ليه يازمن الفصل24
انت في الصفحة 3 من 3 صفحات
لمعت دموع...
سميرة
مالك
نوال
العروسة كان إسمها سماح.
سميرة
خلاص فهمت ماعلش.
نوال
والله ويشهد عليا ربنا أنا كنت حاحط الفرق من عندي دي صدقة على روح المرحومة.
سميرة
الله يرحمها أنا فهمتك بس بجد فكرة حلوة وكمان الفيديوهات دي عجبتني قولي يا عوض إنت بتفهم في السوشيال ميديا
إلا بافهم ده أنا لهلوب كده.
سميرة
إيه رايك نفتح صفحة على الفيس و الانستجرام و التيك توك بإسم المحل وتحط الفيديوهات
عوض
دي فكرة جنان و بكده نجيب زبائن جديدة.
نوال
يالهوي توك توك إيه اللي انتوا عايزين تفتحوه ده
سميرة و عوض فضلوا يضحكوا حتى شرحوا ليها وعجبتها الفكرة.
عوض راح على جنب يعمل الحساب على السوشيال ميديا ونوال وسميرة فضلوا يتكلموا.
بقولك أختك مش بتتصل بيا وبابعت ليها على المدعوق الواتس ده بس مش بترد أنا مهما كان في مقام أمكم ولا انتوا شايفين إيه يا بنات سعد
سميرة
تسلمي يا نوال والله ماكنت أعرف إنك كده.
نوال
كده إزاي يابت ده أنا أغلب من الغلب مايغركيش الشويتين اللي باعملهم بس والله قلبي أبيض هي أختك لسه واخدة على خاطرها مني
عادي يا نوال لازم شوية صبر أنا باطمن عليها بس بجد بيني و بينك خاېفة عليها.
نوال
حقك يا ختي تخافي عليها البت مالهاش خبرة في الدنيا وكمان حماها ده الله أكبر منه راجل غتت ومن يومه مش طايقنا.
سميرة
هو ده يا نوال شقتها قدام شقتهم بعد ما كانت شقتها بعيدة عليهم جاب شقة تانية ودلوقتي بيلمح ليها تروح تعيش معاهم في نفس الشقة علشان يوفروا بيقول ليها العيشة غالية.
نوال
لا إوعي تقوليلها تعمل كده عمرها ما هترتاح معاهم بنتنا مش قليلة نبعث ليها إحنا من هنا خير أبوها موجود ولا تروح تعيش معاهم هو ده اللي كان ناقص.
سميرة
إدعيلها بس و الحمل كمان تاعبها وهي على طول بټعيط خاېفة يكون عندها اكتئاب.
نوال
إكتتاب إيه ده يابنتي كلميني عربي زي ما باكلمك.
ما أنا باكلمك عربي الإكتئاب دا حاله نفسية بتيجي للواحد وممكن يفكر في الإنتحار لا قدر الله.
نوال
لا ياختي قولي لأختك تيجي وسطينا وناخذ بالنا منها.
سميرة
يارب خير طيب أنا همشي لو في حاجة إتصلي.
نوال
سلام يا ختي أتصل بالراجل ده.
نوال آلو!
عاطف
أيوه يا ست نوال متصلة ليه
يعني إيه متصلة ليه بقولك الجيران إبتدوا يشتكوا من الدوشة هو إنتم بتحفروا ولا بتعملوا إيه
عاطف
إنت ازاي تكلميني وتقولي الكلام ده إنت فين
نوال
في المحل يا خويا.
عاطف
إقفلي.
نوال الله! ماله الراجل ده لا مافيهاش لازم أروح أشوف بيهببوا إيه في العمارة كله منك يا كريم وقعتني مع الناس دي.
في الخليج في شقة مراد....
مراد
هتفضلي نايمة كتير كده
فرح
مراد أنا تعبانة بجد.
مراد ألف سلامة طيب تعالي نروح نتغدا ماما عاملة محاشي وكمان أختي نرجس موجودة.
فرح
مش قادرة آكل ماليش نفس وكمان دايخة أوي عايزة بس أنام.
مراد
بصراحه ده أوفر أوي من ساعة ماجينا وانت مكشرة وبتعيطي ولا عايزه تكلميني ولا تديني حقي الشرعي ولا عايزة تقعدي مع أهلي.
فرح قامت من على السرير.
فرح
مراد إنت بتتكلم بجد انا أمي لسه مېتة و أبويا كمان و أخويا ماعرفش هو فين وبتقولي بټعيطي ليه وحقك الشرعي هل أنا منعتك عنه
مراد من غير نفس كإنك بټأذي واجب وخلاص من غير حب
ولا لهفة ولا رغبة إنت بقيتي كئيبه أوي قافلة على نفسك ده أمي بتيجي عندك تقعد معاكي وأنت ساكته أعمل معاكي إيه أقولك أنا رايح.
طلع من الأوضه وهي فضلت ټعيط راح شقة أهله.
تهاني
الله أومال فين مراتك
مراد وهو زعلان و مضايق..
مراد تعبانة.
نرجس
هي إيه حكاية مراتك
مراد تعبانة وزعلانة.
نرجس
لا مراتك مش طايقانا خالص حتى لو هي معانا مش بتتكلم.
تهاني
ماعلش اللي هي فيه مش سهل فقدان الأهل مش سهل.
احمد
ده اختيارك يابني إستحمل بقى أنا من الأول قلتلك بالاها الجوازة دي عليتها مش كويسة ماصدقتنيش
دلوقتي إستحمل مالهاش غيرك و كمان حامل هرمونات الحمل تعمل اكثر من كده.
نرجس
بس هاتفضل منكده على أخويا كتير كده
أحمد
عيب يابنتي تقولي كده البنت بقت يتيمة وفي الغربة و حامل بدل ماتتصاحبي معاها وتطلعيها من الحالة دي ليك الأجر.
مراد
انت اللي بتقول كده يا بابا
أحمد
أيوه يابني من الأول عمري ماقلت كلمة وحشة عليها كان اعتراضي على أهلها واهو شفت المشاكل والق تل وماعرفش إيه أما هي ماشفناش منها حاجة وحشة ولا إيه رأيك يا تهاني
تهاني
الصراحة البت زي النسمة شاطرة وحتى طبيخها حلو ونظيفة وعلى طول بتعاملني بأدب.
أحمد
أخلاقها لا يعلى عليها بس هي محتجانا كلنا نكون جنبها هي بقت مسؤولة مننا وانت يابني طول بالك عليها شوية.
مراد
حاضر يا بابا.
أحمد
أنا حاروح أكلمها بعد إذنك.
مراد
إتفضل يا بابا.
في المستشفى ...
غرفة مليكة....
صحيت لاقت أدهم جنبها.
أدهم إنت كويسة
مليكة
آه ظهري بيوجعني أوي.
أدهم
حمد الله على السلامه حبيبتي.
مليكة
الله يسلمك.
أدهم
إزاي حصل ده حسيتي بدوخة قصدي
مليكة
أنا سمعت كل حاجة وماحستش بنفسي والله لحد ما وقعت.
و ابتدت ټعيط...
أنا آسفه والله على الكلام اللي قالته سهى إوعى تعمل ده ولا تجيب ليها حاجة ماعرفش إيه اللي حصل ليها.
أدهم
إهدي حبيبتي مكبره الموضوع ليه أخت صغيرة بتطلب من أخوها الكبير ماتدخليش بينا.
مليكة
إنت فيك إيه عينيك فيهم لمعة وفرحة مش فاهمة
أدهم
يعني مش عارفة
مليكة
عارفه إيه
أدهم
يمكن عاملة ليا مفاجأه.
مليكة
مفاجأه مش فاهمة منك حاجة.
أدهم
حبيبتي إنت حامل ألف مبروك أنا طاير من الفرحة.
مليكة اتص دمت.
أدهم مالك
مليكة
قولت ايه
أدهم
قلت إنك حامل.
أدهم كان متوتر من ردة فعلها.
مليكة
حامل و وقعت من السلم
ومن غير ما تحس حطت إيديها على بطنها وابتدت ټعيط.
أدهم
إهدي حبيبتي كله تمام الجنين كويس.
مليكة
لا لا أنا تعبانه.
أدهم
إهدي بس ماكنتيش تعرفي
مليكة لأ .
أدهم
فرحانة
مليكة
أنت شايف إيه أنا وقعت يعني ممكن ....
أدهم
لا من غير ماتكملي إن شاء الله كله خير كنت عايزة تحملي ولا صدفة أرجوك جاوبيني.
مليكة
مهم السؤال ده عندك
أدهم
جدا يا مليكة خاصه إنك كنت رافضه وانا سكت وماحبتش أفتحه تاني.
مليكة
وأنا علشان احترمت رغبتي مابقتش آخذ الحبوب وكنت مفكرة الموضوع هيطول بس يادوب شهرين.
أدهم
الحمد لله يارب دي نعمة و رزق ما عند ربنا.
مليكه حست بحاجة مش تمام و ۏجع وابتدت تصرخ أدهم لاحظ إن مليكة پتنزف كان هيتجنن...!!!
