أدهم الشرقاوى الفصل 109و110

منكوش
سناء اسكت لا تسمعك
وراحت سناء
ياسين مراتك مانزلتش معاك ليه
يوسف تعبانة هي حامل وممنوع تركب الطيارة وحتى لو مكانتش حامل ماكنتش حاتنزل ما أنت عارف اللي فيها مش طايقه مليكه وخاصة لما كلمني أبويا وأمي وهي مش عاجبها أني انزل وأضيع فلوس تكت الطيارة سارة اتغيرت أوي يا ياسين
ياسين هي ماتغيرتش هي نفسها بس انت ما كنتش شايفها كويس الحب كان مغمى عنيك
يوسف أنا مش مبسوط يا خويا ودلوقتي في طفل وحسيتها مش مبسوطة زي أي أم بتحمل
ياسين أسف نسيت أبارك ليك ربنا يثبت حملها ويهديها الدنيا دي غريبة سناء حاتموت علي حتت عيل ووحده حامل ومش مبسوطة
يوسف ربنا يرزقكم ما تروح تعمل اطفال الأنابيب ولا مجهر و فرحها
ياسين عايزها ترتاح حتى لو عملناه في الوقت دا مش حاينجح وكفاية عليها كمية الأدوية اللي بتاخدها أنا حاسس ان ربنا حا يكرمنا سناء بنت غلبانة ويتيمه و مريحاني وبتحب أبوك وأمك وكمان مليكه هما أصحاب جدا وست قنوعه عمرها ما طلبت مني حاجة فوق طاقتي
الدنيا مش حتدينا كل حاجه ربنا مديني ست كده حابقا طماع لو طلبت كثير
حتى أدهم أتكلم معايا في شغل قالي انزل اشتغل معاه في المصنع الجديد وأبقى جنب أبوك وأمك بعد ما مليكه جات هنا
ماتنساش يا يوسف إن مليكه كانت واخدا بالها منهم بتديهم الدوا وتساعد أمك في طلبات البيت وتطبخ وتنضف ليها
أبويا وأمي رحبوا بي الفكرة وقالوا ليا اخد الشقة اللي قدام أسكن فيها بعد ما أم عصام حا تسيبها
يوسف والله فكره كويسه شغلك في بورسعيد مش جايب همو وأنت مشاء الله عليك ابن سوق
ياسين ربنا يسهل
أكرم هو كمان كثر خيرو كان اقترح عليا اشتغل معاه
يوسف عارف نفسي استقر في مصر تعبت من السفر العيشة في الخليج مش سهله
وياريت لو تيجيني فرصة كده بس ماقدرش اطلب منهم لا يقولوا أخوات مليكه طماعين
إلا قولي هي خلاص مليكه اتصالحت مع أدهم 
ياسين لا وشكلها مرقده علي حاجه
يوسف أنت أكثر واحد عارفها سبحان الله اتغيرت
ياسين بص يا سيدي هي بتحبو دا مافيش نقاش فيه بس مش عايزة تسامح مش قادره مهما كان هي كمان ليها ضروفها ولما الست تقول لي جوزها ماتقربش مني يبقى هنا ستوب في حاجة مش تمام في الموضوع
يوسف يبقى الموضوع كبير انا سمعت حاجة كده إنه كان في اڠتصاب
ياسين مش عارف ومش عايز أسأل دي حاجات خاصة بينهم دا كان شرطها قدامي عليه علشان تيجي هنا معاه
يوسف ربنا يصلح حالهم نفسي ترتاح وتعيش لنفسها ولي أولادها وكفاية عليها من الټضحية لي أخواتها
أخوها سلبي أوي وأختها دي المچنونة
ياسين عبد الرحمن ربنا يكون في عونو أتعود إن مليكه تعمل كل حاجة ليه سها كلو دلع
الستات نزلت وابتدو يتعشوا
في المستشفى
صباح يا بنتي أهدي حرام اللي بتعمليه
كامليا أنا خاېفه أوي
صباح ادعي ربنا يقوموا بالسلامة
كامليا هو ربنا حايبقبل دعوة من وحدة زي كلها ذنوب ومعاصي
صباح استغفري ربنا وتوبي وربنا بابو مفتوح في كل وقت
كامليا أنا عمري ما دعيت ربنا ولا صليت وماكنتش بصوم
صباح لا حول ولا قوة إلا بالله ربنا قادر يغفر ليكي لو توبتي ونيتك كانت صافية
كامليا أنا كل حاجه راحت مني جوزي وبنتي وأمي وأبويا
مليكه اخدت جوزي مني انتو معاها بس أنا لوحدي معنديش حد
صباح يا بنتي مليكه أغلب من الغلب واتعذبت في حياتها قولي الحمد لله على اللي انت فيه دا ابتلاء من ربنا