العرافه الفصل الرابع والعشرون بقلم عادل عبدالله

بنت اختي ويتجوز عليها يبقي الخير الوحيد أن كل حد منهم يروح لحاله .
أحمد يا استاذ توفيق دي ظروف عائلية هي االي أجبرته علي الجواز ده يعني مش بارادته ولا بأختياره .
توفيق مفيش حاجة أسمها مش بأرادته .
فريد يعني حضرتك كنت عايزني ارمي ولاد اخويا بعد مۏته في الشارع 
هنا تدخل عليهم تغريد وامها وتقاطعه تغريد يعني علشان مش عايز ترمي ولاد اخوك في الشارع تقوم تتجوز مراته !! 
فريد بعصبية أنا قولتلك أننا اتفقنا نتجوز جواز صوري بس قدام الناس وانتي رفضتي حتي تسمعيني أو تناقشيني !!
تغريد ولزمته ايه الجواز لما هو جواز صوري 
فريد علشان اقدر أشوف الولاد واطمن عليهم في اي وقت من غير ما يكون فيه شبهات و من ناحية تانية علشان احميها من طمع اي حد فيها لما الناس تعرف أنها متجوزة .
تغريد أحميها يا حبيبي احميها براحتك بس بعيد عني انا .
فريد يعني ايه 
تغريد كلامي مفهوم يعني أحميها وكمل معاها علي راحتك لكن طلقني أنا .
فريد لكن أنا بحبك وانتي عارفة كدة كويس و مش عايز اطلقك !!
تغريد كان زمان خلاص كل اللي بينا أنتهي والحمد لله ان مفيش بينا اطفال علشان مش نخاف علي مستقبلهم من عواقب الطلاق .
فريد ده أخر كلام عندك 
أحمد المحامي مقاطعا استهدوا بالله يا جماعة نهدا ونتكلم بهدوء بدل العصبية دي .
نظرت تغريد بتحدي أنا قراري النهائي هو الطلاق .
فريد للدرجادي بعتيني لدرجة انك ترفعي عليا قضية في المحكمة 
تغريد أنت اللي بيعت الأول وزي ما أنت أخدت قرارك واتجوزت أنا كمان اخدت قراري أني انهي حياتي معاك .
فريد وانا كان اخر حاجة ممكن افكر فيها هو أننا ننفصل لكن مادام أنتي مصممة يبقي براحتك .
ألمحامي أحنا كنا جايين وغرضنا الصلح لكن مادام مدام تغريد مصممة يبقي نتفاوض علي الطلاق .
خالها توفيق مفيش حاجة محتاجة كلام أنت هتديها كل حقوقها .
المحامي اللي هيه ايه 
خالها انت سيد العارفين يا استاذ احمد يعني عفشها ومؤخر الصداق ونفقة المتعة .
المحامي الحاجات دي علشان تاخدوها بالمحكمة هتاخد منكم سنين وهتصرفوا أكتر من اللي هتاخدوه أحنا دلوقتي عايزين نتفاوض علشان نقلل الخساير في الطرفين .
خالها قصدك ايه 
المحامي قصدي مادام استاذة تغريد هي اللي قررت الطلاق يبقي تتنازل عن مؤخر الصداق ونفقة المتعة .
تغريد مقاطعة أنا مش هتنازل عن أي حاجة أبدا .
المحامي لكن التفاوض مش بيبقي بالشكل ده !! لازم كل طرف يتنازل عن حاجة في سبيل اننا منوصلش للمحاكم .
خالها يا استاذ احمد أحنا هناخد حقها بالكامل ومش هنتنازل عن حاجة .
المحامي يبقي كلامنا دلوقتي ملوش لزوم واللي يفصل بينا المحاكم .
قام فريد وصديقه احمد المحامي وأنصرفوا وهم يتوعدونها