قصه كامله مشوقه

اوي
كوثر وانا كمان يابنتي بحبك ...يالا نقوم نفطر يالا بسرعه
ساندي وهي بتقوم تجري علي السفره بلهفه وفرحه يالا ايه ده هو مفيش فول
كوثر باستغراب فول!
ساندي اه فول وبصل
كوثر بضحك بصل كمان ! عرفتي الكلام ده منين
ساندي عمرو
كوثر بتوتر هه ع عمرو مين
ساندي ده واحد ياستي عرفته من الحلم
كوثر ح حلم
ساندي وهي بتاكل بصي ياستي أنا هحكيلك انا حلمت اني قومت من النوم لقيت نفسي في مكان غريب شكلي كان متغير شعري كان لونه اسود وطويل كنت لابسه بيجامه لونها موف وفجأه دخل عليا واحد بيقولي إن هو جوزي واني مش غنيه وأن بابا صاحب عربيه الكبده اللي علي اول الشارع ...كنت حاسه اني هتجن ياماما كنت حاسه زي ما اكون في حقيقه مش في حلم ...مصدقتهوش خرجت من الأوضه وانا پصرخ لقيت مامته وأخته اللي هي زميلتي في الجامعه وبتقولي اني مرات اخوها ومامتها فضلت تقولي تعالي افطري تعالي افطري وانا مش فاهمه اي حاجه شويه وخرج عمرو عشان يروح شغله بعد ما باس راسي وانا كل ده مستغربه اټجننت واتعصبت علي ملك ومامتها. و آاا

قطع كلامها صوت الفون بتاع مامتها بيرن والغريبه أن كوثر قفلته من الجنب ومردتش ..
-ها ياحبيبتي كملي
ساندي باستغراب مش هتردي ياماما
كوثر بلا مبالاه لا مش مهم كملي انتي
ساندي بحماس بس وبعدين خرجت من البيت بالبيجامه نزلت تحت لقيت نفسي في مكان غريب جدا حاره شعبيه في ناس في كل مكان بياعين خضار وواحد بيبيع بيكيا الا صحيح ياماما يعني ايه بيكيا انا قولتله ديه مواهب ضحك عليا ومشي
كوثر ههههههههههه لا ياحبيبتي بيكيا ديه الحاجات القديمه اللي الناس مش محتاجاها
ساندي ااااااه المهم يعني وقفت في نص الشارع حسيت اني في دوامه ياماما روحت كلمت بابا من فون واحد بتاع فاكهه ...تعرفي ياماما كنت مقهوره اوي في الحلم
كوثر وهي بتحاول تداري دموعها ليه ياحبيبتي
ساندي تخيلي ياماما كلمت بابا وقولتله يلحقني قالي انتي مين أقوله أنا ساندي بنتك يابابا يقولي ساندي بنتي مين انا بنتي جنبي انتي مين وانا اقنعه وهو مش مصدق وقفل السكه في وشي ...ملك ساعتها نزلت وقالتلي اطلع معاها وأنا رفضت وجريت من قدامها عشان اخد تاكسي يوصلني البيت ...وصلت البيت محدش كان يعرفني الحراس والخدم وحتي بابا مكانش يعرفني في الحلم كنت مقهوره اوي اوي كنت حاسه ان قلبي اتشق نصين يعني ايه بابا ميعرفنيش ...جه ساعتها عمرو واخدني ومشينا ..تعرفي ياماما قالي ايه
كوثر قالك ايه ياحبيبتي!
ساندي قالي عيشي حياتك وافرحي كان حلم كان حقيقه استمتعي بكل لحظه في حياتك ومتضيعيش الوقت في الحزن اعتبري نفسك في مغامره واتعلمي منها حاجات جديده ...ساعتها اقتنعت بكلامه اوي وقررت اني هعيش اللحظه أيا كانت وعيشت بالرغم اني كنت خاېفه بس حسيت بعديها براحه وآمان حسيت قد ايه الحياه حلوه وبسيطه وحسيت قد ايه عمرو شخص جميل وحنين وقدر يفهمني من غير ما اتكلم أنا حسيت أن قلبي اتحرك من مكانه لما ضحك بغمازته اللي علي خده الشمال أنا حبيت عمرو اوي ياماما فكرك ممكن يبقي موجود في الحقيقه !
كوثر بتوتر هه م ممكن ممكن ياحبيبتي
ساندي وهي بتقوم بحماس طيب انا رايحه البس
كوثر باستغراب رايحه فين بس!
ساندي بحماس واصرار وهي بتبص قدامها رايحه ادور علي عمرو الحقيقي ..
قالت جملتها وجرت علي فوق عشان تغير هدومها وتروح تدور علي عمرو وهي حاسه انها هتلاقيه ...
كوثر بصوت عالي رايحه تدوري عليه فين بس يابنتي استني هتلاقي فين ده في مليون واحد اسمه عمرو ..
بعد شويه نزلت ساندي وهي بتجري علي السلم بعد ماغيرت هدومها...
ساندي باستعجال يالا يامامي باي
كوثر ساندي استني ساندي يارب اعمل اي دلوقتي انا هكلم محمود.
-الو محمود الحق ساندي
محمود بفزع في ايه ياكوثر مالها ساندي جرالها حاجه
كوثر لا لا بس بنتك فاكره نفسها كانت بتحلم ورايحه تدور علي عمرو بنتك حبت عمرو من يوم يامحمود انا معملتش حسابي ابدا ان ده ممكن يحصل ...
محمود وهو بيتنهد متقلقيش عليها ياكوثر خليها تعمل اللي يريحها ...
كوثر ربنا يستر 
..................................................
-ايووووه هو ده المكان
ديه كانت جمله ساندي لنفسها بعد ما لفت بالعربيه عشان تلاقي المكان اللي كانوا بيتمشوا فيه هي وعمرو لانه كان قريب من البيت بحاجات بسيطه ...
ركنت العربيه ونزلت منها وهي بتسأل اللي رايح واللي جاي بلهفه
-لو سمحت
-نعم يا انسه اتفضلي
ساندي ل لو سمحت هو في واحد هنا بتاع فول
الشخص وهو بيبصلها باستغراب نعم
ساندي بتوتر ا احم هو اسمه عم محمد لو سمحت لو تعرف هو فين لاني محتاجاه ضروري ..
الراجل هتلاقيه هناك آخر الشارع ده
ساندي بفرحه طب شكرا جدا
قالت جملتها وجرت علي العربيه وراحت علي آخر الشارع بأقصي سرعه ....
-اهو اهو عم محمد يبقي اكيد عمرو موجود في الحقيقه ..
نزلت من العربيه وجرت علي محمد بلهفه
-مساء الخير ياعمو
محمد باستغراب مساء النور مين
ساندي بتوتر ه هو حضرتك متعرفنيش
محمد مين ساندي مرات الاستاذ عمرو
ساندي پصدمه انت تعرفني ياعمو !
محمد ايوه يابنتي انتي بس شكلك متغير حبتين ألا صحيح الاستاذ عمرو مجاش معاكي ليه
ساندي بشرود انا مش فاهمه حاجه ازاي عم محمد يعرفني وانا اصلا كنت بحلم
محمد انتي كويسه يابنتي !!
ساندي عم محمد انا محتاجه منك خدمه
محمد اتفضلي
ساندي تعرف عنوان عمرو
محمد باستغراب انتي متعرفهوش مش انتي مراته ولا انا بخرف ..
ساندي ارجوك ياعمو مفيش وقت للتفسير ..
محمد ماشي اكتبي شارع
ساندي بلهفه الف شكر ياعمو وبالمناسبه الفول بتاعك تحفه تسلم ايدك
قالت جملتها وراحت تركب العربيه بتاعتها وهي مش فاهمه اي حاجه ولا قادره تستوعب أن الاشخاص اللي حلمت بيهم أشخاص حقيقين ...
وصلت المكان بعد وقت قليل جدا ...
نزلت من العربيه وهي مصدومه أنه نفس المكان اللي كان في الحلم بنفس الأشخاص حتي نفس الواجل بتاع الفاكهه معقوله يكون كل ده حلم !
.................................................. 
في بيت عمرو كان قاعد هو ملك ومامته وباين علي وشه الحزن ..
ام عمرو بحنان مالك يابني
عمرو بتوتر هه مفيش ياحبيبتي انا كويس
ملك وهي بتتنهد عمرو اوعي تكون حبيت ساندي
عمرو بتوتر حبيت ساندي ايه ياملك هو انا لحقت احبها يعني
ملك ياخوفي
اثناء كلامهم الباب خبط وقامت ملك عشان تفتح ...
-ملك
ملك بتوتر س س ساندي
ساندي بلهفه ملك فين عمرو
ملك هه 
عمرو من وراها مين ياملك
ساندي بفرحه عمروو
عمرو پصدمه وتوتر ا انتي مين
ساندي عمرو ارجوك ياعمرو قولي الحقيقه اكيد كل ده مش حلم أنا حاسه انها حقيقه ارجوك ريح قلبي انا هتجنن
عمرو وهو بيتنهد اتفضلي ياساندي انا هحكيلك كل حاجه
بعد شويه كانت قاعده ساندي قدام عمرو وهو بيحكي كل حاجه من البدايه ودموعها مغرقه خدها لحد ما خلص ...
ساندي بدموع ي يعني كل ده مكانش حلم
ملك بلهفه علي فكره ياساندي مامتك وباباكي بيحبوكي اوي صدقيني متزعليش منهم هما عملوا كل ده عشان مصلحتك ...
ساندي بدموع وهي بتبص لعمرو بس ميعرفوش أن هما آذوني ياملك
ملك ليه
ساندي وهي بتبص لعمرو عشان حبيت اخوكي معرفش أمتي وازاي حبيته
في يوم بس حسيت معاه اني مبسوطه ومرتاحه حسيت معاه بالآمان ...
قالت جملتها وطلعت تجري من قدامهم وهما قاعدين مصډومين من اللي اتقال !!
- كنزي حبيبتي كنتي فين
كنزي بدموع ليه كده ياماما
كوثر بلهفه وخوف ليه ايه ياحبيبتي
كنزي ليه تعملوا كده انا عرفت كل حاجه ياماما عرفت أن انتي وبابا حطتولي منوم في القهوه يومها عشان اعيش مع عمرو واتغير ...
محمود بحزن حقك علينا يابنتي حقك علينا احنا عملنا كل ده عشان بنحبك صدقيني انا ومامتك بنحبك وكنا فاكرين أن انتي كده هتتغيري بس عرفنا أن احنا كنا غلط ارجوكي يابنتي متزعليش ...
ساندي وهي بتترمي في حضنه بدموع انا حبيت عمرو يابابا حبيبته وعارفه أنه استحاله يحب واحده زي ..
محمود ليه يابنتي
ساندي شوف احنا فين وهما فين يابابا انا مش فارق معايا فلوس ولا اي حاجه و هو حتي لو كان حبني هيخاف يتقدم ...
محمود وهو بيتنهد سيبي كل حاجه علي ربنا ياساندي لو نصيبك هتتجوزيه يالا حبيبه بابا روحي اغسلي وشك وتعالي نتعشي سوا وبعديها نسهر نتفرج انا وانتي وماما علي فيلم حلو ..
ساندي وهي بتهز رأسها حاضر
بعد مرور أسبوع
-ساندي حبيبتي
ساندي تعالي ياماما اتفضلي
كوثر بفرحه عايزاكي تحضري نفسك بليل
ساندي باستغراب ليه خارجين
كوثر توء في عريس متقدملك
ساندي بتوتر وخوف ب بس
كوثر مبسش علي فكره هيعجبك اوي وبعدين ياستي قابليه عجبك كان بها معجبكيش محدش يقدر يغصبك علي حاجه ولو اني متأكده أنه هيعجبك واوي كمان ...
ساندي اشمعني
كوثر بغموض توء مفاجأه يالا انا هنزل اساعدهم تحت في تنضيف الفيله
ساندي ماشي ياحبيبتي
قالت جملتها بدون نفس وهي بتفتح الفون بتاعها وبتتنهد بحزن وبتكتب علي الواتس اب
" قلبي داب مالإنتظار 
عقلي شت من الأغاني 
ورغم طول البعد لسة
فيا حاجة مطمناني "
بليل كانت واقفه قدام المرايه بتتفحص شكلها بفستانها الاسود الطويل وبأكمام وفي حزام سيلفر من الوسط ولابسه شوذ سيلفر وسايبه شعرها الاصفر القصير علي كتفها وحاطه ميك اب خفيف وهادي ....
مش قادره تفهم ليه حاسه براحه غريبه لاول مره وتوتر حاسه ان في حاجه حلوه هتحصل ...
ساندي هانم محمود بيه عايزك تحت ..
ساندي بتوتر مروه شكلي حلو
مروه شكلك زي القمر ربنا يحفظك
ساندي بجد شكرا انتي اللي قمر والله
مروه بفرحه الله يجبر بخاطرك يارب
بعد شويه كانت نازله ساندي علي السلم وهي حاطه وشها في الأرض بتوتر لحد ما وصلت لتحت ...
-عمرو
قالتها ساندي پصدمه وهي بتبص علي عمرو اللي كان قاعد ولابس بدله رمادي وتحته قميص ابيض وقاعد يبصلها بابتسامه بټخطف القلب والعقل ....
محمود تعالي ياساندي ياحبيبتي عمرو جاي يطلب ايدك مني ها رأيك ايه ياعروسه !
ساندي بفرحه من جواها اللي حضرتك تشوفه يابابا
محمود وانا مش هلاقي احسن من عمرو عشان اجوزك ليه ...
عمرو بجديه وانا اوعدك مش هخلي ساندي محتاجه اي حاجه هعمل كل حاجه عشان تكون مبسوطه ...
محمود علي بركه اللي يبقي نقرا الفاتحه ..
-ولا الضالين آمييين
ملك بفرحه لولولولولولي
محمود الف مبروك ياولاد
ساندي بخجل الله يبارك فيك يابابا
كوثر بفرحه الف مليون مبروك ياحبيبتي
محمود يالا بقي ياجماعه نسيب العرسان مع بعض شويه
مشي الكل وقام عمرو بسرعه وقعد جنب ساندي اللي كانت حاطه وشها في الأرض وبتفرك ايديها بتوتر ..
-شكلك زي القمر
ساندي بتوتر ش شكرا وانت
عمرو بخبث وانا ايه
ساندي و وانت كمان شكلك حلو
عمرو طول عمري ربنا يحميني
ساندي بابتسامه رقيقه والله
عمرو وهو بيبص في عيونها بحب بحبك مش عارف حبيتك أمتي وازاي عمري ما كنت بصدق الحب اللي من اول نظره لحد ما شوفتك وصدقته ..
ساندي وانا كمان ياعمرو حبيتك وحسيت اني مرتاحه وحسيت بآمان ..
عمرو وهو بيتنهد وعد مني هخليكي اسعد واحده في الدنيا ..
ساندي وانا واثقه من كده
عاوزين يعرفوا حبيتك! ليه ييجوا يشوفوا 
القمر اللي سلامه بعنيه مش بكفوفه
تمت 
إيمان شلبي