قصه بقلم عادل الصعيدي ج4
سلفي من نسل الشيطان
الجزء الرابع....
اللحظه اللي فتحت فيها الشنطه الا اخدتها من ماهر .
كنت واثقه ان جواها ملابس بس
بس لما فتحتها لقيت فيها فلوس
وكمان ملابس.
اتضايقت لما شفت الملابس واكيد بيعمل
مع سلايفي كدا
خبيت الشنطه
في دولابي عشان نادر جوزي ميشفهاش
وبفكر ازاي ارجعها ليه تاني واعرفه اني مش زيهم
رجع جوزي نادر من شغله وحضرت الاكل ليه
وانا دماغي
بتفكر ازاي اعرف سلايفي الرجاله علي أعمال ماهر
انا عارفه دي صعب وخصوصا انه الكبير بتاعهم
ومشغلهم عنده وبيصرف عليهم
ومفهاش غلطه
المهم
بعد ما اتغدي جوزي نادر نزل الشغل في المحل تاني
وانا نزلت تحت عند حماتي
وكانت قاعده مياده ونوال
وكانت حماتي بتتكلم مع مياده عايزها تجبيلها عبايه من المحل بتاع ماهر
ومياده مكسله تطلع
اللحظه دي جاتني فكره
اخلي مياده تطلع وانا اروح معاها واكلم ماهر في المحل لوحده
اخدت مياده المطبخ واقنعتها نطلع سوا
ووافقت
بعت لنادر جوزي رساله اني هطلع لمحل ماهر نشتري لبس لمامته ووافق
واخدت مياده وطلعنا السوق
رايحين لمحل ماهر
واحنا بطريق حاسه مياده عايزه تتكلم بس ساكته وسرحانه مش عارفه ليه
ولما سألتها مالك
قالت ... بصراحه مكنتش عايزه اروح محل ماهر
بصتلها وحاسه ان في حاجه ومخبيه
وقلت .... ليه حصل حاجه بينكم .. قصدي في مشكله معاكي
ردت بململه
وقالت .. لا لا مفيش بس احراج مش اكتر
رديت عليها وقلت ...
احراج ليه احنا هنجيب لبس لحماتي مفهاش حاجه يعني
هزت راسها بس تعبير وشها بتقول حاجه تاني
وفي حاجه مخبياها ومش عايزه تقولها ليا ...
مشينا ودخلنا المحل بتاع ماهر
وفي الوقت دي مكنش ماهر موجود
قوليلي راح ما واحد صاحبه
ولسه هندخل نشوف قسم العبايات في المحل انا ومياده
لمحت الراجل الا كان جايبه
ماهر وبيقول عليه شيخ بيطلع السحر
وكان اسمه حسن
واول ما شافني ارتبك
ودخل جوه
سبت مياده تدخل تشوف العبايات وانا وقفت في اول المحل
وعايزه اشوفه واتكلم معاه
وعدي وقت كبير ومظهرش تاني ولما سألت عليه
قوليلي دي اسمه حسن
وبيشتغل في المحل هنا
اللحظه دي
عرفت ان ماهر بيلعب علي مامته كمان ومفهمها ان نوال معملها سحر والكلام دي كدب
دخلت جوه اشوف مياده اختارت عبايه والا لسه
واتفاجات
لما لقيت مياده .....
تتبع..
الكاتب عادل الصعيدي
