كيان وكنزى الفصل ال١٢
انت في الصفحة 1 من صفحتين
12
ليل كان بيلبس هدومه وهو باصص لكيان اللي نايمه
قرب منها شد الغطا وغطاها وخرج
قفل الباب بالمفتاح واتجهه للفيلا والتحضيرات كانت علي وشك الانتهاء
دخل الفيلا لقي سليم قاعد مع زهره
ليل بحب.....سليم جيت امتا
سليم حضنه.....من ساعتين كده بس انت اللي مختفي مش باين
ليل.....معلش يا صحبي كنت مشغول انت عامل اي
زهره بحرج.....ليل انا سمعت ان كيان رجعت هي فين انا عايزه اشوفها لو سمحت
سليم بص لليل بتعجب.....كيان انتي تعرفي كيان
زهره.....كيان تبقي اختي
سليم......اخت مين
ليل پحده.....في اي يا سليم مالك قالتلك اختها
سليم.....انا قصدي مراتك
ليل.....ايوة مراتي وانتي يا زهره كيان دلوقتي نايمه لما تصحي تقدري تشوفيها وكمان انا هبعتلك فساتين تختاري منها للحفله
ليل.....هتحضري يا زهره سليم خليك هنا لحد ما ارجع
سليم.....تمام
ليل طلع اوضته وسليم بص لزهره.....انتي اخت كيان مراته بجد
زهره.....هو فيه اي وانت تعرف كيان منين
سليم......ليل حكالي عنها بس ازاي رجعو لبعض يعني
بعد اللي حصل
زهره......هما ما رجعوش لبعض احنا قاعدين هنا لحد ما اخلص اجراءات طلاقي وهنمشي
زهره......ما انا اتجوزت من باسم وليل لما عرف كيان طلبت منه انه يطلقني وليل ساعدنا
سليم.....باسم مين اللي كان في الجامعه
زهره بحرج......الشاب اللي انت طردته من المحاضره قبل كده
سليم.....وانتي اي االي يوصلك انك تتجوزي باسم وانتي عارفاه كويس وعارفه انه مش تمام
زهره.....باسم مش سهل وهددني باختي وانا مكنش ليا غيرها كيان اختي الصغيره يا سليم كنت عايزني اعمل اي اتفرج عليه وهو كل يوم يقولي
زهره سكتت وسليم بص ليها.....وليل وكيان اتطلقوا بسبب خېانه كيان ليه
زهره بانفعال.....كيان عمرها ما تعمل كده ابدا
زهره.....كيان مفيش انضف منها ياسليم كيان وقتها كانت طفله 19 سنه متعرفش يعني اي خېانه كيان مش وحشه للدرجه دي كيان حبت ليل لدرجه انت مش هتقدر تتصورها
باسم هو السبب في كل ده هو اللي حاول يعمل كل ده وهو برضو اللي جابها الشقه وقلها اني تعبانه ووقتها قالي ان صحابه جايين ومش هينفع اكون موجوده فخرجت ومجاش في بالي ان كيان ممكن تيجي
