سبوع بنتي

هعمل عقيقة وافرق فلوس وكل حاجة عشان خاطر عيون سارة حبيبت ابوها دي
رقيه 
ربنا يخليك ليها يافوزي بس هتعزم سماح وابنها بقا
فوزي 
سماح واعزمها ليه احنا هنجيب ادم بس يحضر سبوع اخته انما هي معتقدتش انها هتبقا مبسوطه لو جات
رقيه 
عندك حق بس ابقي عرفها برضو عشان يبقا عندها فكرة
في المستشفى...
رقية
فوزي الحق يا فوزي مش قادره.. انت لازم تدخل معايا العمليات انا خاېفه قوي
فوزي....
اجمدي امال يا حبيبتي كلها ساعتين وتولدي وتقومي بالسلامه عشان تشوفي بنتك اللي نفسك فيها ومستنيها.. وفعلا دخلت اوضه
الدكتورة...
بنوته زي القمر يتربى في عزك ان شاء الله
فوزي....
المهم مامتها عامله ايه يا دكتوره طمنيني عليها..
الدكتورة...
كلها ساعه زمن وتفوق من البنك وممكن كمان تاخدها معاك وانتوا ماشيين النهاردة... وبعد شوية...
فوزي....
البنت قمر يا رقيه طالعه شبهك بالظبط...
رقية...
هي لو كانت قمر فهي طالعه شبه باباها
فوزي....
بقى بذمتك انا بالحلاوه ولا بالجمال ده يا رقيه
رقية...
ان جيت للحد انت احلى واجمل منها بكثير قوي طب ده انت حتى ما فيش زيك..
فوزي...
جبر الخواطر علي الله... يلا بقى شدي حالك عشان نرجع البيت و هتكون معانا ما قلتليش بقى هنسميها ايه...
رقية.....
انا هسميها اسمي ملوكي ايه رايك نسميها هويدا
فوزي...
الله اسم جميل قوي وندلعها نقولها يا دودو
رقية 
بقولك اية يا فوزي نت قولت لسماح اني خلفت
فوزي
لا ما جبتلهاش سيره وما كلمتهاش اساسا
رقيه
احسن حاجه انا مش عايزاها تيجي هنا ولا تشوف بنتي احسن تحسدها ولا حاجه ولا تعمل لها حاجه
فوزي
يا بنتي مهما كانت سماح كانت صاحبتك وعمرها ما تعمل حاجه زي دي
رقيه
انا بقى ما بثقش فيها انت ما بتشوفش نظرات الكره اللي بتبقى في عينيها من ناحيتي وكلامها اللي يسم البدن بقول لك ايه يا فوزي ريحني واعمل اللي بقول لك عليه اوعى تعرفه ولما نعمل السبوع ما تعرفهاش برده لغايه ما يخلص كل حاجه نبقى نقول لها
فوزي
اللي تشوفيه يا رقيه خلاص ما نقولش حاجه
المهم تقومي لنا بس بالسلامه علشان خاطر نعمل السبوع
رقيه
ان شاء الله يا حبيبي انا هخرج من هنا امتى
فوزي
بكره ان شاء الله والبنت كمان هتخرج معانا الحمد لله صحتها كويسه
رقيه
الحمد لله انت كلمت ماما
فوزي
تصدقي نسيت هكلمها دلوقتي
فوزي اتصل على والده رقيه وعرفها ان بنتها ولدت في المستشفى وبعد شويه جت هي والد رقيه
الام
حمد لله على سلامتك يا حبيبتي تتربى في عزك يا رب
الاب
حمد لله على السلامه ما قلتلناش ليه يا بنتي اني جايه تولدي كنا وقفنا معاكي من الصبح
رقيه
معلش يا بابا جات فجاه كده ما كنتش اعرف اصل انا كان المفروض اولد كمان يومين
الاب
مش مهم المهم انك قمت بالسلامه امال فين البنوته
فوزي
الممرضين بيجهزوها يا عمي واول ما يخلصوا هيجيبوها لنا هنا
الاب
هي تعبانه ولا حاجه يا اولاد طمنوني
رقيه
لا يا بابا يا الحمد لله بخير ما فيهاش حاجه بس هيلبسوها هدومها وهيحموها
الاب
طيب خلاص يا بنتي ادينا مستنيين
الام
هي سماح عرفت يا جوز بنتي ان رقيه ولدت
فوزي
لا يا حماتي ما عرفتش حاجه انا ما قلتلهاش
الام
احسن برده احسن تعمل حاجه في البنت وامها
فوزي
يا جماعه سماح مش وحشه استحاله تعمل حاجه انا مش فاهم انت واخدين عنها الفكره الوحشه دي ليه
الام
وانت بتدافع عنها كده ليه يا جوز بنتي لا تكون بتحبها ودايب في غرامها
فوزي
اكيد بحبها مش مراتي وبعدين ام ابني ولازم ادافع عنها وما تنسيش حماتي ان رقيه هي اللي جايه عليها وان هي مراتي الاولى
رقيه
تقصد ايه يا فوزي انك ما بتحبنيش امال اتجوزتيني ليه
فوزي
يا حبيبتي انا

ما اقصدش طبعا بحبك ولو ما كنتش بحبك ما