روايه بقلم زهره الربيع الفصل السادس كامل

بره البيت...احنا هنقضي الليله دي في مكان لوحدنا بره البيت .. 
فرح كانت ماشيه معاه بدموع وباصه لروفان وعيونها مرعوبين اوي
هنا روفان جريت عليه وقالت بسرعه...تمام...تمام يا عمران بيه..انا هعمل الي انت عايزه..بس...بس سبها ارجوك سبها ارجوك انا اهوه بترجاك لو سمحت هيه ملهاش دعوه
هنا عمران بص لسمر وقال بسخريه...هيه الساعه كام معاكي يا سمر..تطلع تسعه كده
سمر بصت للساعه وكانت تسعه فعلا وابتسمت بخبث لانها افتكرت امبارح قلها بكره زي الوقت ده ٩ بالظبط هتكون روفان بتترجاه وده الي حصل فعلا
سمر ابتسمت بشماته وقالت....٩ بالظبط يا حبيبي
روفان مكانتش فاهمه وعمران ابتسم بسخريه وطلع من غير ما يرد عليها
روفان كانت مش عارفه تعمل ايه وقفت مكانها وهيه مڼهاره والف شعور في بعض خوف وحزن وڠضب..ڠضب رهيب حاولت تقوى ودخلت اوضتها بسرعه قبل ما ټنهار قدامهم
جلال مشي وراها بسرعه ودخل الاوضه ولقاها قاعده على السرير وشاده شعرها لورا باديها الاتنين بتعب وصدمه
جلال اتنهد وقل..احم...روفان...انتي ...انتي كويسه
روفان بصتلو بدموع وقالت ...جدا...فوق ما تتخيل وكملت بزعيق وقالت..اختي الي مكملتش ال١٩ سنه اتجوزت واحد مچرم والله اعلم اخدها على فين وهيعمل فيها ايه..اكيد انا تمام ..تمام اوي
جلال اتنهد وقال..طيب الي بتعمليه ده وعصبيتك وانفعالك ده مش هيفدها في حاجه..لازم تهدي وانا بقولك مټخافيش من عمران هو بيعمل كده لانو مشكلتو معاكي لكن انا متأكد انو مش هيأذيها هو ميبانش عليه انو مؤذي ابدا
روفان بصتلو بزهول وضحكت ضحكات بسيطه وسط دموعها وقالت....انت...الي شوفتو مرتين بتحكم عليه...انا اكتر واحده اعرف هو مؤذي قد ايه..ده مش بني ادم اصلا..وكملت بانفعال شديد وقالت في صورة بني ادم هو السبب في كل الي حصل لاخوه اخوه بېموت بسببو وانا كمان كنت ھموت بسببو و
روفان قطعت كلامها لما خدت بالها للي قالتو وجلال كان بيبصلها باستغراب وقال...بېموت..هو ..هو لسه عايش
روفان بعدت بنظرها عنو وقالت...لسه عايش..جوايا لسه عايش وهيفضل عايش معايا طول العمر حتى لو هو دلوقتي مش معايا لكن انا بعتبرو لسه عايش... مش مهم ..انت مش هتفهمني المهم دلوقتي انا مش عارفه اعمل ايه..فرح دي دي بريئه قوي...هبله..بمعني الكلمه مش فاهمه اي حاجه في الدنيا ..وبصتلو بدموع وقالت..انت..انت شوفتها يا جلال..لما قولتلها فيه زلزال صدقتك ...اصلا بتصدق اي حد..مش عارفه هيعمل فيها ايه ..يارب..ساعدني يا ربي وقعدت وبقت تبكي جامد
جلال نزلت دمعه من عينه من صدق مشاعرها عيونها كانو بيوصوفو ألمها افضل من اي جمل ..قعد عند رجلها في مستوى قعدتها وبعد اديها عن وشها وابتسم وقال ...انا عارف اني بنسبالك مجرد واحد عرفتيه لسعات تتعد لكن انا بوعدك اني هعرف مكان اختك وهت انهارده تمام...خليكي واثقه فيا
هنا روفان بصت في عيونه جامد وافتكرت رشيد كان ديما يقولها خليكي واثقه