العرافه الفصل ال15
_ لا أنا هنزل وهاخد العيال معايا وابقي أنزلي خديهم بالليل قبل ما يناموا .
هند _ يا ماما ....
الأم _ من غير يا ماما أنا عايزة العيال يونسوني بدل قعدتي لوحدي يلا خدي راحتك أنتي وجوزك ربنا يهنيكم .
أخذت الأم احفادها ونزلت شقتها وتركت هند وحدها !!!
أرسلت هند رسالة الي فريد علفكرة مامتك كانت هنا من شوية وسألت عليك وقولتلها أنك نزلت تشتري حاجات .
بعدما أستيقظ فريد سألته تغريد _ أنت مش هتنزل يا حبيبي
فريد _ لا مش عايز انزل النهاردة هفضل قاعد معاكي يا قلبي .
تغريد _ أيه الرضا ده كله أنا بحلم ولا ايه !!! يارب تفضل كده علطول .
بعدها أمسك فريد بهاتفه فقرأ رسالة هند !!!!
فقام وبدأ يرتدي ملابسه سريعا فنظرت اليه تغريد في دهشة وسألته _ أنت رايح فين
تغريد _ هتروح فين أنت مش كنت بتقول هتقعد معايا ومش هتخرج خالص النهاردة !!!
فريد _ بأرتباك _ واحد صاحبي بعتلي رسالة ان أبو واحد صاحبنا ټوفي ولازم أروح احضر الچنازة حالا .
تغريد _ صحبك مين ده
فريد _ واحد صاحبي متعرفهوش يعني انتي لازم تعرفي كل أصحابي !!
تغريد _ وهترجع أمتي
تغريد _ تروح وترجع بالسلامة .
أرتدي فريد ملابسه ونزل سريعا الي الشارع ثم غاب ما يقرب من ربع ساعة وعاد مرة أخري وحرص علي ألا تراه تغريد لحظة دخوله للمنزل .
صعد فريد الي شقة هند التي بمجرد أن فتحت الباب دخل فريد سريعا ثم قال لها _ اقفلي الباب بسرعة قبل ما حد يلاحظ .
فريد _ لأ مفيش حاجة غلط ولا حاجة لكن أنتي عارفة مش عايزين تغريد تعرف ولا حتي سمية بموضوع جوازنا لأن سمية ممكن تقولها .
هند _ لكن أنا خاېفة تغريد ولا سمية يشوفوك داخل او خارج من هنا يتقال عليا كلام مش كويس وتبقي ڤضيحة .
فريد _ مټخافيش هي فترة صغيرة لغاية ما نقنع أمي أننا فشلنا ونطلق وخلال الفترة دي هنكون مركزين محدش يشوفنا مش هنفضل كده علطول يعني .
فريد _ ليه
هند _ مش هينفع تقعد أكتر من كده لأن مامتك أخدت العيال معاها ونزلت تحت وانا هنا لوحدي دلوقتي .
فريد _ أنتي قولتلها ايه لما سألتك عني
هند _ قولتلها أنك نزلت تشتري حاجات من تحت ولما عرفت زعلت وقالتلي ميصحش انك تنزل من البيت يوم الصباحية .
فريد _ أيوه علشان فاكرة أن جوازنا بجد وصباحية بجد !!
هند تضحك _
