهو بيقول انهارده بالليل تكون جاهز
ادهم كان هيتجنن ومش فاهم ابوه بيعمل كده ليه وازاي هيجوزها من غير ما تخلص عدتها
بالليل كان المأذون وصل وفتحي قعد معاه واتكلم معاه شويه
ادهم شاف اخوه طالع من الأوضه ندالو وقال خالد استنى هنا انت بتعمل ايه يا خالد ازاي توافق على كده ازي
خالد بصلو بدموع وقال زي ما انت وافقت يا ادهم
ادهم قال انا اول ما اتكلمت معاه قلي اخوك بنفسو موافق انا مش فاهم انتو بتعملو ايه ومخبين ايه عننا
خالد حط ايده على كتفو وقال مبروك يا ادهم ومشي
ادهم فضل باصص لطيفه بزهول بس فاق على صوت ابوه بيناديلو وقال ادهم تعالى يلا
ادهم راح قعد جمب ابوه وجات بنت جميله متكملش العشرين بملامح هاديه وعيون واسعه جميله جدا قالت بصوت واطي نعم يا عمي خالد قلي انك عايزني
فتحي ابتسم وقال خير يا حببتي كلو خير ليكي ده حضرة الشيخ حسنين المأذون
نجمه ابتسمت وقالت اهلا بيك يا شيخنا 
بس وقفت مكانها بزهول وصدمه لما عمها قال الشيخ جاي علشان يطلقك من خالد ويكتب كتابك على ادهم نجمه بصت لعمها بزهول وقالت نعم ازاي يعني تطلقني حضرتك بتهزر معايا صح
عمها وقف وقرب منها وقال بابتسامه انا مش بعمل غير الاحسن ليكي يا نجمه صدقيني يا بنتي انا عمك الي مربيكي وفي مقام ابوكي اسمعي كلامي
نجمه كانت بتبصلو بزهول وقال حضرتك بتقول ايه انت انت واخد بالك بتطلب ايه يعني ايه اتطلق من جوزي واتجوز اخوه كمان ههه ده مستحيل يكون غير هزار مستحيل
هنا اتنهد وقال خالد هو الي عايز يطلقك يا نجمه
نجمه بصت لخالد پصدمه وقالت لا لا طبعا خالد خالد انت صحيح عايزنا نطلق مستحيل طبعا انا بسأل ليه اصلا
خالد كان قاعد وعيونه في الارض ومش بينطق ونجمه قربت منو وقالت خالد رد عليا اتكلم متسكتش قولو انو غلطان انت عايز تجنني اتكلم
خالد نزلت دمعه من عيونه مسحها بسرعه وقال احم ده صحيح يا نجمه انتي انتي طالق
خالد قال كده وبص للمأذون وقال هتعوز حاجه مني تاني
المأذون خلاه يمضي على الاوراق ونجمه كانت بتبصلو پصدمه وزهول مش فاهمه ايه الي بيحصل معاها
ادهم كان بيبص لحالتها بحزن رهيب وكان نفسو يضرب اخوه بسبب حالتها قعدت على الكرسي پصدمه وزهول والمأذون بدأ في اجرائات جوازها من أدهم
ادخم كان بيبصلها بدموع وهيه كانت ساكته ودموعها متعلقه في عنيها وعمها بقى وكيلها وتمم اجرائات الجواز وكتب كتابها على ادهم
نجمه اول ما المؤذون خلص طلعت على اوضتها بزهول ومكانتش بتنطق ابدا وده الي خلى ادهم قلق جدا طلع وراها بسرعه بس ابوه وقفو وقال بسرعه ادهم عايزك
ادهم وقف پغضب وقال مبسوط بالي عملتو ده
فتحي قال مبسوط جدا ده الي كان لازم يحصل من زمان انا كنت عاوز اجوزك نجمه ووعدت ابوها قبل ما ېموت اني هجوزهالك انت ابني الكبير انت الي هتحافظ عليها
ادهم كان مضايق جدا وكان هيمشي بس ابوه قال عايز تشد حيلك وتجبلي ولي العهد بسرعه
ادهم بصلو بزهول وضحك وقال نعم انت فاكر ان ده جواز ده اصلا حرام