روايه بقلم زهره الربيع الفصل الخامس كامل

الجزء_الخامس_
ايه..انتي مجنونه..انا اخو جوزك لو مش واخده بالك ..اما ست سافله بصحيح
سمر بصتلو بدهشه وقالت...ده انت شكلك ناسي فعلا يا رشيد..هيه دي اول مره يا حبيبي
سمر قالت بخبث..غريبه مع ان شكلك بيقول انك فهمت..وفهمت اوي كمان..بس برضو هصدق انك مش  بعض.. بس متخافش احنا عمرنا ما اتكشفنا ولا دلوقتي هنتكشف..عمران مش في البيت..متقلقش

جلال بصلها بزهول و قرف وقال..اذا كنت فعلا عملت معاكي كده..فالحمد لله اني نسيت...ودي اخر مره تحاولي معايا..لان بعد كده انا الي هسلمك لجوزك واحكيلو على كل حاجه..وانتي اكتر واحده تعرف عمران
سمر خاڤت وبلعت ريقها ولسه هتتكلم جلال مشي بسرعه وهو مش شايف قدامو ومش مصدق ابدا
عند عمران كان بيستلم شحنه كبيره جدا اغذيه ومعلبات وبيتكلم مع العمال وقرب يخلص
بس فجأه وقفت عربيه الشرطه ونزلت منها روفان ورائف وعساكر كتير
عمران بصلهم باستغراب وروفان قربت عليه وقالت...عمران باشا..معلش هنعطل حضرتك شويه...البضاعه دي لازم تتفتش
عمران بصلها پغضب رهيب وقال...البضاعه دي اتفتشت اكتر من مره ومفيهاش اي حاجه...وانتي عارفه كده كويس
روفان قربت عليه وقالت باستفزاز ..عارفه..ومتاكده ان مش دي الشحنه الي مخبي فيها شغلك المشپوه...بس لقيت نفسي فاضيه انهارده قولت اعطلك شويه... وبصت للعساكر وقالت..يلا ياشباب تفتيش..وخدو راحتكم عمران باشا مش مستعجل
عمران كان هينفجر لانو كان خلاص هيخلص ويمشي وفضل باصص لها پغضب وقال لرائف...الي بتعملوه ده هتدفعو تمنو غالي قوي...والافضل ليك تعقل اختك لان رصيدها عندي تقل قوي
رائف قال بسرعه..ندفعو..واي دين علينا نردو يا باشا...بس...مدام هنتحاسب تدفع انت الي عليك الاول
عمران اتنهد بڠصب وقال...تمام..خلصو براحتكم ..الظاهر انكم فاضين ..بس انا ورايا اشغال تانيه همشي دلوقتي ونتقابل باليل...وبص لروفان وقال بهدوء شديد...اوعي تتأخري انهارده..محضرلك مفاجأه تجنن.
عمران قال كده ومشي وهو مبتسم ولا على بالو ...روفان اختفت ابتسامتها واتوترت جدا وقالت..يا تري يقصد ايه
رائف قال..ولا يهمك منو واضح انو بيوترك مش اكتر
روفان قالت بقلق..لا..عمران عمرو ما هدد الا وعمل مصېبه ...ربنا يستر
رائف بص في الساعه بقلق وقال...بقولك ايه..هو انا ينفع امشي ورايا مشوار ميتأجلش
روفان قالت باستغراب.. على فين يعني
رائف مكانش عايز يقولها انو هيقابل عليا قال..احم..ابدا واحد صاحبي تعبان وضروري اشوفه
روفان ابتسمت وقالت..مبتعرفش تكدب..كل اصحابك معانا في الاداره يعني لو في حد تعبان كنت انا كمان عرفت ..على العموم روح مشوارك وحصلني عند انكل شفيق
بعد شويه وقفت بفرحه لما اتفتح الباب وسمعت صوت رائف بيقول..عليا....عليا انتي