بنت المنياوي قصه كامله بقلمي ماهي أحمد
فيهم شوفت حاجات وسخه تخليني ابقي كده واكتر
انا امي كل يوم كانت بتيجي وش الفجر كل يوم مع راجل شكل وكل يوم لعب قمار في البيت وشرب مخډرات ورجاله داخله وخارجه كنت عايزني اطلع ايه شيخه ما اكيد هبقي زيها كنت فين انت وقتها عشان تيجي تنجدني من كل ده
ها.. كنت فين .. ما تنطق
هشام انتي اللي اخترتي تبقي كده حتي لو امك كانت السبب بس انتي اختارتي تكملي يانورسين
هشام انتي برضوا اللي اختارتي انك تبقي مدمنه ماتلوميش حد غير نفسك
نورسين كانت تعبانه دا من كتر الشرب ومره واحده دماغها لفت بيها وكانت هتقع هشام قرب منها ومسكها وقعت في حضنه
نورسين بصوت واطي وهي ماسكه دماغها
نورسين راحت في دنيا تانيه هشام شالها وحطها في العربيه وركبها وحطلها حزام الامان وبقي في خصلات شعر علي وشها هشام قرب منها اوي وبقي يشيلها خصلات الشعر من. علي وشها وبقي يلمش وشها بضهر ايديه بالراحه اوي وهو بيبص علي ملامحها
ورجع بيها الفيلا وشالها ډخلها مكانش فيه حد موجود طلع بالراحه اوي وطلعها اوضتها ونيمها علي سريها وقلعها الجزمه بالراحه اوي ولسه بيغطيها عشان تنام ويمشي راحت نورسين مسكت ايد هشام وفتحت عنيها بالعافيه
نورسين وسعت مكان لهشام وهشام نام جنبها اليوم ده
نورسين فردت دراع هشام ونامت في حضنه وهو كمان غمض عنيه ونام
تاني يوم هشام صحي وبيبص سمع صوت بره وهو بيقول
المنياوي بزعيق نورسين يانورسين
بقلمي مآآهي آآحمد
في الوقت الحالي
هشام فتح عنيه وهو نايم علي الكرسي بيبص لقى نفسه انه كان بيفتكر اللي حصل زمان بينه وبين نورسين وكان باباه عم حجازي بينادي عليه
الجزء الخامس
بقلمي مآآهي آآحمد
عم حجازي هشام .. ياهشاااااااام
هشام قام بسرعه من علي الكرسي ورد علي باباه
هشام تعبت نفسك وطلعت ليه يابويا بس.. كنت نزلتلك انا
عم حجازي لاء من ساعه ما عملت السلم المتحرك ده للدور التاني وانا بحرك الكرسي العجل واطلع عليه زي الفل
عم حجازي هتاخد البت دي وتسافر امتي
هشام اي وقت اللي انت عايزه مش فارقه معايا
عم حجازي طيب وشغلك
هشام ماتقلقش انا عامل حساب كل حاجه
عم حجازي عفارم عليك
عايزك تاخدها وتحاول تلاقي ابوها وتهدده بيها ولو ماظهرش اقټلها لا تغرك بيها شفقه ولا رحمه واوعي تنسى اللي عملته فينا مهما حصل انت فاهم ياهشام
عم حجازي انت اټجننت ياهشام انت عارف كويس احنا قعدنا قد اي ندور علي البت دي لحد ما لقيناها ..ولو كنا عملنا زي مابتقول كده كنا هنعرف نجيب المنياوي في يوم ياهشام هو وابنه
هشام بغيظ وكره كنت هجيبه يابويا لازم كنت هجيبه
عم حجازي ضړب بأيده علي الكرسي المتحرك بتاعه وپغضب قال
عم حجازي بقالك قد اي بتقول هتجيبه ياهشام بقالي قد ايه قاعد علي الكرسي ده بسببه هو وبنته وابنه وانت مش عارف تاخد حقي ولا حق امك واخوك وقبلنا كلنا حقك يا هشام نسيت حقك .. دي الفرصه الوحيده اللي تقدر تاخد حقنا كلنا منهم هما التلاته البت دي الوسيله الوحيده اللي هتخلينا نوصلهم انت فاهمني ولا لاء
هشام _______
عم حجازي بشخيط انطق ساكت ليه
هشام اللي انت عايزه هيحصل
عم حجازي مش اللي انا عايزه تقصد اللي احنا عايزينه ياهشام يابن حجازي البواب مش دي اخر كلمه كانت بتقولهالك قبل ما
هشام قاطع كلام عم حجازي بسرعه
هشام بنرفزه خلاص ياابويااا خلاااااص ماتحاولش تفكرني انا اصلا عمرى ما نسيت
عم حجازي ايوه كده مش عايزك تضعف ولو للحظه قدامها انت فاهم ياهشام ودايما حط قدامك ان هي السبب في اللي حصلنا كلمه واحده منها كان زمان امك عايشه دلوقتي وفي وسطنا
هشام انا عارف ده كويس مش محتاج تقولهولي
هشام ساب عم حجازي وشد المفاتيح بتاعت العربيه بتاعته من علي الكومود واخدها ونزل
وراح علي الشقه وفتح بالمفتاح
دخل وهو متنرفز ومخڼوق وصوته مالي المكان
هشام بزعيق ام محمد .. انتي يا ام محممممممد
ام محمد ايوه .. ايوه ياخويا في اي مالك جاي بزعابيبك ليه علي الصبح
هشام امشي من قدامي دلوقتي مش عايز اشوفك خالص هنا في الشقه انتي فاهمه
نورسين
كانت نايمه واول ما سمعت صوت هشام بره قامت
