قصه كامله

جاب منها حاجة ورجعلي قعد على الرصيف من تاني بعدين مدلي ايده بشوية ورق وصور خدتهم وبدأت أقلب فيهم وهو بص قدامه وخد نفس طويل وبدأ يتكلم بابتسامة مکسورة بعد ما اتأكد ان سيف نام..
اللي انتي لحقتيه منه دا جوز أمه.. أنا ومامته اتطلقنا من ست سنين كان عنده سنة ساعتها هو مكنش طلاق عادي.. هي خلعتني ومع شوية كلام منها ومن والدتها طلعوني زوج حيوان بصبح مراتي بعلقة وبمسيها بعلقة وبمرمط بيها بلاط الشارع وقدرت تخلعني المحكمة اديتها حضانة سيف عشان كان صغير وأول ما اتطلقنا.. سافرت خدت ابني وحرمتني من اني أشوفه راحت اتجوزت.. كنت بحاول أتابع أخبارها من على النت بس بعد طلاقنا بسنتين معرفتش أوصلها من تاني كل حاجة اختفت مبقتش تنزل صور ليهم مبقتش تنزل صور ليه مبقتش بتفتح نت كتير عدت سنين وبعدين لقيت حماتي بترن عليا مرة بتطلب مني أسامحها بتقولي ان بنتها خدت منها كل دهبها عشان تدي فلوس للمعدول اللي اتجوزته بعد ما اقنعها انه هيعمل بيها مشروع كبير بس اكتشفوا في الاخر انه لعب بيهم قمار كانت بتترجاني أسامحها بعد ما حست انها ممكن ټموت سامحتها ولما طلبت منها توريني ابني ولو من بعيد بعتتلي صورة ليه وقفلت بصيت لصورة لسيف كان باين فيها اصغر بحاجة بسيطة مبقتش بمشي من غير صوره وكل حاجة تخصه حاولت أوصله بس معرفتش كان كل منايا إني ألمحه ولو من بعيد حاولت آخده بالمحاكم وبالقانون بس معرفتشعشان كانت مسافرة وكانت مختفية أنا.. أنا مش مصدق اني شوفته بعد كل دا أصلا.. ف شكرا شكرا جدا

مسحت دموعي اللي نزلت مع كلامه وخدت بعضي ومشيت من غير ما أنطق مكنتش قادرة أستوعب كل اللي حصل ولا عارفة أتكلم من غير ما أحس لقيتني عند قبر بابا قعدت عنده ومرة واحدة.. عيطت عيطت من قلبي على كل حاجة عليه على ماما اللي لحقته هي كمان وسابتني لوحدي على اللي حصل النهاردة على سيف.. وعلى.. يونس!..
........
انتي كويسة!
أستاذ يونس!
أنا آسف لو رنيت عليكي من غير معاد بس انتي مشيتي امبارح من غير ما تتكلمي وأنا مفكرتش أتطمن عليكي من الربكة اللي كنت فيها و..
قاطعته ولا يهمك حصل خير المهم.. سيف كويس
الحمد لله أنا مش عارف أشكرك ازاي بجد بس انتي حقيقي رديتيلي روحي
اتحرجت لا شكر على واجب المهم.. هتعمل معاهم ايه
عرفت انهم بدأوا يدوروا عليه وعاملين محضر باختفاؤه بس متقلقيش أنا هقلب الترابيزة عليهم وهاخده.. وبالقانون
ربنا يحفظهولك
تسلمي.. طب أنا هسيبك عشان لو وراكي حاجة السلام عليكم
وعليكم السلام
قفلت ورميت التليفون جنبي واتنهدت الدفا اللي مالي صوته مبهج أوي.. خلى قلبي يدق!..
.......
ايدا أبلة داليا
لفيت للصوت المألوف بالنسبالي وابتسامة واسعة احتلت شفايفي لما شفت سيف بيجري عليا وبيرمي نفسه في حضڼي فات اربع شهور من ساعة اللي حصل ومن وقتهم وأنا معرفش عنه حاجة يونس مرنش عليا من تاني ولا أنا اتجرأت وفكرت ارن عليه..
لمحت يونس جاي من وراه وعلى وشه ابتسامة واسعة خليتني أبتسم بتلقائية..
السلام عليكم
ضحكت وعليكم السلام
بص لسيف خدته منها
بجد!!
الحمد لله
بوست راس سيف ربنا يحفظهولك يارب
يارب
بصيت حواليا ورجعت بصيتله..
ينفع تسيبه معايا شوية! شاورت على كافيه جنبنا أنا صحبتي هنا كنت قاعدة معاها وطلعت ارد على التليفون نصاية بس وتعالى خده تاني والله مش هخطفه
ضحك لا خديه خلاص طالما حلفتي
شكرا
شديت سيف للكافيه ودخلت لصاحبتي أعرفها عليه وسيبته واقف مكانه بيراقبنا.. بابتسامة!..
......
تتجوزيني!
ايه!
تتجوزيني!
خدت