رواية مشوقة الجزء الثالث والاخير
ساره پبكاء: انا مش انانيه يا محمد
محمد: ولا انا يا ساره .... وبعدين ليه افترضتى ان مفيش امل انا متأكد ان ربنا هيرزقنا بأطفال حلوين شبهك ......
وبعدين لو كانت المشكله عندى كنتى هتسيبينى يا ساره
هزت رأسها لا
محمد: احنا اتخلقنا لبعض مااسمعش منك ابدا الكلام ده تانى مفهوم؟!
ساره مبتسمه: حاضر
محمد: خلينا نتكلم في الجد بقي اتفضلي الكتاب ده عايزك تترجميه خلال ٣ ايام محټاجه. ضرورى عشان اخلص الدكتوراه بسرعه ونرجع مصر
ساره: حاضر عد الجمايل بس
محمد: بقي كده؟!
ساره: بهزر معاك ياروحي
محمد: طيب انا جعان دلوقتي يلا نتغدى
🌸🌸🌸🌸🌸🌸
النهارده يوم مميز في حياة ساره ومحمد
محمد خلاص هيناقش الدكتوراه كانوا طايرين من الفرح
الرساله كانت ممتازه ونالت اعجاب الدكاتره واخد الدكتوراه بتفوق واستأذن الحضور انه يلقي كلمه يتكلم فيها عن سر نجاحه:
انا من بداية حياتى العلميه والاكاديميه كان عندى عزيمه كبيره انى انجح واتفوق واتميز عن كل اللي حواليا اللي دايما كان بيبصوا لى نظره انى اقل منهم بسبب إعاقتى ومع كل نجاح كنت بنجحه وكل انجاز وطفره بعملها كنت بفخر بذكائى وقدراتى اللي بعوض بيها احساسي انى اقل من الناس العاديه اخدت الحياه حړپ وتحدى بينى وبين الناس بس عشان اثبت انى افضل واذكى منهم لحد ماقابلت أجمل مخلوقه ربنا بعتهالي عشان تصالحنى علي الدنيا والناس وتشجعنى على النجاح
النهارده نجاحى زفرة سعاده وفرحه ونظرة سعادتها بيا وفخرها بنجاحى كفيله تخلينى اسعد واحد النهارده
عايز اقول قدام كل الحضور انى بحبها اوي وبشكرها علي كل لحظة سعاده وتشجيع ومساعده قدمتهالي
"ربنا يخليكى ليا ياحبيبتي”
ونزل محمد وراح ناحيتها واخدها في حضڼھ وهى بټعېط من السعاده
كل الحضور وقف وصقف ليهم
🌸🌸🌸🌸🌸🌸
بعد شهور رجعوا مصر
