العوده
كبرتك وبقيتي عروسه أنتي بنتي أنا
عزيز..
صعبت عليا الست ام عبدالله بس أعمل إيه أهلها كانوا عوزينها تعرف الحقيقه وبصيت ل سهي وهى مڼهارة وقولتلها ليه متقوليش ان ربنا بيحبك وكرمك ب ست حنينه اعتبرتك بنتها وبدل ما كان لكي إم واحدة ربنا رزقك ب اتنين
وبدل ما تزعلي منها المفروض تشكريها تخيلي لو كنتى فضلتي فى العربيه كان إيه حصلك ولا كان حد مش كويس اخدك
حقيقي كتر خيرك وفعلا سهي نعم العوض ولولا ان ربنا بيحبك مكنش رزقك ب بنت زيها ولا إيه يا سهي
سهي.
كنت قاعدة مصډومة ومش مستوعبه الكلام حاسه إنى فى إى لحظه افوق والاقي كل ده كابوس فضلت ساكته منتظرة اللحظه اللى اصحي فيها لحد ما لقيت القطة تحولت لست المفروض أنها أمي وقالت ليا
إحنا يابنتي أرواحنا كانت متعلقه حوالين المكان كنا عاوزين نطمن عليكي ودلوقتي بعد ما نسلمك ل عريسك نقدرنرتاح خلاص والست ام عبدالله جميلها ع رأسي أوعى تزعلي دى أمك يا سهيله
وإحنا متأكدين أنك هتكونى بخير بأذن الله مع عريسك وعزيز أكيد هيخلي بالوا منك
بس مش عارفه هى كأنها شفافه مش زينا كدا
عزيز.
وبعدين يا جماعه هى اتقلبت نكد ليه كدا ده إحنا داخلين ع أفراح ولا إيه يا عروسه
الطفله.
يا سهي أنا عاوزة أمسك لكي الطرحه بس خليها طويله علشان أنا صغننه
عزيز.
طب إيه ما تشوفي عبدالله عاوزين نفرح ما تسمعينا زغروطه يا ست أم عبدالله كدا خلونا نعيش اجواء الفرح ونستعد
ويلا بلاش قاعدة المستشفي دى تعالوا لما اوصلكم البيت وع فكرة يا سهي عبدالله ميعرفش حاجه عن الموضوع ده والأفضل أنه يفضل مش عارف أحسن أمير بيغيير من خياله أنا مثبته بالعافيه
يا نهار أبيض ربنا يستر كنت بضحك بس من جوايا كنت عامله زى اللى واخده خبطه ع دماغها حاسه بۏجع وتعب ودوخه وقومت من ع السرير وأنا حاسه إنى هقع من طولي
عزيز.
كنت حاسس بۏجعها قولت جوايا يا نورين عندك حل لقيتها ظهرت بس محدش شايفها غيرى انارشامنصور وأهل سهي بس وبصت ل سهي وحطت ايدها ع قلبها وغمضت عنيها لحظات وبعدها فتحت وشالت ايدها وبصت ليا وهزت لنا رأسها واختفت ولقيت بعدها سهي بدأت تتكلم عادى وتهرج مع ام عبدالله وأهلها واخدتهم فى العربيه علشان اوصلهم وبصراحه كنت مبسوط بكل حاجه حصلت من اول اليوم وطول الطريق عمال كل شويه أنزل واجيب لهم حلويات واكل وفاكهه ووصلتهم البيت وقولت ل إم عبدالله هعرف نتيجه التحاليل وهجيبلك العلاج وهجيلك بكره ان شاء الله
ودخلت سهي وام عبدالله وأهلها البيت وأنا كمان هروح أشوف أبي اخباره إيه أكيد قاعد ع ڼار. منتظر موافقه أمي
الأمير صرماط.
كنت قاعد قلقان خاېف نهي متوافقش طب وقتها مش هينفع أعيش معاهم ولأول مرة فى حياتي أقول يارب توافق صعب عليا أعيش من غيرهم
ميسان. .
أول ما نورين طلبت مني أحكي كل حاجه ل طنط نهي طرت فى الحال والغريب إنى بقيت أسرع من الأول ووصلت فى أقل من ثانيه وكنت عند طنط نهي وكانت قاعدة مع تيتا وطنط مها والأولاد ولقيت أميرة معاهم قولت لها عوزاكى لحظه
تيتا.
فى ايه ما تقولي قدامنا ولا ناويين تخبوا عليا تانى انطقي بدل ما اقوملك ولسه همسك الشبشب
ميسان.
لأ لا من غير ضړب كل الحكايه ان طنط نهي جالها عريس ولو وافقت هتقدر تعيش فى عالم الانس ع طول
نهي.
فهمت طبعا ميسان تقصد إيه وكنت مبسوطة لأن معني كلامها أن عزيز بخير وأن صرماط كمان ساب عشيرته وأسلم
وبصيت ل مرات عمي عارفه ان حاجه زى دى تزعلها
مرات عمي.
ع عيني يابنتي تتجوزى حد غير ابني لكن بعد اللى عمله معاكي أنا اللى بقولك اتجوزى وعيشي معانا وكفايه عليا أنك أنتي واحفادى تكونوا حواليا أنا معنديش إستعداد أعيش لوحدى تانى وانتوا بعيد عني افرحي يابنتي وخلينا نفرح كلنا بوجودك معانا
نهي
حضنتها وقولت
