تاني حب الفصل الثاني عشر كامل

الكذبه دي لحقيقه.
بقلمي ملك إبراهيم. 
في مكتب كامل.. 
كان هيتجنن ومش متخيل ان علاقة زياد بفريدة اتطورت اوي لدرجة انه يعترفلها بحبه!! مكنش شايف قدامه غير صورة فريدة وزياد وبيسأل نفسه ياترى هو ازاي اعترفلها بحبه ياترى مسك ايديها وهو بيقولها ياترى كان بيبص في عينيها ازاي وقتها وفريدة كانت حاسه ب ايه معقول قلبها دق بسرعه وحست بالخجل ايه اللي حصل بينهم في لحظة اعترافه بحبه ليها كانت فريدة حاسه ب ايه وزياد حاسس ب ايه في اللحظة دي..
ضړب ب ايديه على مكتبه بعصبيه وهو حاسس بڼار في قلبه وحقيقي كان ھيموت من الغيرة عليها.
في الوقت ده جت له مكالمة من رقم مجهول وكان الشخص المجهول اللي بيكلمه كامل باشا فكرت في كلامنا ولا لسه
كامل كان ڠضبان جدا ومضايق بسبب موضوع فريدة ومكنش متحمل اي حد والشخص ده كلمه في الوقت الغلط واتعصب عليه كامل وقال لا مفكرتش واسمعني كويس انت واللي تبعك.. اي حد غلط هيتحاسب وانا هعرف اجيبك انت واللي مشغلينك.
الشخص المجهول دي كانت اخر فرصه ليك يا باشا مع السلامه.
قفل كامل تليفونه وهو ڠضبان جدا وعايز يخرج غضبه في اي حاجة ومقدرش يكمل شغله وخرج من مكتبه وركب عربيته.
عند زياد وفريدة. 
وقف زياد بعربيته قدام الجامعه وفريدة نزلت من العربيه وهي بتشكره وتبتسم.. شافتها شهد من بعيد وبصتلها پحقد وغيرة.. شهد كانت شايفه ان الكل بيهتم ب فريدة ودايما بتلفت انتباه الجميع في اي مكان بتكون موجودة فيه.. مامتها اهتمت ب فريدة اكتر من بنتها في طفولتهم لان فريدة يتيمه.. وكامل اهتم ب فريدة اكتر من اخته لانه حبها.. واصحابهم في الجامعه بيهتموا ب فريدة ويحبوها اكتر لان شخصيتها مرحة وشقيه واجتماعيه اكتر من شهد.. حتى زياد اللي لسه عارف فريدة من كام يوم هو كمان حبها ومفيش حد حاسس ب شهد او مهتم بيها وكل ده كون جواها احساس بالغيرة والحقد على فريدة رغم انها بتحبها وبتتمنى ليها الخير بس مش قادرة تكون زيها.. وكانت دي الحقيقه اللي شهد بتواجه نفسها بيها.. انها بتتمنى تكون زي فريدة رغم انتقادات والدتها وكامل ل شخصية فريدة طول الوقت بس فريدة دايما محبوبه من الكل ودي الحقيقه اللي متقدرش تنكرها.
قربت منها فريدة وهي بتبتسم بسعادة وكانت شهد شاردة في أفكارها. 
فريدة شهد مش هتصدقي اللي حصل بعد ما انتي مشيتي.. زياد جه البيت و....
قاطعتها شهد بنبرة حادة عارفه يا فريدة شوفته قدام البيت وانا خارجة ودلوقتي شوفته وهو بيوصلك وانتي جايه مبسوطة.. معني كده ان ماما وافقت صح
فريدة حاولت تشرحلها اللي حصل وتحكيلها انها كذبت لما قالت ان زياد بيحبها لكن شهد قاطعتها پغضب مش وقته الكلام في المواضيع دي هنا في الجامعه يا فريدة انا لازم الحق المحاضره مش فاضيه ل مشاكلك وحواراتك دي.
فريدة اټصدمت من نبرة الصوت والطريقه اللي بتتكلم بيها شهد معاها وشهد مشيت وسابتها واقفه لوحدها قلبها مكسور من أسلوب شهد القاسې معاها لانها بتعتبرها اختها وتوأمها مش بس بنت عمها!... بقلمي ملك إبراهيم.
... يتبع
فريدة كده خدت كل الصدمات من اقرب الناس ليها وهي ملهاش اي ذنب اللي جاي بعد كده بقى هيقلب كل الأحداث وارجع واقول تاني ان الصدمات هي اللي بتقويناحبايب ملوكة ليه التفاعل قليل كده مش عايزيني اعرف مين متابعين الرواية معايا اللي متابع يظهر في التفاعل هنا