قصه مشوقه
ﻗﺪ ﺗﻤﻠﻜﺖ ﻣﻨﻬﺎ .
ﺁﺩﻡ ﻓﻴﻪ ﺇﻳﻪ ﻳﺎﻧﺠﻼﺀ .. ﻗﻔﻠﺘﻲ ﺍﻟﺒﺎﺏ ﻟﻴﻪ ﺑﺘﻌﻤﻠﻲ ﺇﻳﻪ !!!
ﻧﺠﻼ ﺑﺘﻬﻮﺭﻫﺎ ﺍﻟﻤﻌﺘﺎﺩ ﺗﻘﺘﺮﺏ ﻣﻨﻪ ﻳﻌﻨﻲ ﺍﺗﺠﻮﺯﺕ ﻳﺎﺁﺩﻡ ﻭﻧﺴﻴﺖ ﻛﻼﻣﻚ ﻟﻴﺎ ﻣﺒﻔﻜﺮﺵ ﻓﻲ ﺍﻟﺠﻮﺍﺯ ﻳﺎﻧﺠﻼ ﻭﺭﺍﻳﺎ ﻃﻤﻮﺣﺎﺕ ﻭﺃﺣﻼﻡ ﻳﺎﻧﺠﻼ ﻫﺠﻮﺯ ﺃﺧﻮﺍﺗﻲ ﺍﻷﻭﻝ ﻣﺶ ﺩﻩ ﻛﺎﻥ ﻛﻼﻣﻚ ﻭﺍﻧﺎ ﺍﻟﻠﻲ ﻛﻨﺖ ﻋﻠﻴﻚ ﻋﻤﺮﻙ ﻣﺎ ﺑﻠﻴﺖ ﺭﻳﻘﻲ بكلمه .
ﺁﺩﻡ ﺃﻳﻮﺓ ﻓﻌﻼ ﺑﺲ ﺍﻟﻈﺮﻭﻑ ﺣﻜﻤﺖ ﻳﺎﻧﺠﻼ
ﻧﺠﻼ ﻇﺮﻭﻑ ﺇﻳﻪ ﺍﻟﻠﻲ ﻭﻗﻌﺖ ﻭﺍﺣﺪ ﺟﺎﻥ ﺯﻳﻚ ﻓﻲ ﺍﻟﺒﻨﺖ ﺍﻟﻠﻮﻛﺎﻝ ﺩﻱ .
ﻧﺠﻼ ﺍﻗﺘﺮﺑﺖ ﻣﻨﻪ ﻭﻣﺴﻜﺖ ﻳﺎﻗﺔ ﻗﻤﻴﺼﻪ ﻭﻗﺎﻟﺖ ﺑﺤﺰﻥ ﻣﺼﻄﻨﻊ ﺍﻳﻪ ﻳﺎﺩﻭﺩﻭ ﺑﺘﺤﺒﻬﺎ
ﺁﺩﻡ ﻭﻫﻮ ﻳﺪﻓﻊ ﻳﺪﻳﻬﺎ ﺃﻳﻮﺓ ﺑﺤﺒﻬﺎ ﻃﺒﻌﺎ ﻣﻴﺎﺭ ﺍﻧﺴﺎﻧﺔ ﺟﻤﻴﻠﺔ ﻭ .. ﻭ .. ﻭ ...
ﻭﺿﻌﺖ ﻧﺠﻼ ﻳﺪﻫﺎ ﻋﻠﻲ ﺭﻗﺒﺘﻪ
ﻭﺣﺸﺘﻨﻲ ﻳﺎﺩﻭﺩﻭ .
ﺩﻓﻊ ﻳﺪﻫﺎ ﻭﺩﻓﻌﻬﺎ ﺑﻌﻴﺪﺍ ﻋﻨﻪ ﻭﻗﺎﻝ ﺑﺼﺮﺍﻣﺔ ﺍﻳﻪ ﺍﻟﺠﻨﺎﻥ ﺍﻟﻠﻲ ﺑﺘﻌﻤﻠﻴﻪ ﺩﻩ ﺯﻣﺎﻥ ﻭﻛﻨﺖ ﺑﻘﻮﻝ ﻃﻴﺶ ﻣﺮﺍﻫﻘﺔ ﻭﻋﺪﻡ ﺇﺩﺭﺍﻙ ﻣﻨﻚ ﻭﻻ ﺍﻧﺘﻲ ﻟﺴﻪ ﻓﻴﻚ ﺍﻻﻧﺤﻄﺎﻁ ﺩﻩ .
ﺁﺩﻡ ﺍﻓﺘﺤﻲ ﺍﻟﺒﺎﺏ ﻳﺎﻧﺠﻼ ﺑﺪﻝ ﻣﺎﺃﻣﺪ ﺇﻳﺪﻱ ﻋﻠﻴﻜﻲ ﺍﻟﻨﺎﺱ ﺑﺮﺓ ﻭﺑﻼﺵ .
ﺃﺧﺮﺟﺖ ﻧﺠﻼ ﺍﻟﻤﻔﺘﺎﺡ ﻭﻗﺬﻓﺘﻪ ﻋﻠﻲ ﺍﻟﻔﺮﺍﺵ
ﻓﺘﺢ ﺁﺩﻡ ﺍﻟﺒﺎﺏ ﻭﺧﺮﺝ ﻭﻫﻮ ﻳﻐﻠﻖ ﻗﻤﻴﺼﻪ ﻭﻳﻌﺪﻝ ﻳﺎﻗﺘﻪ ﻓﻲ ﻧﻔﺲ ﺍﻟﻠﺤﻈﺔ ﻟﻤﺤﺘﻪ ﻣﻴﺎﺭ ﺛﻢ ﻟﻤﺤﺖ ﻧﺠﻼ ﺗﺘﺒﻌﻪ ﺑﻌﺪﻫﺎ ﺑﻠﺤﻈﺎﺕ ﻋﻨﺪﻣﺎ ﻻﺣﻈﺖ ﻧﺠﻼ ﺃﻥ ﻋﻴﻨﻲ ﻣﻴﺎﺭ ﻋﻠﻴﻬﺎ ﻭﻫﻲ ﺧﺎﺭﺟﺔ ﻣﻦ ﺍﻟﻐﺮﻓﺔ ﺃﺭﺍﺩﺕ ﺃﻥ ﺗﺜﻴﺮ ﺍﻟﺸﻜﻮﻙ ﺑﺪﺍﺧﻠﻬﺎ ﻓﺒﺪﺃﺕ ﺗﻌﺪﻝ ﻓﺴﺘﺎﻧﻬﺎ ﻭﺷﻌﺮﻫﺎ ﻭﻛﺄﻧﻪ ﻛﺎﻥ ﻳﺤﺪﺙ ﺑﻴﻨﻬﺎ ﻭﺑﻴﻦ ﺁﺩﻡ ﺷﻲﺀ .
ﺑﻌﺪ ﺩﻗﺎﺋﻖ ﻛﺎﻥ ﻣﻬﺎﺏ ﻳﻠﺒﺲ ﺃﻳﺘﻦ ﻣﺤﺒﺲ ﺍﻟﺨﻄﺒﺔ ﻭﺳﻂ ﻓﺮﺣﺔ ﺍﻟﺠﻤﻴﻊ ﺇﻻ ﻧﻮﺍﻝ ﺍلتي ﻟﻤﺤﺘﻬﺎ ﺃﻳﺘﻦ ﻭﻫﻲ ﺗﻤﺴﺢ ﺩﻣﻌﻬﺎ ﺛﻢ ﺗﺴﺤﺒﺖ ﻣﻦ ﻭﺭﺍﺀ ﺍﻟﺠﻤﻴﻊ ﻭﺩﺧﻠﺖ ﻏﺮﻓﺘﻬﺎ ﻓﻜﺮﺕ ﻣﻴﺎﺭ ﻣﻠﻴﺔ ﺛﻢ ﺗﺒﻌﺖ
ﻧﻮﺍﻝ ﻭﺩﺧﻠﺖ ﻭﺃﻏﻠﻘﺖ ﺍﻟﺒﺎﺏ .
ﻧﻮﺍﻝ ﻭﻫﻲ ﺗﻤﺴﺢ ﺩﻣﻮﻋﻬﺎ ﻭﺗﺤﺎﻭﻝ ﺭﺳﻢ ﻗﻮﺗﻬﺎ ﺍﻳﻪ ﺍﻟﻠﻲ ﺟﺎﺑﻚ ﻭﺭﺍﻳﺎ .. ﻓﻴﻪ ﺣﺎﺟﺔ
ﻧﻈﺮﺕ ﻟﻬﺎ ﻧﻮﺍﻝ ﺑﻌﻴﻨﻴﻦ ﺩﺍﻣﻌﺘﻴﻦ ﻓﻲ ﺍﻷﻭﻝ ﻭﺍﻵﺧﺮ ﺃﻗﺪﺍﺭ ﺍﺧﺮﺟﻲ ﻋﺸﺎﻥ ﻣﺤﺪﺵ ﻳﻼﺣﻆ ﻏﻴﺎﺑﻚ .
ﻣﻴﺎﺭ ﻭﻗﺪ ﻏﻠﺒﺘﻬﺎ ﺍﻟﺪﻣﻮﻉ ﻟﺮﺅﻳﺘﻬﺎ ﻟﻬﺬﻩ ﺍﻟﻤﺮﺃﺓ ﺍﻟﻘﻮﻳﺔ ﺑﻬﺬﺍ ﺍﻹﻧﻜﺴﺎﺭ ﺃﻧﺎ ﺧﻼﺹ ﻫﺴﺎﻓﺮ ﻭﺩﻱ ﺁﺧﺮ ﻣﺮﺓ ﻣﻤﻜﻦ ﻧﺸﻮﻑ ﻓﻴﻬﺎ ﺑﻌﺾ ﺑﺲ ﺣﺒﻴﺖ ﺃﻗﻮﻟﻚ ﺇﻧﻲ ﻋﻤﺮﻱ ﻣﺎﻛﺮﻫﺘﻚ ﻭﻻ ﺯﻋﻠﺖ ﻣﻨﻚ ﻳﻤﻜﻦ ﻟﻮ ﻛﺎﻧﺖ ﺟﻤﻌﺘﻨﺎ ﻇﺮﻭﻑ ﺃﺣﺴﻦ ﻣﻦ ﻛﺪﻩ ﻛﻨﺖ ﺍﺗﻤﻨﻴﺖ ﺍﻧﻚ ﺗﻜﻮﻧﻲ ﺃﻣﻲ ﺍﻟﻠﻲ ﻓﻘﺪﺗﻬﺎ ﻭﺃﻧﺎ ﺃﻛﻮﻥ ﺑﻨﺘﻚ ﻛﻞ ﺍﻟﻠﻲ ﻋﺎﻳﺰﺍﻩ ﺑﺲ ﺍﻧﻚ ﺗﺴﺎﻣﺤﻴﻨﻲ ﻭﺗﻔﺘﻜﺮﻳﻨﻲ ﺑﺲ ﺑﺎﻟﺨﻴﺮ . ﻭﻭﻗﻔﺖ ﻭﺍﺗﺠﻬﺖ ﻧﺎﺣﻴﺔ ﺍﻟﺒﺎﺏ ﻟﻠﺨﺮﻭﺝ
ﻗﺎﻟﺖ ﻧﻮﺍﻝ ﻟﻬﺎ ﻟﻪ ﺣﻖ ﺁﺩﻡ ﻳﺤﺎﺭﺏ ﺍﻟﺪﻧﻴﺎ ﻋﺸﺎﻧﻚ ﺧﻠﻴﻜﻲ ﻳﺎﻣﻴﺎﺭ ﻣﺘﺴﺎﻓﺮﻳﺶ .
ﺍﻋﺘﺪﻟﺖ ﻣﻴﺎﺭ ﻭﻣﺴﻜﺖ ﻳﺪﻫﺎ ﻭﻗﺎﻟﺖ ﻣﺒﻘﺎﺵ ﻳﻨﻔﻊ ﻻ ﺍﻟﺪﻧﻴﺎ ﻭﻻ ﺍﻟﻈﺮﻭﻑ ﺍﻟﻠﻲ ﺟﻤﻌﺘﻨﺎ ﻫﺘﺴﻴﺒﻨﺎ ﻋﺎﻳﺸﻴﻦ ﻣﺮﺗﺎﺣﻴﻦ ﻫﻴﻜﻮﻥ ﻓﻴﻪ ﺩﺍﻳﻤﺎ ﺣﺎﺟﺰ ﻳﻤﺮﺭ ﺣﻴﺎﺗﻨﺎ ﻭﺍﻧﺎ ﺑﺼﺮﺍﺣﺔ ﺑﻌﺪ ﺃﻣﻲ ﻣﺶ ﻣﺴﺘﻌﺪﺓ ﻧﻔﺴﻴﺎ ﺍﻧﻲ ﺍﻛﻤﻞ ﻋﺸﺎﻥ ﻛﺪﻩ ﺳﺎﻣﺤﻴﻨﻲ ﻭﻳﺸﺮﻓﻨﻲ ﺍﻧﻚ ﺗﻔﻀﻠﻲ ﻓﺎﻛﺮﺍﻧﻲ
ﻣﻴﺎﺭ ﺍﻧﺎ ﻫﺘﻮﺍﺻﻞ ﺩﺍﻳﻤﺎ ﻣﻊ ﺃﻳﺘﻦ ﻭﻑ ﺃﻱ ﻭﻗﺖ ﺗﻨﺰﻟﻮﺍ ﻣﺼﺮ ﺍﻧﺎ ﺗﺤﺖ ﺍﻣﺮﻙ ﻓﻲ ﺃﻱ ﺣﺎﺟﺔ .
ﻗﺎﻃﻌﻬﻢ ﻃﺮﻕ ﺍﻟﺒﺎﺏ .. ﻧﻮﺍﻝ ﺍﺩﺧﻞ
ﻓﺘﺢ ﺁﺩﻡ
ﺍﻟﺒﺎﺏ ﻭﻃﻞ ﺑﺮﺃﺳﻪ ﻳﺎﻟﻼ ﻳﺎﻣﺎﻣﺎ ﻋﺸﺎﻥ ﺭﺍﻳﺤﻴﻦ ﺍﻟﺴﻔﺎﺭﺓ ﻟﻜﺘﺐ ﺍﻟﻜﺘﺎﺏ ﺛﻢ ﺳﻠﻂ ﻧﻈﺮﻩ ﻋﻠﻲ ﻣﻴﺎﺭ ﻭﻛﺄﻧﻪ ﻳﺸﺒﻊ ﻋﻴﻨﻴﻪ ﻣﻨﻬﺎ .
ﻧﻈﺮﺕ ﻟﻪ ﻣﻴﺎﺭ ﻧﻈﺮﺓ ﻏﻴﻆ ﺛﻢ ﺍﺧﻔﻀﺖ ﺑﺼﺮﻫﺎ ﻧﻬﻀﺖ ﻧﻮﺍﻝ ﻭﻫﻤﺖ ﺑﺎﻟﺨﺮﻭﺝ ﻣﺎﺗﻮﺳﻊ ﻳﺎﺑﻨﻲ ﺧﻠﻴﻨﻲ ﺃﻓﻮﺕ
ﺃﻓﺴﺢ ﻟﻬﺎ ﺍﺩﻡ ﺍﻟﻄﺮﻳﻖ ﻟﺘﺨﺮﺝ ﻭﺩﺧﻞ ﻫﻮ ﻭﺍﻏﻠﻖ ﺍﻟﺒﺎﺏ
ﺁﺩﻡ ﻫﻨﺘﺄﺧﺮ ﻳﺎﻣﻴﺎﺭ
ﻣﻴﺎﺭ ﺣﺎﺿﺮ ﺟﺎﻫﺰﺓ ﺑﺲ ﻣﻤﻜﻦ ﺍﻓﻬﻢ ﺍﻧﺖ ﺣﺠﺰﺕ ﻭﻻ ﻟﺴﻪ
ﺁﺩﻡ ﻣﺴﺘﻌﺠﻠﺔ ﻋﻠﻰ ﺇﻳﻪ ﻫﺤﺠﺰ ﺑﻜﺮﺓ ﺍﻥ ﺷﺎﺀ ﺍﻟﻠﻪ ..
ﻣﻴﺎﺭ ﻋﻠﻲ ﺍﺗﻔﺎﻗﻨﺎ ﺧﻼﺹ ﻣﻌﺘﺶ ﻫﻘﻌﺪ ﻫﻨﺎ ﻭﺍﻧﺖ ﺧﻠﻴﻚ ﻫﻨﺎ ﺧﺪ ﺭﺍﺣﺘﻚ ﻭﺍﻋﻤﻞ ﺍﻟﻠﻲ ﻳﻌﺠﺒﻚ ﻣﺘﺸﻐﻠﺶ ﺑﺎﻟﻚ ﺑﻴﺎ .
ﺁﺩﻡ ﻣﺶ ﻓﺎﻫﻢ ﻗﺼﺪﻙ ﺇﻳﻪ
ﻣﻴﺎﺭ ﺍﻗﺼﺪ ﺍﺣﺠﺰ ﻟﻲ ﻭﺍﻧﺎ ﻫﻨﺰﻝ ﻣﺼﺮ ﻟﻮﺣﺪﻱ .
ﺁﺩﻡ ﺑﺤﺰﻥ ﻻ ﻃﺒﻌﺎ ﺃﻧﺎ ﺟﺎﻱ ﻣﻌﺎﻛﻲ ﺍﻭﺻﻠﻚ ﻭﺍﻃﻤﻦ ﻋﻠﻴﻜﻲ ﻭﻋﻠﻲ ﺍﺑﻨﻲ ﺑﺲ ﺍﻭﻋﺪﻳﻨﻲ ﻳﺎﻣﻴﺎﺭ ﺍﻧﻚ ﺗﺘﻮﺍﺻﻠﻲ ﻣﻌﺎﻳﺎ
ﻣﻴﺎﺭ ﻭﻗﺪ ﺁﻟﻤﻬﺎ ﻗﻠﺒﻬﺎ ﺍﻧﺰﻝ ﺑﺲ ﻭﺭﺑﻨﺎ ﻳﺤﻠﻬﺎ .
ﺁﺩﻡ ﻃﺐ ﻗﻮﻣﻲ ﺯﻣﺎﻧﻬﻢ ﺑﻴﺴﺘﻌﺠﻠﻮﻧﺎ .
ﺑﻌﺪ ﻋﺪﺓ ﺳﺎﻋﺎﺕ ﻓﻲ ﺍﺣﺪ ﺍﻟﻤﻄﺎﻋﻢ ﻭﻓﻲ ﺭﻛﻦ ﺧﺎﺹ ﻳﺠﻠﺲ ﺍﻟﻌﺮﻭﺳﺎﻥ
ﻣﻬﺎﺏ ﺃﻧﺎ ﻣﺶ ﻣﺼﺪﻕ ﺇﻥ ﺃﺧﻮﻛﻲ ﺍﻗﺘﻨﻊ ﻳﺴﻴﺒﻚ ﺗﺨﺮﺟﻲ ﻣﻌﺎﻳﺎ ﺩﺍ ﻃﻠﻊ ﻋﻴﻨﻲ ﻫﻮ ﺍﻳﻪ ﺍﻟﺒﻨﻲ ﺁﺩﻡ ﺩﻩ ﻣﺨﻠﻮﻕ ﻣﻦ ﺇﻳﻪ .
ﺃﻳﺘﻦ ﺑﺎﺑﺘﺴﺎﻣﺔ ﺍﻟﻔﻀﻞ ﻓﻲ ﺩﻩ ﺑﻴﺮﺟﻊ ﻟﺮﺑﻨﺎ ﺛﻢ ﻟﻤﻴﺎﺭ ﻫﻲ ﺍﻟﻮﺣﻴﺪﺓ ﺍﻟﻠﻲ ﻋﺮﻓﺖ ﺗﻘﻨﻌﻪ .
ﻣﻬﺎﺏ ﺑﺼﺮﺍﺣﺔ ﻛﺘﺮ ﺧﻴﺮﻫﺎ ﺑﺲ ﺳﻴﺒﻚ ﺃﻧﺘﻲ ﺃﻧﺎ ﻣﺶ ﻣﺼﺪﻕ ﺇﻥ ﺍﻟﺤﻠﻢ ﺍﺗﺤﻘﻖ ﻭﺑﻘﻴﺘﻲ ﻣﺮﺍﺗﻲ .
ﺃﻳﺘﻦ ﺑﺎﺑﺘﺴﺎﻣﺔ ﺧﺠﻮﻟﺔ ﻭﻻ ﺃﻧﺎ ﻛﻤﺎﻥ ﻣﺼﺪﻗﺔ ﻧﻔﺴﻲ .
ﻣﺴﻚ ﻣﻬﺎﺏ ﻳﺪﻫﺎ ﺭﺑﻨﺎ ﻣﺎﻳﺤﺮﻣﻨﻲ ﻣﻨﻚ ﺃﺑﺪﺍ ﻳﺎﺃﺣﻠﻲ ﺣﺎﺟﺔ ﺣﺼﻠﺖ ﻓﻲ ﺣﻴﺎﺗﻲ .
ﺃﻳﺘﻦ ﺑﻨﻈﺮﺓ ﻛﻠﻬﺎ ﺣﺐ ﺑﺤﺒﻚ ﻳﺎﻣﻬﺎﺏ
ﻗﺎﻡ ﻣﻬﺎﺏ ﻭﺟﻠﺲ ﻋﻠﻲ ﺭﻛﺒﺘﻴﻪ ﻭﻣﺴﻚ ﻳﺪﻳﻬﺎ ﻭﻧﻈﺮ ﻓﻲ ﻋﻴﻨﻴﻬﺎ ﻛﻠﻤﺔ ﺑﺤﺒﻚ ﻣﺶ ﻫﺘﻌﻄﻴﻜﻲ ﺣﻘﻚ ﻳﺎﺃﻳﺘﻦ ﻭﻻ ﻫﺘﻌﺒﺮ ﻋﻦ ﺍﻟﻠﻲ ﺟﻮﺍﻳﺎ ﺍﻧﺎ ﺍﻟﻠﻲ ﺃﻗﺪﺭ ﺍﻗﻮﻟﻪ ﺍﻥ ﺣﻴﺎﺗﻲ ﺑﺘﺒﻘﻲ ﺿﻠﻤﺔ ﻭﺍﻧﺘﻲ ﺑﻌﻴﺪ ﻣﺒﺘﻨﻮﺭﺵ ﻏﻴﺮ ﻓﻲ ﻭﺟﻮﺩﻙ ﺿﺤﻜﺘﻚ ﺷﻤﺲ ﻭﻋﻴﻮﻧﻚ ﻧﺠﻮﻡ .. ﺃﻧﺎ ﺃﻳﺘﻦ ﻣﻌﺮﻓﺶ ﻳﻌﻨﻲ ﺇﻳﻪ ﺣﺐ .. ﺑﺲ
