قصه كامله
على خبط جني على رجليها و هي بتقول بهمس
قومي الله يخربيتك الدكتور واقف
فتحت و قالت بهلوسة
قوليله هحاسبك على القهوة اللي وقعها دي
بصوا للدكتور و ضحكت و قالت
هتدفع صح
الدكتور سابها و رجع مكانه و شذي نامت تاني بس اټفزعت على صوته و هو بيقول
الأستاذة اللي نايمة ورا
حلوة زماني 2
اقفيلي يا حلوة زمانك وريني طولك كدا
شذي وقفت و أثر النوم على وشها قالت و هي بتشاور على نفسها
أنا يا دكتور
الدكتور بعصبية
لا أمي
شذي بصت وراها و قالت
أمك اية إللي هيجيبها هنا
الدكتور برق و قال
اييية
شذي بسرعة
أقصد يعني والدت حضرتك
إنتي جاية من بيتكم تنامي في المحاضرة
شذي بتهور و سرعة
امال أنا جاية ليه
بص يا دكتور خلينا نكون متقفين تلت تربع الدفعة بيجو هنا عشان يناموا فحضرتك سبني أنام بقي عشان أنا تعبانة و منمتش طول الليل
الدكتور پغضب
اية البجاحة دي إنتي ازي كدا
شذي بضحك
زي السكر في الشاي سيبني و حيات أمك عاوز أنام انتوا اية معندكوش أي سينس خالص بقول منمتش من امبارح
يخربيت لسانك اسكتي بقي
شذي بهمس
اسكتي انتي يا جني و اتفرجي للاخر يعني هي أول مرة
و اية اللي كان مصحي السفيرة عزيزة طول الليل بقي
شذي يتأثر مصطنع
أمي كانت عيانة طول الليل امبارح و كنت سهرانه جنبها و مش بس كدا اختي جالها حالة صرع و بصت تكسر عفش البيت مسابتش كوباية إلا لما كسرتها أبويا أول ما شاف منظر الشقة جالة أزمة قلبية و أخويا لما عرف الأخبار طب ساكت و اتحجز في المستشفى
الدكتور بسخرية
تصدقي صعبت عليا
شذي بإستعطاف
شوف بقي يا دكتور إن كان عندي حق أنام
دا انتوا المفروض تعملولي تمثال و تدوني جائزة نوبل على اللي أنا مستحملاه دا
يا سلام
شذي بضحك
و حيات عبد السلام
شاور على الباب و قال اتفضلي اطلعي بره
شذي في نفسها
بتكرشني قدام الدفعة كلها ماشي يا عمرو
جني بصت ليها بأسف و قالت بهمس
يعني مش لاقية حجة على دي انتي يا بت هبلة
شذي بثقة
متقلقيش عليا طلما محضرتش المحاضرة يبقي محدش هيحضر
خرجت من الديسك و راحت عند عمرو و هي بتقول
