اسكريبت كامل
دماغي مش موقفه تفكير بس مش مبينه علشان متسألنيش واتحججت بالصداع والنوم علشان انهي اليوم ده وابدء اليوم الجديد بالقرار الجديد
ياسين صباح الخير
اي ده اشطر كتكوت صاحي بدري ليه
نور انا معرفتش انام أصلا
ياسين بقلق مالك تعبانه حاسه ب ايه
لفهته عليا ونظره عينه خلت قلبي يلعن عقلي اللي قال بقرار البعد
نور بإبتسامة متقلقش انا كويسه
نور اصل ماما تعبانه ولازم اروحلها
ياسين خلاص هوصلك في طريقي واعدي اخدك بليل
نور لأ اصل... اصل انا لازم اقعد معاها يومين علشان اهتم بيها وكده
ياسين هتسبيني يومين
طريقته وهو بيقولها كأن ام هتسيب ابنها لوحده... انا لو فضلت مركزه مع كلامه وعيونه اكتر من كده مش هسيبه ساعه والله
نور بهزار دول يومين بس هترتاح من دوشتي شويه وكمان ماما وحشتيني
دايما بيراضني بكلامه وافعاله وحنيته عليا مش بيخلني اسأل نفسي هو حبه قل ولا لأ
رغم اني واحده كنت بخاف من فكره الارتباط اصلااا بس وجوده دايما بيطمني
وإني أراك بعين قلبي جنة يا من بك مر الحياة يطيب
وخلي تليفونك جنبك دايما علشان اكلمك
نور حاضر... هنفذ كل التعليمات اللي بتقولها من الصبح
ايدي قبل ما انزل وقال
اقولك حاجه ومتستغربيش
نور قولي
ياسين شكلك وانتي نزله من العربيه بشطنه هدومك مع فكره اني هرجع مش هلاقيكي في البيت وجعه قلبي والله
نور سلامه قلبك يا حبيبي
وقبل ما عيني غيرت الموضوع بسرعه
نور بقولك ايه خلي بالك من الشقه والمطبخ
ياسين ايه
نور بهزار لأ معرفش انا لسه هفكر
ياسين بضحك انا حاسس أن هما عهده ولازم اخلي بالي منهم
نور ايوه هو كده
نزلت من العربيه بسرعه وطلعت ل ماما وهي مستغربتش لأني كلمتها وقولتلها اني هغير جو عندها شويه
ناهد وحشتني يا حبيبتي
فين محمد
ناهد في الشغل لسه مجاش
دخلت رتبت شنطتي وك العاده لما
بدخل اوضتي بحن ل احلي ايامي إللي قضيتها فيها وكل ذكرياتي مع ياسين كمان
عدا اول يوم بسرعه
