ليه يازمن الفصل22
انت في الصفحة 1 من 4 صفحات
الفصل 22
ليه يازمن
استأذن مراد من المعلم و من رحمه واخذ فرح وركبوا العربيه.
المعلم بقولك إيه أنا طلقت نوال.
رحمه إيه!!!!
المعلم زي ما بقولك اعترفت إنها طلعت كلام على فرح ولسه كانت ناويه تشوه سمعتها. انا عملت إيه وحش في الست دي علشان تعمل في بنتي كده
فكريه أول ما سمعت إنه طلقها فضلت تزغرط.
فكريه يا ألف انهار أبيض أهو كده إنت أخويا بحق وحقيقي.
فكريه اسكت إنت مش عارف كهن النسوان عامل إزاي. نوال دي محدش يعرفها قدي.
حسنين وبعدهالك يا فكريه عيب كده.
فكريه عيب وهي تعرف العيب بقولكم إيه خلونا نطلع فوق ونعزم أهل العريس يتعشوا معانا.
المعلم حاضر يا فكريه واطلب عشاء يليق بيهم.
تعالي يا نانسي اتعرفي على اختي.
قربت نانسي.
وحضنتها
رحمه الله يبارك فيكي وشكرا على اللي عملتيه جبتي العصاير والحلويات والفرقه كمان.
نانسي دا كله من خيركم وبعدين دي فرح بنت الحاجه رحمه والمعلم. يعلم ربنا بحبها قد إيه وعارفه إنها مش طيقاني بس عذرها معاها ومش زعلانه منها
فكريه طول عمرك عبيطه يا رحمه
نانسي إزيك يا حاجه فكريه.
فكريه لسه ربنا ما اذنش اروح الحج وفري سلامتك لنفسك.
حسنين يا فكريه اتقي الله.
ردت
رحمه نانسي بنت طيبه وبنت أصول.
فكريه بس علشان رحمه واللي عملتيه مع فرح هسلم عليكي.
وأخذتها في حضنها لما شافت نوال واقفه في البلكونه بتبص عليهم.
أول مانوال شافتهم اتعصبت وقفلت البلكونه ودخلت جوه.
أما العرسان كانوا فرحانين أوي أوي.
فرح ماكنتش مصدقه إن خلاص حلمها اتحقق حلمها اللي كانت بتصلي وتدعي ربنا بيه كانت بتحلم بيوم ما تكون زوجة لمراد كانت عايشه قصة حب لوحدها وكانت بتطلب من ربنا إنه يزرع حبها في قلبه كانت مت..ابعه كل اخباره على الفايسبوك والانتسجرام وبتبقى مركزه أوي لما علي يتكلم عليه. لما كانوا في بيت علي وقربت تعالج له الكدمات قلبها كان هيطلع من مكانه. لما جات عيونهم فى عيون بعض ولما قال لها إنت حلوه بقي عندها امل إنه ممكن يكون معجب بيها سنين وهي پتتعذب بحبه سنين وهي مستنياه يتكلم كانت مستنيه المبادره تيجي منه هو.
مراد حبيبتي مالك
فرح بصت له
فرح هو احنا بجد كتبنا كتابنا
مراد ابتسم لها
مراد أيوه يا حبيبتي إنتي دلوقتي مراتي.
فرح حبيبتك
مراد حبيتك من أول يوم شفتك فيه
