العرافه الفصل السادس عشر
حتي دخلت اليه تغريد وسألته أنت صحيت أمتي
فريد أنا منمتش اصلا .
تغريد منمتش ليه مش كنت بتقول أنك تعبان وعايز تنام !!
فريد حاولت انام معرفتش تعالي نخرج شوية نتمشي حاسس أني زهقان .
تغريد فريد .
فريد نعم يا قلب فريد .
تغريد أنا عارفة انك مخبي عليا حاجة قولي بصراحة مخبي عليا ايه
فريد ولا اي حاجة أنتي ليه بتقولي كده !
فريد لا يا حبيبتي مش مخبي حاجة اسمحيلي بقي احساسك المرادي بيكدب عليكي .
تغريد براحتك يا فريد مادام مش عايز تقولي براحتك بس أنا مسيري هعرف .
فريد تعرفي ايه بس يا حبيبتي مفيش أي حاجة مخبيها عليكي .
تغريد براحتك يا فريد عايزنا نخرج ونروح فين
تغريد طيب قوم جهز نفسك وأنا نص ساعة وأكون جهزت .
مرت عدة أيام بعدها كان فريد يعيش حياته بشكل طبيعي كالمعتاد ولم يتغير في حياته الا انه أصبح كل يوم يمر علي شقة هند ليطمئن عليها وعلي الاولاد ولا يمكث عندهم سوي دقائق معدودة ويترك لهم بعض من نفقات المعيشة بجانب معاش أخيه المټوفي .
سمية نعم يا نينا .
الأم أنا فيه حاجة كده مخبياها عليكي وعايزة اقولهالك .
سمية حاجة !!! حاجة ايه يا نينا
الأم فريد أتجوز هند .
سمية اييييه !!!!!!! فريد أتجوز هند !!! أمتي وليه وأزاي
الأم هقولك وأحكيلك كل حاجة .
الأم هي دي حاجة فيها هزار !! طبعا بتكلم جد .
سمية أنا دماغي لفت وحاسة اني بحلم .
الأم ولا بتحلمي ولا حاجة هوه ده اللي حصل أنا اللي طلبت منه ومنها كده علشان ولاد شريف يتربوا وسطنا أحسن ما يتربوا مع راجل غريب .
سمية هي هند كانت عايزة تتجوز !!
الام لا الصراحة هي قالت أنها هتقعد تربي العيال ومش هتفكر في جواز ابدا لكن يا بنتي دي لسه صغيرة وحرام تفضل عايشة كده من غير راجل طول عمرها .
الأم أيوه هما كانوا رافضين في الأول لكن أنا أقنعتهم .
سمية فريد و هند أتجوزوا أنا مش قادرة أصدق !!!!
الأم مالك يا بت !! هما عملوا حاجة عيب ولا حرام ده جواز علي سنة الله ورسوله .
سمية أيوه يا ماما ولا عيب ولا حرام لكن حاجة محدش كان يتوقعها ابدا .
الأم أنا أهم حاجة عندي أن ولاد شريف مش يتبهدلوا بعد ابوهم .
سمية أيوه طبعا يا نينا لكن
الأم لكن ايه
