قصه ارض الهلاك من الجزء الاول الى التاسع بقلم رشا منصور
واهداه النسر ضرغام يكون عليه حارس آمين واللى له مميزات لآ يعلمها غير نجم الدين
ويعيش عفان فى وسط بستان يزرعه زعفران وبعض الأزهار اللي تفيد فى علم الاسحار
قمرالزمان
اتعصبت من نجم الدين كل ما أمسك زجاجه من العطور يقولى الأكل أهم واشتري بعض الأعشاب بيقول أنها علاج فاكر نفسه طبيب ووافق بس ع شراء بعض الملابس البسيطه وكثير من الماء
لقيت لون عين نجم الدين بتتحول وفضل ثابت ومش بيتكلم وهنا شاورلي حمدان اقف ساكته بدون كلام وبعد لحظات رجع نجم الدين إلى شكله الطبيعي وقال السفن الحړبية فى خلال ساعات قليله هتوصل أرض النعمان يلا بسرعه نرجع السفينه
وفضلنا نأدف بسرعه كبيرة وطلعنا السفينه ونزل الشراع وبدؤا بالحركه وأنا ذادت عندى الحيرة
لما قربت من المركب وابتدت الرجاله تحمل البضاعه ضرغام خلاني شوفت بعينه سفن الحړبية اللى عليها شعار الجزيرة وشوفت هناك سرحان وأكيد طبعا معاه رسلان علشان كدا طلعنا بسرعه بالسفينه وهربنا اوام وطلعت فى اتجاه أرض الضباب ودى صعب تلاقي فيها سفينه لصعوبه الرؤيه فيها
لكن بالنسبه ليا سهل ابحر فيها بفضل عيون ضرغام
طلبت منهم يفضلوا فى السفينه أنا مش هاخد معايا غير ضرغام بس لكن هما خافوا من الضباب والعسكر وصمموا ينزلوا معايا حتى الأميرة قمرالزمان
ما كنا فضلنا فى السفينه وأول ما يلاقي رسلان الضباب كان هيرجع فى الحال ونرجع إحنا كمان انت مش خاېف علينا ولا أنت بتفكر فى إيه
نجم الدين.
طلبت منكم تفضلوا فى السفينه أنا نزلت اجيب زهور الثعبان بيحتاجها عمي عفان فى شغله ومدام جيت هنا فكرت اجيبها له واعملها مفاجأة علشانه وابتديت اعدى بين الأشجار وكنا بنسمع أصوات حركة بين الأغصان وفضلنا نبص فى كل مكان لحد ما شوفت من بعيد زهور الثعبان جريت علشان اخدها ونرجع للسفينه اوام وبعد ما حضرتها ولسه هرجع لهم لقيت قدامى ظهر غربان كتير والكل خاف وثبت فى المكان
تبقي خالة ياسمين بنت عمي عفان بصيت للغربان وقولت عاوزين نرحل بأمان ولقيت بعدها الغربان طارت وتشكلت فى هيئة واحدة ست وقالت أخرج من هنا فى الحال قبل ما تبلعك الاشجار وبدأ الشجر يتحرك من حوالينا وابتدينا نجري والغربان تدلينا ع السكه
قمرالزمان.
أنا عاوزة اعرف مين نجم الدين ده يطلع إيه بيتنفس تحت البحر وبيشوف بعيون النسر ودلوقتي وقف قدام الغربان واللى ساعدتنا تخرج بأمان أكيد هيطلع ساحر ولا واحد من الجان
وطلعنا السفينه وقال لنا نجم الدين نبات هنا وع الصباح يكون رسلان غادر ارض النعمان ونرجع احنا كمان وفجأة حسينا بحركه فى البحر وابتدت السفينه تتهز وببص لقيت اخطبوط عملاق وسمعت صوت البحارة بيقولوا ده الاخطبوط الأزرق
ونجم الدين صړخ بأعلي صوت وقالي انزلى الحجرة متطلعيش منها ونزلت بالعافيه بسبب حركه السفينه رايحه وجايه
وخاېفه من الاخطبوط اللي لف رجاليه حوالين السفينة وسمعت صړاخ البحارة وواحد منهم بيقول إحنا خلاص ھنموت.
يا خسارتك يا قمرالزمان هتلاقيها من رسلان ولا من الاخطبوط العملاق
نجم الدين.
ظهر الأخطبوط العملاق وبدأ يهز السفينه والبحارة تقع فوق بعض وسمعت صوت سفروت وبيقولى هحاول أشد السفينه بس حاول تشتت تركيزه وتخليه معاك
طلعت سيفي وابتديت فى رجل الأخطبوط وقولت للبحارة يحاولوا يربطوا دراعه بالحبال ويكتفوا لكن حجمه العملاق خلي كل محاولاتهم محاله وفضل فينا وبسبب حركة السفينه مكناش قادرين نقف ثابتين ورغم طعني فيه إلا إني مقدرتش اصيبه وطلعت ع اعلي حته فى السفينه يمكن اقدر أتمكن منه لكن ضړبني بدراعه ووقعني ع السطح ولقيت السفينه هتبدأ تتكسر بينا وتتمايل شمال ويمين والشراع هيقع مبقاش قدامى غير حل واحد قولت لكل البحارة انزلوا تحت فى الكبينه بسرعه
و نزلت تحت البحر وناديت ع اى حد من الجان المائي يساعدنى وفجأة لقيت الاخطبوط قدامى نزل ليا تحت الميه
وجيت اعوم بدأ يلف حواليا ويكتفني بدراعه العملاق وبدأ سفروت يستنجد ويبعت استغاثه للحيتان وحسيت ان عضمني بيكسر
وفجأة سمعت اصوات الجان فى كل مكان وبدأ الاخطبوط يتلفت فى كل
إتجاه والجان يلف من حواليه
وظهرت قدامى صابرينا صديقتي جت ومعاها أصحابها وابتدوا عرايس البحار يغنوا بأصواتهم اللى تسحر الأذهان وبدأ الاخطبوط يدوخ وشدتني صابرينا منه وطلعتني اخدت نفسي فوق سطح الميه ونزلنا تاني ولقيت عرايس البحر قدروا يدوخوا وأخدوا الاخطبوط العملاق
