اسر ورنا الفصل العاشر كامل
بتعب... كانت ستحمله لكن آسر أسرع و حمله... كانت ستعترض لكن توقفت عندما وجدت ياسين سعيدا... خرجوا من المستشفى... ركبوا السيارة... و الصمت يعم بينهم هم الاثنان...
رنا...
نعم يا ياسين
عايز شيكولاتة سخنة من المحل ده....
بس ياسين انا بخاف عليك من الحاجات بتاعت بره دي...
عشااان خاطري...
اوقف آسر السيارة و نزل منها متوجها لذلك المحل...
ياسين... دقيقة و هاجي... اوعى تنزل من العربية...
حاضر...
نزلت رنا من السيارة و تتبعت آسر... اخذ آسر 3 أكواب مشروب شيكولاتة ساخنة... إلتفت وجد رنا خلفه
كويس انك جيتي... امسكي كوبايتك...
مش عايزة...
اعطاها الكوب و اخذته حتى لا يقع على الأرض... رجع لياسين و اعطاه كوبه...
حلو طعمه
تحفة... فين رنا
نظر آسر في السيارة و لم يجدها... وقعت عيناه عليها و هي تقف في المحل
لو سمحت... انا مش عايزة الكوباية دي...
آسف يا استاذة بس مفيش ترجيع...
مش عايزة فلوسها بس خدها اديها لأي حد...
اللي عملتيه ده حركة بايخة اوي...
قولتلك مش عايزة...
يعني حطتلك فيها سم يعني
مش عايزة حاجة... طالما منك انت يبقى مش عايزة... مطلبتش منك تيجي معانا اساسا...
رنا انتي زودتيها !!
نظرت رنا للنافذة و سكتت... تنهد آسر بضيق و شغل السيارة و ذهبوا... بعد قليل وصلوا للقصر... نزل ياسين اولهم... فتحت رنا شنطتها و اخذت منها 75 جنيها و وضعتهم على تابلو السيارة
ايه دول
دول تمن كوباية ياسين... تاني مرة متشتريش حاجة لياسين... ده اخويا انا مش اخوك انت...
قولتلك وفر حنيتك دي لابنك... ملكش دعوة بيا ولا بياسين... اما تمن الجلسات هيوصلك اول ما الاقي شغل...
كان سيتكلم لكن نزلت من السيارة و دخلت للبيت... ضړب آسر الدريكسيون پغضب و قال
بتعمل كده عشان اجيب اخري منها و اطلقها... بس ماشي.... مهما عملتي يا رنا مش هطلقك !
والله بتصعبي عليا...
رجعت رنا اليها و اقتربت منها
كنتي بتقولي ايه
بقولك انك بتصعبي عليا... بدل ما انتي بتق لي بكرامتك كده و قاعدة برضو حتى بعد ما عرفتي انه مخلف... اطلقي و اخلصي...
أقل بكرامتي !! اممم
ألقت رنا حقييتها على الأرض و شمرت كمام الدريس
قوليلي بقا... مين بقا اللي بتقل بكرامتها
انتي...
انا ! اممم...
جزت رنا على أسنانها
