قصه كامله ج2

وقالي
_ ازيك ي مريم
الحمد لله... اخبارك ي دكتور
وقبل ما يرد باباه قال
مش فاكر مين دي ي عمرو
_ ازاي طبعا فاكر دي مريم بنت عمو كاامل
ياااااه لسه فاكرني... اخييي عليا بجد مفتكرتوش ازاي ... عشان كدا كان بيقولي انتي مش فكراني بجد
قامت مامته تحضر الاكل وناا قومت طبعا معاها انا وملاك بعد اصرار اني افضل اتعشي معاهم وحقيقي انا كنت بتمني اني افضل معاهم ولسببين
١_ اني همووت واشبع م عمرو ونفسي افضل معاه وقت كبير
٢_ انهم عوضوني ولو شويه عن غياب اهلي لان طبعا محدش بياخد مكانة الاهل
كنا خلصنا وطنط قالت
_ يلا ي بنات اخرجو الاكل ع السفره

خرجنا ورسينا الاكل فعلا ع السفره
ودخلت اجيب اخر طبق م جوا
حسيت بحاجه واقفه ورايا حاجه انا فعلا عيزاها تفضل ورايا ع طول ومتفارقنيش
الټفت ليه وناا متأكده انو هو لانو ريحة برفانه رشقت ف قلبي
لقيته بيقولي وبيبصلي جامد اوي ف عيوني
_ بقااا مش فكراني ي فلاوله
ايتا ايتا لسه فاكر الاسم لا وكمان بيقولهولي.. اي دا انا قلبي بيدق جامد لي معقول حبيته ونبي تقولولها انا دايبه دوب فيه
رديت وناا ببلع ريقي
كنت لسه صغيره لما شوفتك اخر مرا اكيد مكنتش هفتكرك
شاور ع قلبي وهو لسه بيبصلي وقال
_ طب ودا
ماله
_ مدقش خالص م اول ما شافني ولا حس بوجودي
ناوي يوقف قلبي والله...هاتو المأذون يجماعه انا مش بتاعة دراسه والله
م..ممكن تبعد
قرب اكثر .... يادي النيله بقاا انا بسيح والله
همس ف ودني بكلمه تقشعر لها الابدان 
_ قلبي رافض البعد ي فلاولتي
اي دا طنط بتنادي ...
زقيته وجريت منا لو فضلت معاه ثانيه كمان هقولو بحبك ي ولاا
خرحت وهو خرج ورايا وبيبتسم
حقيقي حسيت معاهم بإحساس حلو اوي واتمنيت لوهله لو اهلي عايشين
كنت ماشيه وهما اصرو اني ابات بس لاا مش هينفع ف قالو انو عمرو يوصلني لان الجو ليل وافقت ومشيت معاه واحنا ف العربيه كنت قاعده متوتره جدا ...
شغل اغنيه لعمرو دياب ف يوم هنعود دا بينا وعود 
حقيقي الاغنيه دي بتمثلنا بالظبط
وصلنا