العوده
عند الطفله غدير وقولت لمسؤؤل التلاجه ياريت تطلب ليا قهوة ومجرد خروجه فتحت التلاجه وقولت ياريت تظهري أنا عرفت اللى تم بينك وبين سهي
غدير. ظهرت ل عمو عزيز وقولت له سهي رفضت تساعدنى إحنا هنفضل هنا ع طول أرجوك ساعدنا يا عمو
عزيز.
بصي أنا نفسي أساعدك لكن سهي اتخطبت ل ابن خالتي ولو عرفت إنى قادر اشوفك واكلمك أكيد هتشك فيا ووقتها ممكن تفشكل الخطوبه وابن خالتي يزعل منى ده غير ان سهي هترجع تانى تدور ع شغل علشان تقدر تصرف ع نفسها
إبن خالتي هيسافر بعد يومين القاهرة ووقتها هقدر أجيب سهي المستشفي بأي حجه وانتى اظهري لها ودخليها المغسله ع طول تسأل مامتك إيه رأيك في الحل ده
غدير
شكرا يا عمو ومتخافش أنا عمري ما هقول إنك بتشوفني وبتكلمني وأول ما أشوف ابله سهي هدخلها المغسله ع طول
والشاطر اللى يضحك فى الآخر
يتبع.....
عزيز
بعد ما خلصت كلام مع غدير قعدت ع المكتب منتظرمسؤول. التلاجه وشربت القهوة وخرجت ورجعت البيت
سهي.
اخدت شنطه وحطيت هدوم من اللي جبهالي أمير وشويه حاجات ل ماما وكل الادويه بتاعتها وطلعت ل جارتى اللى فوق واديتها رقم موبايلى وقولت لها في إى وقت يرجع عبدالله خليه يتصل عليا إحنا هنقعد كام يوم عند واحدة قريبتنا تعبانه شويه
أمير.
جبتي حاجتك كلها ولا هتحتاجي حاجه نشتريها بالمرة أنا مش عاوز يكون نقصك حاجه لحد ما أرجع تاني في الخطوبه
أميرة .
لو مكسوفه من أمير قوليلي أنا . اقف يا أمير عند ماركت ده هندخل أنا وسهي وانت استني عند الكاشير
وخدت سهي وجبت لها كريمات وبلسم وشامبو وكانت مكسوفه آوى وفرحانه في نفس الوقت وجبت طبعا شيكولاتات ومكسرات وماما كانت عاوزة حاجات للمطبخ وسيبت الحاجه ل أمير يحاسب وطلعنا إحنا قاعدنا في العربيه ولا كأننا نعرفه
كنت مبسوطة أوي أنا أول مرة أستخدم الحاجات دي كنت بشوف إعلاناتها في التليفزيون بس عمري ما تخيلت إنى ممكن استعملها وفضلت طول الطريق احمد ربنا واشكر فضله عليا
مش عارفة ليه فجأة افتكرت القطط ياتري هما فين وحشوني اوي
أمير
أهو القطط دول بالذات مقدرش امنعك عنهم وفى اى وقت تقدري تروحي الكشك تشوفيهم بس تبقي عرفيني وتقدري تروحى مع عزيز متتكسفيش منه ده أخويا وهيحافظ عليكي زيي وأكتر كمان
أميرة.. مجبناش السمك واوعي تنسي الجمبري
أمير.
ده أنا علشان خاطرك هجيب السمك وهخليكي تعمليه فى البيت أيه رأيك بقي
سهي. فضلت إضحك عليهم وهما عاملين زى توم وجيري مع بعض وفعلا أمير نفذ كلامه واشتري سمك كتير أنواع مختلفه وروحنا البيت وأول ما وصلنا
أمير. .
ماما جبتلك كميه سمك تعمل وليمه ويلا بقي عيشوا حياتكم كلكم فى المطبخ أنا داخل أوضتي أخلص التصميم ل عزيز قبل ما اسافر محتاج بس فنجان قهوة
سهي
إيه سينما ده انارشامنصورهعملك القهوة ونخلص الأكل بسرعه يلا يا ماما يا أميرة بسرعه ده فيها سينما أنا نفسي اروحها أوى
جدتى.
يلا يا بنات وأنا هساعدتكم يا مها هاتيلي حاجه السلطه وانتي يا أميرة نضفي السمك ع ما سهي تعمل القهوة ل أمير وتساعدك وام عبدالله ومها قطفوا الملوخيه
عزيز
وصلت البيت ولقيت كلهم فى المطبخ وقالولى أمير في اوضته
دخلت له إيه يابني النشاط اللى نزل عليهم بره ده
أمير. ..
أصل وعدتهم لو الغداء خلص فى الميعاد هوديهم السينماء
عزيز. ..
طب أنا هدخل انام شويه مش قادر لما الأكل يجهز صحيني
دخلت أوضتي وخدت شاور وجيت انام حسيت بوجود حد بس كملت نوم عادى ما أنا عارف إنى متراقب..
بعد شويه لقيت ضوء قوى فتحت عيني لقيت نورين
نورين
أنا عارفه إنك مش لوحدك بس مهما كان مين اللي حواليك مش هتقدر تستعيد قوتك إلا بينا إحنا خد الحبايه دى ابلعها هتحس ان قوتك رجعتلك من جديد واختفيت بس رقيبته لحد ما خدها
عزيز..
خدت الحبايه منها وبلعتها وفعلا حسيت ان الدوخه راحت وقوتى رجعتلي ياااااه أصعب حاجه الإحساس بالضعف.
بس ببص لقيت ميسان ظهرت قدامي واختفت وسمعت صوتها بتقول المغارة
فهمت أنها عوزانى بعيد عن العشيرة لأن المغارة دى مكانا المفضل ومحدش يعرف عنه حاجه ياتري في إيه تاني
تحولت ل عزازيل وطرت لهناك وأول ما وصلت عملت درع الحمايه بيحجب الصوت او إى تتبع لنا
ميسان.
عزازيل أنت عملت ايه ازاى قدرت تختفي وترجع لمدة دقيقة وانت في نفس مكانك من غير ما حد يقدريتبعك
عزيز..
فهمت أنها تقصد وقت ظهور نورين واضح انها قدرت تخفيني أنا كمان كل مرة بتأكد ان قدرتهم اعلي مننا
مافيش كنت بجرب إذا كنت أقدر اختفي عن الجن المسلم وقت ما أروح العشيرة ولا لآ وواضح إنى نجحت أعمل
