محبوبتي

سامر بحب ومھا من غير ما تحس وهي نائمة وابتسم ونام ..
صحيت تاني يوم وبصت جنبها لقت السرير فاضي ..قامت من مكانها وهي بتقول باستغراب 
_ هي الساعة كام 
قامت من السرير وبصت في المكان وهي بتحاول تعرف اي حاجة شوية وسمعت صوت الباب بيخبط ودخلت واحدة
وهي بتقول 
_ صباح الخير يا مدام اجهزلك الفطار 
بصت ليها نسمة شوية وبعدين قالت 
_ هو ...هو فين ...هو فين الراجل اللي ..
_ راجل مين يا مدام 
_ الراجل اللي اتجوزته ..
بصت ليها الخدامة باستغراب وقالت 
_ سامر بيه 
_ أيوة هو ...هو
راح فين 

_ راح الشركة يا فندم .
بصت ليها باستغراب وقالت 
_ شركة ودي طبعا الستارة اللي بيغطي بيها على أعماله مش كده 
_ ايه مش فاهمة .
هزت نسمة راسها وقالت 
فجأة سكتت وقالت 
_ انتي قولتي إن هو مش هنا يعني هو مش في البيت 
ابتسمت ليها الخدامة وقالت من غير ما تعرف اللي بتفكر فيه نسمة 
_ أيوة هو مش هنا مشي الشركة من بدري اوي ها اجيب الفطار دلوقتي ! قالت نسمة بخبث كبير 
_ لا اصبري شوية وابقي هاتيه...
كملت في سرها وبصوت واطي 
_ ده لو لقتيني ....
كان قاعد في المكتب بتاعه وهو بيخلص الشغل عشان يرجع البيت بسرعة ويطمن على نسمة لأول مرة من شهر تقريبا ينزل الشركة بعد ما كان بيخلص كل الشغل من بعيد ومكانش بيتحرك من جنبها غير وهي نايمة ابتسم اول ما اتخيلها وقال 
_ اجمل من الاحلام ....
فجأة دخل عليه فؤاد وهو بيقول 
_ سامر فيه اجتماع كمان ساعة في فندق الماسة مع الوفد الألماني ..
هز سامر رأسه وقال 
_ تمام يا فؤاد أنا فاكر ابعت بس هاتلي كوباية قهوة عشان مصدع وبعدين نتحرك...
ضحك عليه فؤاد وهو بيقول 
_ مصدع من ايه بس انت لسه عملت حاجة ! الظاهر قعدت في البيت كتير خليتك تكبر على قعدة المكتب قوم ...قوم نشرب قهوة في كافيه الفندق قبل وصول الوفد واهو نتكلم شوية عن اللي سړقت من عيونك النوم .
ابتسم سامر وقال من غير ما يحس 
_ نسمة 
_ أيوة يا عاشق يا ولهان نسمة قوم يلا ..
اتحرك الاتنين برة الشركة بكل هيبة كان فؤاد ماشي ورا سامر باعتباره رئيس الحرس بتاعه واول ما ركب العربية ابتسم وقال 
_ أنت اتغيرت اوي يا سامر كنت ماشي وشك دائما مكشر دلوقتي ماشاء الله البسمة مش بتفارق وشك .
ابتسم سامر بسمة أوسع وقال 
_ أنا حبيتها يا فؤاد .
ضحك فؤاد بصوت عالي وقال 
_ حبيتها ده على اساس أنك مكنتش بتحبها من اول ثانية شوفتها فيها وقررت اجيبها بيتك بدون حتى ما تاخد رأيها !
نفخ سامر وقال بتعب 
_ مكنتش هعمل كده لو مشافتش اللي حصل مع حسن وانا بأدبه .
بص ليه فؤاد شوية وبعدين قال 
_ هي تعرف أن حسن عايش اساسا وأنك متقلتوش !
ابتسم سامر بسمة خبيثة وقال 
_ لا مفكراني خلصت عليه واني زعيم عصابة وماڤيا .
فتك فؤاد عيونه پصدمة وبعدين اټصدم اكتر لما سمع سامر بيقول 
_ وأنت الايد اليمين بتاعتي واللي بتخطط للجرايم كلها .
ضحك سامر بصوت عالي على ردة فعل فؤاد وقال 
_ أنا برضو كنت زيك كده مش فاهم ايه اللي خلاها تفتكر اني زعيم عصابة .. يمكن عشان المشهد اللي شافته وقتها هيئ ليها الموضوع.
ضحك فؤاد وقال 
_ دي دماغها عالية طب وأنت يا بني مقولتش ليها لسه أنك رجل اعمال عادي .
_ والله لقيتها حابة فكرة الاكشن فقولت امشي معاها بس خلاص قررت كفاية اوي كده محتاجها تحبني