سبوع بنتي

سماح وهي مټعصبه والام قالت
عاجبك اللي مراتك بتعمله وهي دي اللي طيبه ومش وحشه
فوزي
من الطبيعي ان يكون في شد وجد دول اتنين ضراير مش اخوات انا رايح اطمن على البنت بعد اذنكم
خرج فوزي وابوه رقيه قال
ايه اللي انتم بتعملوه ده غلط دي مراته ودي مراته ما ينفعش يقف مع واحده ويسيب الثانيه اديكم زهقتوا لغايه ما مشي
رقيه
وانا غلطت في ايه بس يا بابا مش شايفها هي اللي جايه تدور شكل
الاب
ما كنتيش تردي عليها واسكتي سيبيه هو يرد زي ما حرجها قدام علشان على الاقل ما تزعليهوش منك
رقيه
حاضر يا بابا انا اسفه انا هبقى اراضي
الباب خبط ودخلت الممرضه وهي شايله البنت وقالت
الف مبروك تتربى في عزكم
الاب مسكها 
بسم الله ما شاء الله بدر منور شبهك يا بنت يا رقيه
الام
هات اما اشيلها واطمن عليها واشوفها
الاب
خدي انا هروح اندهل فوزي علشان يجي ياذن في ودن بنته
الام شالت البنت والاب خرج
شبهك قوي يا بت يا رقيه ما شاء الله تتربى في عزك يا حبيبتي
الاب جاب فوزي اللي جه واذن في ودن بنته وادى البنت لرقيه وقال
خدي يا حبيبتي شوفي بنتك واطمني عليها انا كلمت الدكتور وقال لي انك هتخرجي معايا النهارده
رقيه
الحمد لله انا كنت عايزه ماما تيجي تساعدني علشان انت عارف انا مش هقدر اعمل حاجه وانا لسه والده وعايزه كمان حد ياخد باله من البنت معايا
فوزي
براحتك يا حبيبتي حماتي تنور وعمي لو عايز يجي
البيت يسيع من الحبايب 1000
الاب
شكرا يا حبيبي ربنا يخليك بس انا ما بعرفش اخرج من بيتي امها موجوده اهي تروح لها واخر اليوم تيجي لي
الام
خلاص ماشي هاجي لك كل يوم كم ساعه وامشي
رقيه
طب ما تقعدي يا ماما معايا انت عارفه انا اول مره اولد ومش هعرف اتعامل مع البنت
الام
مع مرور الوقت يا حبيبتي هتتعودي يلا جهزي نفسك بقى علشان تخرجي مع جوزك
فعلا رقيه قامت وجهزه نفسها وخرجوا كلهم بره المستشفى بعد ما الدكتور كتب تصريح بالخروج
وبعد اسبوع كانت سماح قاعده بتفكر هتعمل ايه
سماح
ما عادش وقت بكره السبوع البنت دي مش لازم تعيش اكتر من كده بس مش عارفه اخلص منها ازاي دي وانا ما بروحش هناك اصلا بس عادي لو الواد ادم ابني هو اللي يروح يحضر سبوع اخته
سماح دخلت اوضه ادم ابنها وقالت
خدي يا ادم انا عايزاك تعمل حاجه يا حبيبي ولو عملتها هدي لك 50 جنيه تجيب اللعبه اللي انت عايزها
ادم
بجد يا ماما ايه هي وانا هعملها بسرعه
سماح
عايزاك تاخد اختك من عند ابوك من غير ما حد ياخد بالك وتحطها في الفرن
ادم
بس كده تتحرق يا ماما
سماح
لا هتتحرق ولا حاجه يا ولا اصلا الفرن بيبقى بارد هم مش هيعملوا عليه حاجه وهيعملوا كده كده السبوع جنب منه انت مش عايز تفرح ابوك ولا ايه
ادم
يعني انا لو عملت كده بابا مش هيزعل مني
سماح
لا طبعا بس ادخل بالراحه اعمل لهم مفاجاه خد البنت من غير ما ياخدوا بالهم روح حطها في الفرن
ادم
حاضر يا ماما انا هروح اكلم بابا بقى علشان هو قال لي انه هيجي ياخدني النهارده اقضي معاه اليوم
سماح
طيب يا حبيبي روح ولو عرفت تعمل اللي انا بقول لك عليه ده النهارده اعمله النهارده من بكره مش فارقه كتير
ادم كلم ابوه فعلا وجه خده
في بيت فوزي
رقيه
بقول لك ايه ياما ما تنسيش تعملي العيش قبل ما تنامي وحياتك اصل انا مش قادره اقوم

اخبز واعمل واحط في الفرن فانت لو قادره تعمليه