صدفه كامله
قفله انا يابنتي لا انا يابنتي طب يالا ياست الكل حضريلي طبق محشي تاني بقي هزت راسها وهي بټضرب كف فوق التاني بيأس عوض عليا عوض الصابرين يارب قالت جملتها ودخلت المطبخ
عوض عليا عوض الصابرين يارب
قالت جملتها ودخلت المطبخ وهي بتعملي اكل بكل الحب اللي في الدنيا
عدي اليوم بدون أحداث تانيه تذكر ودخل الكل ينام ماعدا انا
صحيت تاني يوم الصبح وانا عيني وارمه من كتر العياط
كان الكل لسه نايم لبست هدومي وخرجت من البيت
كنت نازله علي السلم وفجأه ظهر قدامي هو وخالتو ومعاهم مراته اللي فضلها عليا
خالتو بسخريه
دودو ازيييك
بلعت ريقي بتوتر
ا الحمد لله ياخالتو ح حمد لله علي السلامه
مش تباركي لزين
مبروك بس علي ايه !
ضحكت وهي بتبص لزين ومراته
اصل مرات زين حامل يالا عقبالك بقي ايه مفيش حاجه كده ولا كده ده انتي بقيتي ماشاء الله بتمشي اهو ايه عملتي عمليه ولا ايه!
بصيتلها وانا بضحك بثقه
اه الحمد لله عملتها وخطيبي كان معايا في كل لحظه ربنا يخليه ليا يارب
لوت بوقها
ايه ده انتي اتخطبتي!
اه وخطيبي اهو تعالي ياحبيبي سلم علي خالتو
الكل بص وراه علي الشخص اللي دخل من باب العماره و.....
كان في واحد داخل من باب العماره وكأنه طوق النجاه اللي اتمسكت بيه مع اني ولا اعرفه ولا يعرفني ولا حتي شوفته قبل كده بس لقيتني بقول عليه خطيبي
الكل بص وراه وهو واقف يوزع نظراته بيني وبينهم مش فاهم اي حاجه
قربت منه وانا ببتسم بتوتر
ا ايه ياحبيبي اتأخرت ليه كده مش قولتلي هتيجي توصلني الشغل !
قولتها بتوتر وانا ببصله برجاء وتوسل يمكن يفهم انا عايزه ايه
سكت لحظه وهو مازال بيبصلهم وانا واقفه ابصله بدموع متعلقه في عيوني
وفجأه ابتسم وهو بيقول بهدوء
ا احم مش تعرفيني
اخدت نفس وانا ببتسم ابتسامه واسعه وبشاور علي خالتي
خ خالتي اللي كنت قولتلك عليها قبل كده اللي عايشه في كنده ووده ابنها زين ومراته
ابتسم برزانه وهو بيقرب منهم وبيمد أيده بأحترام
اهلا وسهلا انا رحيم خطيبها حمد لله علي سلامتكم
بصت خالتو لايده الممدوه بغرور وهي بتبصله بقرف وبتقول ببرود
سحب أيده بأحراج وهو بيقول باستعجال
طب عن اذنكم عشان متأخرين
قال كلامه وهو بيسحب ايدي بين أيده وبيخرج برا العماره وبيمشي بيا خطوتين لحد ما بعدنا خالص وانا ماشيه معاه ومش عارفه اعمل ايه او اقول ايه مش عارفه اتصرف ازاي !!!
هو اللي انا عملته ده صح ولا غلط هو الشخص ده ممكن يستحلي اللعبه فيطول فيها ولا ممكن يفهمني ويفهم موقفي
فوقت من شرودي لما وقفنا في مكان مفيهوش ناس كتير
كنت حاطه راسي في الأرض وأنا بفرك في ايدي بتوتر وخوف مكنتش عارفه ابدء منين
اتنهد وهو بيحط أيده في جيبه وبيتكلم بهدوء
اولا انا اسف جدا اني مسكت ايدك
ثاني حاجه انا مش فاهم اللي حصل ولو مش حابه تحكي انا مش هسألك انا بس حسيت انك محتاجه مساعده واني جيت في الوقت المناسب عشان كده انا جاريتك في الكلام
ثالث حاجه متحطيش وشك في الأرض انتي معملتيش حاجه اكيد اللي عملتيه ده كان رد اعتبار معرفش من مين فيهم بس الموضع ملهوش تفسير غير كدهومتقلقيش الموضوع هيفضل سر بيني وبينك محدش هيعرف اي حاجه ولو حابه نكمل في اللعبه انا معنديش اي مانع
ولو حابه اختفي ومتشوفنيش انا برضو معنديش مانع القرار قرارك
كلامه صدمني حرفيا
رفعت راسي واتقابلت عيوني في عيونه اللي بتلمع مع اشاعه الشمس اللي نازله عليها وكأن وجود الشمس بيرسم لوحه فنيه لشخص بكاريزمته وهدوء ملامحه
قلبي دق بشكل غريب وانا ببلع ريقي وبقول پخوف
ا انا اسفه جدا ا اسفه أني....
قاطعني وهو بيشاولي بأيده
هششش متتأسفيش انا مش زعلان وبعدين ياستي هو حد يطول يبقي عنده خطيبه قمر زيك
رفعت حاجبي وانا بسأله بحزم
افندم !
بلع ريقه بتوجس
ايه بهزر يارمضان مبتهزرش!
عن اذنك
قولتها وانا مكشره وبعدت ولسه همشي لقيته بينادي
لوتتتتفي استني يالوتفي
كتمت ضحكتي وانا يكمل طريقي من غير ما ارد عليه ووقفت اقرب تاكسي وركبته
كنت عماله اضحك طول الطريق علي طريقته وهو بيقلد رجاء الجداوي بالظبط
حتي السواق افتكرني مجنونه وهو كل شويه يبصلي ويضرب كف فوق التاني ويقول
لا حول ولا قوه الا بالله ربنا يشفي
ايه يااسطي انت جاي تتوب هنا ولا ايه
والله يابنتي الواحد من كتر ما بقي يشوف مجانين في حياته بقي يدعيلهم بالشفاء
ضحكت وانا بأكد علي كلامه
عندك حق والله ربنا يشفيهم
هو بخفوت
ويشفيكي زيهم
قفلت عيني نص قفله وانا ببصله بتحذير
بتقول ايه !
ارتبك
