ليه يازمن الفصل33
انت في الصفحة 1 من 4 صفحات
الجزء الثاني الفصل الثالث و الثلاثون....
ليه يازمن
طارق
بس إيه
زهرة
ما اقدرش أتجوز وبعدين لسة العدة خالصة من أسبوع.
أدهم
أهو قولتيلي إن العده خلصت يعني جوازك حلال وكمان دي وصية المعلم الله يرحمه إديها الجواب يا طارق.
طارق طلع الجواب..
أدهم
خدي شوفي وصية المرحوم وعليها شهود المحامي طارق و إثنين من مكتبه وكمان موثقه.
عزيزتي زهرة لما تقرأي الجواب ده أكيد هيكون حصل ليا حاجه وعايز أسيبك في إيد أمينه و مش هلاقي أحسن من طارق.
إسمعي يا زهرة طارق هو الراجل الوحيد اللي ممكن يحميك إوعي تستهيني بالخطړ اللي حوالينا وخاصة لو حصل ليا حاجه تتجوزي طارق وهو موافق على إنه يحميك و يتجوزك ده عرف عند عرب الجبال لو بقيتي على ذمه راجل ماحدش هيقرب منك خالص..
الورق ده مهم وكمان الخريطه قلتلك إني حړقت كل حاجة علشان أنقذ نفسي بس فكرت كويس لقيت إني لازم أحمي نفسي و أحميك زهرة إوعي تخبي حاجة على طارق سلميه كل حاجة وإوعي تنسي حاجة إوعي تستغربي إني ماطلبتش إنك تتجوزي علي علي مش إبني بس مايصلحش يكون جوزك و مش هيحميك ولو وصل للي هو عايزه هتكوني في خطړ أكبر أنا غلطت فى حقك و بعوضك بطارق باريت تسمعي كلامي..
خلصت الجواب وهي مش بتنطق طارق فضل يبص عليها ومستني قرارها.
كمل الإجراءات يا مولانا.
طارق
قلت إيه يا زهرة
زهرة فضلت ساكته وما اتكلمتش.
طارق
خلاص يا أدهم يلا بينا.
زهرة
أنا موافقه
أدهم
الحمد لله إنده على الظابط علشان البطاقه و الشهود.
طارق قام طلع عند الظابط و ابتدوا إجراءات كتب الكتاب وزهره من جواها فرحانة و في نفس الوقت خاېفة لأن اللي جاي صعب جدا.
أدهم
ألف مبروك يا طارق.
طارق
الله يبارك فيك.
أدهم
مبروك يا زهرة.
زهرة وقفت..
زهرة
مبروك عليكم حضرت الظابط عايزه أرجع العنبر.
طارق
اتفضل يا مولانا والف شكر ليك إنك جيت
