بنت صاحب العماره

_ مين ده يا بابا !
_ ده عمر ساكن جديد في الشقه يا هاله 
بصتله بذهول _ ايه ده انت سكنت الشقه اللي تحت
هز راسه بهدوء_ اها سكنتها يا هاله مالك مستغربه كده ليه 
رديت عليه بدهشه_ اصل حضرتك كنت بتحب الشقه دي اوي ومش عايز حد يسكنها بعد ماما الله يرحمها 
بصلي واتنهد بهدوء _ فعلا انا كنت مش عايز يسكنها بس عمر ظروفه صعبه شوفته بيسأل على شقه ولما عرفت ظروفه وافقت باين عليه انسان كويس 

ايمان_صالح
هزيت راسي وابتسمت بهدوء الحقيقه جوايا هموم الدنيا كلها انا كمان متعلقه بالشقه دي اوي ليها ذكريات مع ماما الله يرحمها ومش مقتنعه أن حد يسكن فيها بعد ۏفاة ماما اتاثرنا اوي و زعلنا عليها بس بابا زعل وتعب اوي وقتها قرر مش هيقعد فيها و نطلع في الشقه اللي فوق عشان يقدر يرتاح ونفسيته تهدى من وقتها وهو بيطلع فيها أو انا أو محمد اخويا بس بنطلع تاني للشقه ومحدش غيرنا بيقعد فيها وكان بابا رافض انه يسكنها عشان ذكرياتنا بس طالما عمل كده يبقى الموضوع يستاهل بجد .
بعد الغداء نزلت وكنت محتاجه حاجات من السوق نزلت تحت ولفت انتباهي الشخص الغريب ده شكله غريب اوي كان بيقفل الباب وقتها افتكرت ماما و زعلت اوي مش متخيله حد يقعد في الشقه دي مكانها كشرت وانا بحاول امنع نفسي اني اعيط ونزلت روحت السوق اجيب طلبات الشقه اللي محتاجاها .
كنت واقفه في السوق و بشوح بإيدي 
_ ازاي يعني الطماطم دي بايظه الكيلو بعشره ازاي 
البياع بصلي بضيق _ يا انسه انتي كل مره على كده هي الطماطم غاليه عندك الحلوه اهي الكيلو بعشرين 
اتكلمت برفض _ لا طبعا انا هاخد من ده الكيلو بعشره جنيه 
بصلي پحده _ ازاي يعني يا استاذه بقولك دي بعشرين تقوليلي بعشره انتي جايه تجنينيني ولا ايه 
Eman Saleh.
كنت لسه هتكلم سمعت صوت بيقول بزهق 
_ خلصي بقى يا انسه عايز اشتري خدي اللي تاخديه بقى 
بصتله لقيته عمر بصتله بضيق 
_ وانت مالك انت ايه اللي دخلك 
بصلي باستنكار_الراجل عمال بقولك الكيلو ده بعشرين عجبك خدي مش عجبك خلاص ورانا شغل 
بصتله بذهول وزعقت _ انت مالك اصلا ايه اللي حشرك يا بني ادم انت .
بصلي ومردش عليا و بدا يختار الطماطم وحاسب الراجل وبعدها بصلي بسخرية ومشي بسهوله كده !
خدت الطماطم وبعدها جبت باقي الحاجات و روحت طلعت الشقه ودخلت حطيت الحاجات مكانها و بابا كلمني 
_ اتأخرتي كده ليه يا هاله 
بصتله وابتسمت بارهاق _ معلش يا بابا انت عارف البايعين عاملين ازاي 
بصلي وضحك _ ما انا عارفك بتخانقي مع البائعين كالعاده 
_ يعني اسيبهم يا بابا 
_ يا بنتي هتفرق الخمسه جنيه اللي بتفاصلي فيها دي
_ طبعا حقي يا بابا هما لو لهم جنيه مش بيسيبوا اسيب حقي انا ليه بقى !
خبط ايد على ايد _ مفيش فايده فيكي يا هاله يلا روحي شوفي وراكي ايه 
ضحكت_ هجهز البيت وبعدها ابقى أحضر الاكل يا بابا 
_ طيب قبل ده فيه ولية أمر طالب جاتلك البيت وقولتلها انك بره فقالتلي يبقى كلميها عشان مش عارفه توصلك 
هزيت راسي _ طيب ومين هي يا بابا
هز راسه بعدم معرفه _مش عارف هي سابت الورقه زي و قالتلتي ابقى كلميها عليها 
خدت منه الورقه وبعدها طلبت الرقم وطلعت البلكونه واتنهدت لما سمعت صوت حد رد 
_ سلام عليكم
_ وعليكم السلام 
_ انا والدة ساهر الطالب اللي عندك يا استاذه هاله 
رديت عليها بهدوء_ اها اهلا بيكي تحت امرك 
اتكلمت پحده _ حضرتك مشيتي ساهر من الحصه امبارح ليه 
اتنهدت وقولتلها _ قصدك طردته 
والدة ساهر زعقت بغيظ _ وكمان طردتيه من عندك 
انفعلت وكنت خلاص هزعق _ وطي صوتك وانتي بتتكلمي معايا ده اولا 
حسيت انها اتكلمت بسخرية _ وثانيا
حاولت احكم هدوئي_ ثانيا تعرفي ابنك عمل ايه 
هي زعقت تاني _ انا ابني مش غلطان 
رديت عليها بانفعال_ لا غلطان لما يبجح في المدرسه بتاعته يبقى غلطان ابنك مش متربي 
_ لا ابني متربي بس انتي لازم تحترميه و متمشيهوش كده ده لو كنتي مدرسه متربيه !
وقتها مقدرتش استحمل وزعقت جامد