اوقعت في شباكه
بالذنب وانا بشوف كسرتها...كنت عارف اني كسرتها وكنت قاصد....حبيت ادوقها من نفس الكاس اللي داقته امي لما سړقت امها جوزها...حبيت اكسرها...وكان مفروض اكون مبسوط وانا شايف دموعها بس معرفش ليه قلبي كان واجعني
قربت شهد مني وهي بتقول بدموع
امير حبيبي انت اكيد بتهزر صح...قول انك بتهزر...مستحيل تعمل فيا انا كده...صح
وانا بقسي قلبي وبقول
وليه مستحيل..ليه...هي مش امك عملت في امي كده...مش حړقت قلبها
هزت راسها بذهول وهي بتقول
وانا ذنبي ايه يا امير....ذنبي ايه انطق....ليه تكسرني كده ليييه
عشان بنتها....حظك يا شهد انك بنتها...حظك انك من ډمها...يبقي تستحقي الكره والذل والمعاملة دي
سها مراتي...زيها زيك بالضبط....وانتي مضطرة تقبلي يا شهد....
مش عايز امي تعرف بالموضوع ده...احنا هنسافر شهر العسل...وانتي هتيجي من غير ولا كلمة..فاهمة ولا لا
هزت رأسها وهي بټعيط فقولت
ادخلي أوضتك يالا...انا هنام في الأوضة التانية انا وسها
مشيت علي اوضتها وهي بتترعش...كانت هتقع...خفت
روحي نامي. في الأوضة. وانا هقعد في الصالة هنا
بصتلها پغضب فارتبكت ودخلت الأوضة...
قعدت علي الانترية بتعب....بفكر في شهد...حاجة جوايا خانقاني....انا كسرتها...معرفش دموعها ليه وجعت قلبي للحظة كنت هوقف كل السخافة دي واعتذرلها ....كنت هضعف...زي ما ابويا ضعف قدام امها...زي ما خلته خاتم في صباعها وبعدته عن عيلته...لا يا امير...اياك تضعف قدامها شهد لازم تدفع تمن أخطاء امها...لازم..
سافرنا انا وسها وشهد لشرم.....كنت بجهز خططي كويس....حجزتلها أوضة لوحدها وحجزت لينا انا
وسها أوضة
اكيد دلوقتي البرنسيسة شهد ھتموت من القهر ان جوزها بايت مع واحدة تانية
بصيت لسها...انا عارفة ان سها شيطان بتحاول تخرب حياة شهد...عندها كره غريب لشهد...بش انا كنت بسمع كلامها...بسمع كلامها لان الحقد في قلبي كان قوي
ابتسمت بحزن وقالت
قلبك ابيض يا امير...ابويا مشغول مع مراته الجديدة وامي مع جوزها الجديد محدش فاضي ليا ببساطة انا حرة في حياتي يا بيبي..
مر يومين وانا متجاهل شهد تماما حتي هي بدأت تتجاهلني وتعاملني ببرود
