انت ام هو قصه مشوقه وكامله
ممكن تقولي لسند ووعد يجوا
ندهت عليهم وطلعناله
سيف عايز اقولكو باي باي انا هسافر مع خالو ومش هشوفكو تاني
بصيتله پصدمة هتسافروا
سيف اه بس انا مش عايز اسافر عايز ابقي معاكوا او انتوا تيجوا معايا
ابتسمت برغم الحزن اللي ملا قلبي مينفعش يا حبيبي انتوا اكيد هترجعوا تاني وساعتها هعمل حفلة بمناسبة رجوعكم
سيف بجد
سيف سلم على سند و وعد ومشي
كنت زعلانة اوي ان محمد مكلمنيش ولا قالي انه هيسافر ولا حتى شفته قبل ما يمشي بس هو حقه طبعا
دخلت الأوضة وقعدت اعيط ڠصب عني انا حتى مش عارفة انا بعيط ليه على محمد عشان شال ذنب مش ذنبه ولا عشان صعبان عليا هو و سيف ولا عشان حبيته ڠصب عني وده مينفعش !!
دخلت بسمة عليا وجريت عليا وهي مخضۏضة
بسمة انا متلخبطة ومش عارفة انا بعمل ايه..
احكيلي وانا هحاول اساعدك
محمد يا بسمة
محمد مين
محمد جارنا يا بسمة
ماله
انا بجد متلخبطة ومش عارفة اقولك ايه
اهدي بس وفهميني محمد ده ماله
حكتلها كل اللي حصل بينا من اول يوم شفته فيه لحد اللي حصل يوم عيد الميلاد
طب وفين المشكلة
اتكلمت بدموع المشكلة اني .... انا حاسة اني ....
حاسة انه متضايق بسبب اللي حصل وعايزة اعتذرله ومش عارفة اعتذرله ازاي وهو هيسافر
بسمة بصتلي بخبث كل العياط ده عشان عايزة تعتذريله ومش عارفة يا ستي سهلة كلميه في التليفون
تصدقي صح مجاش في دماغي
يلا يلا ياختي ربنا يخليني ليكي بطلي عياط بس
مسكت تليفوني ورنيت عليه فوق الخمس مرات مردش بعتله ماسدج محمد أنا بجد آسفة على اخر موقف حصل واسفة على تصرف طليقي انت ملكش ذنب في اللي حصل فات ساعة على الماسدج دخلت الشات لقيته شافها ومردش
قلبي دق جامد وحسيت بفرحة غريبة .. دخلت على الماسدج لقيته باعتلي يا ريت متكلمينيش تاني يا مدام هيام ميصحش كده
قلبي وجعني ودمعت هو افتكر اني رجعت لهشام
قفلت التليفون وقررت اني خلاص هنسى محمد وهنسى هشام وهعيش عشان بنتي وبس
عدت الأيام والأسابيع كنت بروح الشغل وانا مروحة بجيب وعد من الحضانة لحد ما في مرة واحنا مروحين لقيتها بتقولي مامي مش سيف رجع الحضانة تاني
وعد اه بجد يلا بقي مش انتي قلتي انك هتعملي حفلة لما سيف يرجع
قلت بحزن اه يا حبيبتي بس ...
وعد طب يلا هنروحلهم امتى
خلينا نستنى كام يوم الاول هما اكيد راجعين تعبانين من السفر
وعد بزعل طفولي ماشي
دخلت الأوضة وانا فرحانة اني هشوفه تاني لومت نفسي على اللي بفكر فيه لأني اخدت قرار اني هنساه بس وهمت نفسي اني فرحانة عشان وعد وسند هيرجعوا يلعبوا مع سيف تاني
اخدتها ونزلنا رحنا لحد ما وصلنا لأول الشارع اللي فيه عمارة بسمة بس اټصدمت لما شفتها واقفة مع محمد !
قربت منهم من غير ما يشوفوني واستخبيت في مكان ابقى انا شايفاهم وسامهاهم وهما لا
سمعته بيقولها أنا جيت على نفسي ووافقت اقرب منها تاني برغم انك قلتيلي انها هترجع لطليقها لكن بعد اللي حصل ده لا يمكن اجي على نفسي تاني بعد ما رجعتله
بسمة والله ما رجعتله يا محمد هو قال كده عشان يبقاله حق يزعق وسط الناس
محمد رجعتله بقى مرجعتلوش مليش فيه خلاص هيام موضوعها اتقفل.. اه صح أنا هخطب الأسبوع اللي جاي
البارت السابع
أنت_أم_هو
والله براڤو.. عرفتوا تمثلوا عليا صح بقى انت يا بسمة اللي قايلاله يقرب مني حتى بعد ما عرفتي اني ممكن ارجع لهشام انت ضميرك فين ماللي بتعمليه ده ظلمتيني وظلمتيه انت اتسببتي فأوحش احساس انا حسيته في حياتي.. هشام نفسه مأذانيش كده وانت انت ايه يا أخي ازاي توافق
