البارت الثاني
انت في الصفحة 1 من 9 صفحات
البارت الثاني 2
في فيلا ماهر ...
داده سميره خرجت من المطبخ وهى شايله الولد وماسكه الببرونه بعد ماحضرتله الرضعه وكانت سميه هانم فاقت فالاثناء دى لكنها لسه قاعده عالارض ....اول ماشافت داده سميره بصتلها وركزت عنيها على الطفل فشددت سميره علي حضنها للطفل اكتر .
سمية مدت ايديها لسميره وهى بتكلمها بلهجة آمر هاتيه ياسميره
بقولك هاتي الولد ده ...
بصتلها سميره پخوف وړعب وهي حاضنه الولد الصغير واستعدت عشان تجرى بالولد لفوق على ماهر بيه ...لكن قبل ماتتحرك سمعت صوت ماهر اللى طمنها وهو بينزل درجات السلم
بص لسميه عند وصوله لاخر درجات السلم وسألها وهو رافع حاجبه
سميه بأنهيار هرميه ياماهر هرميه برا الفيلا انتا جايبه هنا ليه هاه
جايبه وجايلي ليه ياماهر جاي توريني ثمرة وساختك جاي تفتخر بأنجازاتك في الخيانه جايبلي ابن الحرام ده هنا ليه ....وفجأه قامت تهجم علي ماهر ومسكته من التيشرت بتاعه و هى بتدفع فيه لبره وبتصرخ امشي ...خد الولد دا وامشي من هنا مش طايقه اشوف وشك ...
فجأه تحس بحراره على خدها نتيجة ضربه قويه من ايد ماهر خلتها ترجع لورا من شدتها لمست بايدها مكان الضړبه وبصتله پصدمه وهى بتقوله انتا بتضربني ياماهر ...
اول مره تمد ايدك عليا !
اميره دي انضف حاجه قابلتها فحياتى ....انا مندمتش علي حاجه فعمري زي ماندمت عشان بعدت عن اميره
اياكى ياسميه اسمعك تجيبي سيرة ام ابني بحاجه وحشه ...
ساااااامعه
ترجع سميه خطوة للخلف و ترعد بصوت عالي
ولا هي رمتهولك وراحت
لراجل تانى تضحك عليه بعد ماخدت منك هبره كويسه
ولا تلاقيك جاى وسبتها تلم زبالتها وهتيجي وراك عشان تقعدها هنا فى الفيلا معايا
هي كلمه وحده ياماهر الولد ده يختفي من حياتى هو واللي خلفته مش هسمح انه يفضل قدام عنيا ويفكرني بوساختك ياماهر فاهم..
اصحي ياماهر وفتح عنيك ...اذا كنت انتا غبي ووحدة زي دي قدرت تستغفلك فأنا لايمكن تخيل عليا حركات بنات الشوارع دي ولايمكن هسمح بلعب
