سبوع بنتي
انت في الصفحة 1 من 7 صفحات
وقبل ما نبدأ حكايتنا اعرفكم على بطلتنا اسمها رقيه عندها 24 متجوزة وفي يوم قالت لجوزها
هو انت هتفضل كل يوم عند مراتك التانية اللي ماتتسمي دي وتسبني لوحدي كل يوم يافوزي
فوزي
معلش يا رقيه انتي عارفة ان الواد ادم ابني يكلمني في التليفون عشان اروح له
رقيه
اه ما انا عارفة الاعيبها كويس هي اللي بتخلي الواد يكلمك وعشان تروح لهم محڼ نسوان
ياشيخة حرام عليكي دي سماح غلبانة وانتي عارفاها كويس ماهي كانت صاحبتك وانتي عارفاها كويس
رقيه
كنا وخلاص مفيش حاجة بيني وبينها يافوزي ماتقولش انها كانت صاحبتي دي تاني
فوزي
خلاص مش هاقول انا طيب دلوقتي انا عايز اكل عندك اكل ولا اروح اكل عند سماح واريح نفسي
رقية
اقعد هنا هاقوم احضرلك الاكل قال تروح تاكل عندها قال
ادم
اقوله ايه يعني ياماما
سماح
قوله تعالى لحسن انا تعبان اوي يا بابا وتعالي دلوقتي حالا وهو هيجي علطول
ادم
حاضر ياماما وفعلا اتصل ادم با ابوه وقاله
الوو ايوه يابابا انا عايزك تيجي عندنا دلوقتي اصل انا تعبان اوي
فوزي بخضة
رقيه
في ايه يافوزي مالك اتخلعت كده ليه ياخويا ماله ابنك
فوزي
تعبان يا رقيه انا لازم اروح دلوقتي حالا يلا انا ماشي وسابها فوزي ونزل ورقيه قالت
تلاقي الهانم هي اللي عامله حجة عشان تبعتله هو انا مش عارفاها
وراح فوزي لسماح وقالت له
هو انت ياسي فوزي ماتجيش غير لما يكون في حاجه ولا ايه ولا الهانم مكتفاك جنبها
بطلي كلامك ده يا سماح وقولي عايزة ايه وادم ماله تعبان عنده ايه
ادم
انا مش تعبان دي ماما هي اللي قالت لي اكلمك واقول لك تيجي عندنا
سماح
اااا هو انت مش كنت تعبان يواد وقولت عايز بابا يجي لي
ادم
أنتي اللي قولت اعمل نفسي عيان
فوزي
الحاجة الوحيدة اللي مش عارفة تعمليها انك مش عارفه تعملي الواد الكدب
سماح
بقولك ايه يا فوزي انا مرات الأولى وام ابنك انا أحق بيك منها مش طول الوقت عندها وتيجي لي هنا لما اعوزك بس واطلبك
الوقت عندها فين ياسماح انا علطول في شغلي وبرجع لها بالليل بس
سماح
ااه بالليل بس خطافة الرجالة دي تاخدك مني انا وابنك
فوزي
خلاص ياسماح خلصنا وبطلي كلامك ده ومتنسيش انك انتي اللي عرفتيني عليها من زمان
سماح
ايوه فعلا ماهي دي غلطتي عرفتك عليها على اساس انها صحبتي واختي وخدتك ليها وبعدتك عني وعن ابنك
بس انا مش بعيد عنكم وباجي لكم اهو يعني معاكم وقولت لك بطلي كلامك ده
سماح
طيب خلاص خليك بايت معانا النهاردة انت وحشني يافوزي اوي ونفسي تفضل معايا
فوزي
مش هينفع عشان انتي عارفة ان رقيه حامل ومش هينفع انام هنا
سماح
ليه هو انت هتشيل لها العيل اللي في بطنها ولا ايه وبعدين بطل محڼ يافوزي مراتك لسه في الرابع يعنى لسه بدري
فوزي
ايوه بس الدكتور قال إنها لازم ترتاح لحد ميعاد الولاده
سماح
خلاص يافوزي اعمل اللي انت عايزة يلا امشي وروح للهانم يلا
ومشي فوزي وافتكرت سماح لما كانت هي ورقية مع بعض
فلاش باك
كان فوزي راجع من بره ورقيه كانت قاعده مع سماح وقالت
انا همشي بقا ياسماح لحسن جوزك جه
سماح
تمشي فين يابت اقعدي هنا وبعدين هو فوزي غريب ده زي اخوكي طبعا
رقيه
ايوه بس لتكوني عايزة تعملي له اكل ولا حاجة
سماح
ما انا هعملة وانتي هتبقي معايا في المطبخ يلا بينا تعالي
ودخلت رقيه مع سماح المطبخ وعملوا الاكل
سوا واقعدو ياكلو وسماح قالت
ايه رايك في الأكل يافوزي
