العوده
لتحصينها استأذنك
ذهبت إلي بيت عزيز وحصنت سهي من شياطين الأنس والجان
وبعد كدا روحت ل اوضه عزيز عرفت أنه فايق بس مجهد همست له وقولت
الحبوب معايا أنا عارفه إنك سامعني لو انتهيت من مقابله إبليس تقدر تاخدها لأن كل ما الوقت بيعدى انت بتضعف زيادة
عزيز.
لما كنت عند إبليس مكنش يعرف إني فايق ومقدرش يساعدنى وتركني بحالتي دون محاوله منه
فتحت كف أيدي وقولت بصوت يشبه الهمس اخفيني وفعلا لقيتها ظهرت واديتني حبايتين واول ما اخدتهم حسيت إنى قادر أتنفس وضربات قلبي بدأت تنتظم بعد ان كانت ضعيفه بصيت لها وقولتها شكرا انا كنت حاسس اني بمۏت
ونبهتني ان مينفعشي افوق دلوقتي ع طول لازم أصبر شويه وكأن مفعول حقنه الفيتامين جاب نتيجه
جدتى . يا أمير روح يابني صحي مها وأميرة وأنا هجهز الفطار وشوف عزيز لو يصحي يفطر ويكمل نوم
أمير .
صحيت ماما وأميرة وخبطت ع اوضه سهي وقولتلها صحي طنط لأن تيتا بتجهز الفطار
ودخلت ل عزيز وفضلت افوق فيه ولما ابتدي يفوق كان شكله كأنه لسه مفقش من النوم قولت له فوق يلا علشان تفطر واسلمك التصميم ع فكرة انا كلمت المكتب الهندسي وأول ما توافق ع التصميم هبعته لهم ع طول
من غير ما أشوف حاجه أنا واثق في شغلك وأنا كمان كلمت شركه أجهزة المانيه وهسافر انهاردة اعاين كل حاجه بنفسي
وهقعد كام يوم هناك ادلع نفسي شويه واهو سهي ومامتها مع جدتى وهسيب حمايه لهم هنا
أمير هتسافر إزاي بحالتك دى انت مش شايف شكلك
عزيز .
أنا اظاهر تعبت من اكله السمك بتاعه امبارح ومحتاج بس اكل واشرب شوب قهوة علشان افوق كنت شايف حراس العشيرة واقفين فى أركان أوضتي
وعملت نفسي بقوم بالعافيه وكأني دايخ وشكلي كدا هسيب الطب واشتغل ممثل
يتبع.
أمير.
خرجت من عند عزيز ولقيت ماما مع تيتا فى المطبخ قولت لها إيه رأيك يا ماما ان شاء الله اكتب الكتاب أول ما يوصل عبدالله أخو سهي
مها
كتب كتاب طب انت أخدت رأي امها يابني ولا انت بتقرر كدا من نفسك لازم يابني أهلها يوافقوا اوعى تفرض رايك عليهم لكن لو بتاخد رأيي أنا عوزاك تجوز انهاردة قبل بكره
سهي
خرجت أنا وماما من الاوضه ولقيت طنط مها بتحط الأطباق ع السفرة دخلت المطبخ اساعدها
عزيز.
أخدت شاور وخرجت من أوضتي وأنا عامل نفسي دايخ وقولت لهم جعان يا بشړ فين الفطار
أميرة.
أنا سامعه سيرة أكل اعملولى ساندوتش علشان أكمل نوم
اقعدى يا بت انتي هنا عاوزك فى كلمتين
بصي بقي من الآخر كدا أنتي أيه اللي مأخر جوازك عاوزين نفرح بكي ونجوز أمير بالمرة
أميرة. طب ليه الاستعجال ده
عزيز
اخوكى مستعجل يتجوز وفى نفس الوقت مينفعشي هو يتجوز وانتى تفضلي قاعدة عاوز اطمن عليكي يا أميرة زى ما اطمنت ان اخوكى أخيرا حب واستقر ولقي البنت اللي تشاركه حياته
أميرة
بصراحه الشقه ناقصها شويه حاجات وخطيبي عامل جمعيه ولسه هيقبضها ع آخر السنه بس أنا قايله للكل ان التأخير من عندى
عزيز.
بس كدا تجهيز الشقه هديه مني لاحلي أخت فى الدنيا وأيه رأيك بقي نعمل فرحك بعد خطوبه أمير ع طول يلا قومي بلغي خطيبك
خلينا نفرح
وكلهم أجمعوا علشان نفطر وفضلت أكل وقولت ل جدتى محتاج شوب قهوة عندى حاجات كتير اجهزها علشان مسافر بعد كام ساعه والبركة فى ام عبدالله وسهي مش هوصيكم ع جدتى
ولو فى إى حاجه اتصلي بأمير وهو هيبلغني
جدتى.
هتغيب كتير يا عزيز أنا متعودتش أنك تبعد عني يا حبيبي
عزيز.
أنا هشوف الأجهزة الرياضيه أتفق عليها وبالمرة كان فى بعض الآلات اللى محتاجها فى العمليات
كلها كام يوم بالكتير آوى أسبوع وهتلاقيني هنا وهوصي البواب يشوف كل طلباتك ولو تحبي اخلي حد من الأمن يوقف ع الباب ورديات صبح وليل علشان تكونوا مطمنين أيه رأيك
جدتى
لآ يابني مجبش لنا حد غريب افرض أحتاج حاجه مين اللى تخرج له أنا رشامنصور ولا خطيبه أخوك
هو كفايه البواب يشوف طلباتنا وخلاص وإن شاء الله ترجعلي بالسلامة بس أهم حاجه تاخد بالك من نفسك
عزيز.
دخلت أوضتي وجهزت شنطه صغيرة لأن المفروض قدام الكل إنى مسافر ولقيت الحراس واقفين قولت لهم بلغوا ميسان تجيلي في الحال واستغربت لما الحارس قالي ممنوع عليها الحضور
اتعصبت عليه وقولتله أنا اديتك أمر تنفذه وإلا هتعرض نفسك للمحاكمة غور من قدامى بلغها تحضر حالا
الأمير صرماط.
كنت قاعد أفكر فى حال إبني ولقيت الحارس. جالى وقالي ولي العهد طالب زوجته تحضر فى عالم الأنس ع الرغم أني بلغته أنها ممنوع من الحضور.
قولت له روح بلغها
