العرافه الفصل الثالث عشر

الله اعلم متنساش انها قالت أنك ھتموت غريب في سفر وأني مش هخلف عيال وأنا دلوقتي قربت من سنة جواز ومفيش حمل لحد دلوقتي !!
ضحك أسامة أنت خاېف عليا لاموت وأنا مسافر يا فريد 
فريد أيوه طبعا لازم أخاف لو مش هخاف عليك هخاف علي مين !!
أسامة متخافش يا خويا عمر الشقي بقي ومفيش حد بېموت ناقص عمر لو عمري خلص ھموت وأنا نايم هنا علي السرير .
فريد بعد الشړ عليك يا أخويا أنا قصدي 
أسامة أنا فهمت قصدك خلاص متخافش يا فريد انا هسافر وارجع بأذن الله ويضحكت وهفضل عايش علي قلبكم .
ثم ضحك أسامة ضحكة عالية وقال ضاحكا أنا أفتكرت دلوقتي كلام الست دي بالأمارة قالت أنك هتتجوز تلاته من بيت واحد يعني قصدها هتتجوز مراتي ومرات شريف الله يرحمه وهتربي عيالنا . 
فريد بعد الشړ عليك تعيش وتربي مصطفي وتخاويه وتفرح بعيالك .
أسامة ضاحكا بصوت عالي هتتجوز يا عم نسوان البيت كلهم وتبقي أنت ديك البرابر .
فريد يا أسامة أنا مبهزرش أنا بتكلم بجد .
أسامة يا ابني سيبك من كلام الناس دي ده كله تخاريف ميعلمش الغيب الا ربنا عز وجل .
فريد ونعم بالله .
أسامة ضاحكا أنا مسافر يا فريد وهرجع بأذن الله ولو مرجعتش يا عم ابقي اتجوزها واتجوز التانية وربي عيالنا الله يكون في عونك ساعتها بقي هيخلوك تلف حوالين نفسك .
فريد يا ابني بطل هزار بقي أنت مبتاخدش اي كلام جد ابدا !!!
أسامة عايز الجد أنا هسافر أجبب فلوسي وفلوس عيالي وأرجع بعد كام شهر وكلام الست دي تخاريف متفكرش فيه يا فريد أنا مش عارف أنت فاكر الكلام ده لحد دلوقتي أزاي !!
فريد يعني بردو مصمم تسافر 
أسامة أيوه .
فريد ربنا يعمل الخير تروح وترجع بالسلامة يا اخويا .
بعد أيام كان أسامه في المطار يودع أهله جميعا .
وبعد سفر أسامة بأيام عاد فريد من الشغل ودخل ليطمئن علي واادته فوجدها تجلس مهمومة ويتضح عليها الحزن والهم الشديد !!!
فريد مالك يا أمي فيكي ايه  
الأم فيه موضوع شاغلني شوية وكنت عايزة أكلمك فيه .
فريد موضوع ايه يا ماما خير فيه ليه 
الأم مرات أخوك .
فريد مين فيهم هند ولا سمية 
الأم هند .
فريد مالها 
الأم لازم تتجوز .
فريد بأستنكار نعم !!!!!!!
الأم أيوه لازم تتجوز .
فريد هي اللي قالت كده 
الأم لأ مش لازم تقول .
فريد مش فاهم اومال مين اللي قال 
الأم أنا اللي بقول .
فريد ليه انتي عايزاها تتجوز ليه يا أمي ده ناقص تقوليلي أتجوزها أنا كمان !!!!
الأم أيوه أنت لازم تتجوزها علشان عيال أخوك .
فريد ده أنتي كده عايزة تنفذي كلامها بالحرف !!!
الأم كلام مين هي متكلمتش ولا تعرف حاجة عن الموضوع