حكايتي كامله

..
احمد هى وصلت لكدا ..اظن كدا ملناش نصيب مع بعض انا كنت خلاص هعرف اسرتى علشان اخطبك بس اعتقد طريقنا مختلف وتركها فى ذهول منها ..
نهاد مش قلبي اللى هيتحكم فيا ..انا لازم اخد حقى بأى تمن ..
عوده من الفلاش نزلت دموعها 
نهاد وهى تتألم انا السبب في انى خسرتك خسړت حب صادق ..استفدت بايه شويه فلوس عملت ليا ايه الفلوس ..ڠصب عني لازم اكمل طريقي الغلط ..

عند أسد 
اسد يلا يا فهد الوقت اتاخر 
فهد عندك حق هسلم بس على طنط وننزل 
ذهب فهد هو وسجده إلى شقه صفاء 
فتحت صفاء الباب 
فهد مساء الخير يا طنط 
صفاء اتفضل يا حبيبي 
فهد وقت تانى ونظر إلى سجده بحب اشوفك بكرة هفوت عليكى اخدك 
سجده بابتسامه اوك تمام 
فهد تصبحوا على خير 
والټفت كى يغادر ليجد اسد يقبل قمر 
فهد احم احم لتحرج قمر وتودع اسد بسرعه وتغلق الباب ..
اسد ايه الرخامه دى 
فهد انا بردو اللى رخم عامل نفسك مستعجل والوقت اتاخر وفى الاخر ..
اسد ما تتعدل الله ما تنساش أنها مراتى 
فهد طب يلا بينا وشوف هتقول لبابا والعائله الموضوع دا ازاى 
اسد ما تقلقش يلا بينا 
غادرا كلاهما واستقل كل واحد منهما سيارته ..
وصلا إلى الفيلا ..
حيث وجد اسد وفهد والدهمت يجلس بالهووول فى انتظارهما
عز الدين اهلا بالعرسان 
اهلا باسد بيه اللى فكر نفسه كبير على أبوه 
اسد أهدى يا والدى انا جاى اعرفك كل حاجه 
عز الدين اى نقاش مرفوض والبنت دى لو اخر واحده فى بنات حواء فأنا عمرى ما هوافق بيها ...
اسد ايه الكلام دا يا بابا
فهد وهو يحاول أن يتدخل ..أهدى بس يابابا واسمع لاسد 
عز الدين انا قولت اللى عندى والبنت دى تطلقها انت فاهم 
اسد بابا لو سمحت قمر بنت كويسه ولم يكمل كلامه ..ليقاطعه عز الدين
عز الدين البنت اللى تخليك تتجوزها من وراء اهلك تبقي ما اتربيتش ثم انى عرفت أنها بنت احمد الهمشرى طبيعى يطلع منها كدا 
اسد لا يا بابا قمر مظلومه انا اللى اتجوزتها من غير هى ما تعرف ارجوك أهدى واسمعنى 
عز الدين البنت دى تترفد من الشركه وتطلقها وبعدين اسمعك ..
فهد ممكن بس تسمع لاسد فعلا قمر مظلومه وهى بنت محترمه ..
عز الدين ولما هى بنت محترمه زى ما بتقول وما تعرفش انك اتجوزتها ..تفسر بايه أنها كانت معاك فى شقتك يا سى اسد 
فهد وهو ينظر لأخيه منتظر أن ېكذب هذا 
ولكن اسد اصل انا اللى طلبت منها واترجيتها كمان ...
عز الدين ما يشرفنيش يبقي عندى احفاد من بنت احمد الهمشرى ..وكلامى يتنفذ..
اسد آسف يا بابا قمر مراتى ومش هطلقها ..
عز الدين يبقي انت اللى اخترت واتفضل اخرج من بيتى ..
اسد مفيش مشكله وذهب ليخرج ليمسك به فهد 
فهد انت رايح فين ما ينفعش كدا يا اسد والأمور مش هتتحل بالشكل دا 
اسد انا عمرى ما هطلق قمر 
عز الدين بعصبيه سيبه يغور بكرة يرجع ندمان 
لينظر له اسد نظرة تحدى ويتركهم ويغادر الفيلا ...
هناك من يقف ويسمع ويري ما حدث وشعر بفرحه الانتصار ......
دخل مازن حجرته وهو يشعر بالسعادة 
مازن انت فاكر نفسك يا اسد هتاخد قمر منى 
قمر ليا انا وبس ...
عند قمر 
تحاول قمر النوم ولكن قلبها مقبوض فهى لا تعلم هل السبب فى ما حدث اليوم ام عن حياتها الجديده وهى غير مستعده أن تكون زوجه فى هذا الوقت فلا زالت تخجل من اسد ..
عند فهد يحاول فهد أن يمتص ڠضب والده من أجل أخيه 
فهد ممكن اعرف مين عرفك بزواج اسد يا بابا 
عز الدين انت شايفنى نايم على ودانى كل حاجه بتحصل معاكم بتوصلنى 
فهد لا العفوووو يا بابا بس اسد فعلا كان جاى يعرف حضرتك كمان الموضوع حصل بسرعه ارجوك اسمع لاسد ..
عز الدين پألم اسد فضل البنت دى على أبوه 
فهد لا مش كدا خالص 
الموضوع أن اسد بيحب قمر وهى بنت كويسه مش زى ما حضرتك فاهم ..ارجوك اسمع لاسد 
عز الدين لازم اسيبه يتربي وكلمتى هى اللى تمشي ..مش بعد السنين دى بنت احمد الهمشرى تخلى ابنى يعصينى ..
فهد ايه حكايته والد قمر 
عز الدين بعدين احكيلك هاتلى الدواء قلبي وجعنى 
فهد بقلق حاضر يا بابا وأحضر له دواء القلب وأعطاه إياه وساعده ليدخل في فراشه .....
عز الدين روح يا فهد استريح 
فهد لما اطمن عليك يا بابا ..
عز الدين انا هنام وان احتجت حاجه هتصل عليك 
فهد حاضر يا بابا وأنا صاحى كلمنى فى اى وقت 
ذهب فهد إلى حجرته وهو متضايق لما حدث 
اتصل على اسد 
اسد ايوا يا فهد 
فهد بطمن عليك يا اسد 
اسد انا كويس اطمن بس لازم اعرف مين عرف بابا بموضوع زواجى من قمر 
فهد سيب الموضوع دا ليا انا واهدى انت 
انت عارف ان بابا بيحبك وفترة والأمور تهدى 
اسد عايز اعرف ايه اللى بينه وبين والد قمر خلاه يعمل كدا ...المهم خلى بالك من بابا يا فهد 
فهد اطمن انت وان شاء الله خير ...
يغلق اسد هاتفه ويدخل شقته 
ليجد حجرة نومه نظيفه ومرتبه يتنهد ويقول كانك يا قمر قلبك كان حاسس انى هبات هنا النهارده
يدخل اسد ليأخذ شاور ويستبدل ملابسه بملابس النوم ويجد التيشيرت الذى ارتدته قمر بالرغم من وجود الاتربه عليه إلا أن رائحه قمر التى يعشقها لازالت به ..اخذ التيشيرت فى حضنه وخلد الى النوم ..........يتبع
وابتدت_الحكايه
بقلم منال_عباس
سكريبت 13
عودة اسد إلى شقته ليجد حجرة نومه نظيفه ومرتبه يتنهد ويقول كانك يا قمر قلبك كان حاسس
انى هبات النهارده هنا
يدخل اسد ليأخذ شاور ويستبدل ثيابه بملابس النوم حيث وجد التيشيرت الذى ارتدته قمر بالرغم من وجود الاتربه عليه إلا أن رائحه قمر بداخله أخذه بين أحضانه وراح فى نوم عميق .....
عند قمر 
تستيقظ قمر وهى تصرخ لتذهب لها جدتها ..
ليلى مالك يا قمر يا حبيبتي..
قمر وهى تتنفس بصعوبه اسد.... اسد يا نانو فى خطړ ...انا خاېفه اووووى عليه وبدأت تبكى 
ليلى أهدى يا حبيبتي واضح أنه كابوس 
قمر انا هتصل عليه 
اتصلت قمر على اسد فلا يوجد رد 
عادت الاتصال حيث استيقظ اسد ببطئ وامسك الفون وجد المتصل قمر 
انتفض من نومه وفتح المكالمه بسرعه 
اسد قمر حبيبتى فيكى حاجه 
قمر بخجل اسفه شكلى صحيتك من النوم 
اسد انتى تتكلمى فى اى وقت ..بقولك ايه هقوم اخد شاور واجيلك علشان اخدك انتى ونانو جهزوا نفسكم 
قمر حاضر 
اسد حاضر كدا حاف مفيش حاجه كدا تفتح النفس ...
قمر اقفل يا اسد احسن اغير رايي وما اجيش 
اسد لا لا هقفل انا ما صدقت القمر هيعيش معايا ...
أغلقت قمر الهاتف وقامت أخذت شاور وطلبت من جدتها تجهيز نفسها لاستقبال اسد 
حضروا بعض مقتنياتهم المهمه وانتظروا اسد .....
عند نهاد 
قامت نهاد من نومها وجلست تفكر كيف تتخلص من الماضى اللعېن الذى يطاردها ..
اتصلت على سيد 
سيد ايوا ست هانم 
نهاد عايزاك تراقب ليا قمر وجدتها وتعرف كل حركه بيتحركوها وانتظر منى التعليمات اول باول 
سيد انتى تؤمرى 
أغلقت نهاد معه ..
نهاد يا ترى ليلى تعرف عنى ايه اخر مرة كلمتها وانا بحذرها تبلغ البوليس كنت متنكرة يا ترى احمد حكى ليها حاجه