السند ج2
انت في الصفحة 1 من 6 صفحات
جه المأذون فعلا وبدأو يكتبو الكتاب الل هو اصلا يوسف جاي وواثق اني هوافق. ف كل حاجه كانت جاهزه بصيت ڠصب عني ناحية ايوب لقيته واقف عادي ملامحه مش باينه اذا كان متعصب ولا زعلان ولا اي حاجه ...
_ بارك الله لكما وبارك عليكما وجمع بينكما ف الخير.
كنت ع طول اسمع ان اول ما الجمله دي تتقال البنت بتبقي ف قمة سعادتها متهيالي بيبقي اسعد يوم ف حياتها بس انا كنت عاديه اصلا مش حاسه الل هو اي يعني اتجوزت وخلاص بقي اسمي ع اسمه بس ع الورق.
_ مبرووك ي نن عيني انا متأكد انو يوسف هيحافظ عليكي.
بعدها بص ليوسف وقاله
_ خد بالك منها دي روحي ي ابن عمي .. حطها ف عيونك
متقلقش مش هضربها يعني انا مش بمد ايدي ع ست
_ ابقي فكر بس تعملها وانا اډفنك انت وافكارك
ساعتها يوسف ضحك بسماجه ومسك ايدي وشدني وراه وقال وهو ماشي
يلا ي والدي انا مش فاضي للكلام الاهبل دا.
عديت من جمب ايوب بس نظراتي بردو ع بابا دا انا خلاص ماشيه م البيت حتي
سندت راسي ع شباك الغربيه وغمضت عيني وانا بعيد كل افكاري وازاي بعد ما كنت ف بيت بابا هبقي ف بيت اصلا معرفش فيه حد .. جه ف بالي منار الل هي تعتبر تؤامي بالاسم وبس.
وقف يوسف ووقفت افكاري بصيت م الشباك لقيت بيت بسيط جدا بس جميل اويي مش فيلا بس جميل
دخلت وراهم وانا خاېفه مكان لسه اول مره ادخله غريب عليا معرفش هتعامل اصلا ازاي معاهم.
يوسف اول ما دخل قعد ع كرسي ف الصالون وباباه ومامته قعدو ع جنب كدا
فضلت واقفه انا ف النص مش عارفه اعمل ايي وبفرك ف ايدي بتوتر
اتكلم يوسف وقال
_ عشان تبقي فاهمه كل حاجه انتي مراتي اه لكن مراتي ع الورق بس اوضتك هتبقي تحت هنا جمب المطبخ ع طول هتهمي ببنتي وهتعتبري مربيه ليا زيي ما فهمتك وجمب دا هتخدمي والدي ووالدتي هتهمتي بالبيت وطلباته.
_ ودلوقتي بقول هتخدمي علينا في اي اعتراض
لا مفيش.. ممكن ادخل اوضتي لو مفيهاش مشكله
_ اتفضلي بس ياريت تعرفي اني بمشي ع الشركه بدري وياريت تصحي بدري عشان ميبقاش في مشاكل بينا
هزيت راسي وسكت بعدها افتكرت الجامعه
طيب بس انا لسه بدرس جامعتي وحالي و...
زي ما فهمتك مش هيبقي عندك وقت اصلا ف مش هتكملي و....
_ انت بتقول ايي .. لا طبعا انا هكمل دراستي وهشوف حالي
والله انتي دلوقتي مراتي يعني م الادب والاخلاق انك تحترميني وتسمعي الكلمه وصوتك ميعلاش عليا
_ انت لسه قايل انو ع الورق
الل عندي قولته انتي هتشوفي البيت زي اي ست بيت شاطره ومفيش حاجه اسمها هكمل دراستي
سابني ومشي وملحقتش ارد عليه هو بيقول ايي مش هكمل دراستي ازاي وهشتغل يعتبر خدامه واي المعامله الخراا ديي
مكنتش واخده بالي م الل قاعدين وي رايا وسکينا مبحلقين فيا
لقيت الل هو المفروض عمي بيقول
_ ياريت تدخلي تتخمدي دلوقتي عشان تصحي بدري.
اتخمد! حاضر تصبحو ع خير
دخلت وانا هعيط والله حرام يعني الل بيحصلي دا مش كفايه بقاا ولا ايي
افتكرت اني مش معايا هدوم ومفيش اي حاجه البسها نمت بهدومي وصراحه مكنتش هقدر اغير اصلا.
صحيت ع صوت خبط ع الباب قومت مفزوعه بحاول افتكر انا مين وفين
فتحت الباب واستغربت انو مفيش حد لقيت الل بتشدني م الدريس بصيت لقيت بنوته صغننه وحلوه خالص وطيت لحد ما وصلت لطولها
_ انتي مين يسكراا
انا جعانه
_ ابتدينا ... تعالي معايا
روحت المطبخ بشكلي الل شبه الخنزير وانا لسه صاحيه م النوم مغسلتش
