قصه مشوقه

فجأه وفى وسط الشارع لقيت اللى بيجرنى من ذراعى
حيلك حيلك أنت بتجرني وراك كأني حيوان كدا ليه وبتعلي صوتك عليا! 
وأضربك كمان لو محترمتيش نفسك.
أنت سامع أنت بتقول إيه
أيوة معندناش ستات تقول للرجالة لا.
وأنت بتقول رأيك ليه
سخونة واحمرار شديد رفعت عيني حواليا لقيت الناس بتبص بشفقة ولقيته بيبصلي باستهزاء.
عيني احمرت من الڠضب مترددتش لحظة إني أرفع إيدي وأنزل بيها على وشه.
ابتسمت وأنا شايفه ملامح الصدمة على وشه وقولتله القلم دا أنا ردتهولك عشان أنا محدش مد إيده علي.
قلعت الدبلة وحطيتها قدامه أما دبلتك دي ف اشبع بيها لأني مش هرتبط ب أشباه رجال.

مشيت ومبصيتش ورايا ميستاهلش إني أبص ورايا من الأساس أنا عارفة اني غلطت ف طريقتي معاه بس مكنش هيبعد عني غير كده.
الغلط علي من الأول عشان كنت سايباه يعمل كل حاجة هو عايزها كان بيتحكم فيا والأغرب إني كنت مبسوطة من دا! 
أي علاقة بين اتنين لازم تقوم على أساس احترام متبادل أسس في التعامل مناقشة والحب بيجي بعدين إنما دا! معندوش مبادئ التعامل دي!
رجعت البيت وأنا حاسة ب هم كبير اتشال من على قلبي! عدلت البيت وعملت الأكل واستنيت بابا يجي عشان ناكل سوا.
بابا رجع وبعد الأكل حكيتله كل اللي حصل وكان بيراقب تعابير وشي اللي بتتغير من الهدوء للانفعال وبيسمعني بصمت.
أنا معنديش مشكلة انك تسيبي خطيبك ولا أنك تبعدي عنه.
ابتسمت وبعدين ملامحي اتحولت لدهشة بعد ما قالي بس مكانش بالطريقة اللي تقلل منك دي!
يا بابا أنا خدت حقي إنت علمتني ادافع عن نفسي وأنا عملت دا!
إنت تعرفي بعد القلم اللي أنت ضربتيهوله كان ممكن يعمل فيك إيه! وهو انسان رجعي ومبيتفاهمش 
النهايات أخلاق وهو لو معندوش أخلاق خلاص! ربنا بعده عنك أنت اتضايقتي من طريقته دي صح 
هزيت راسي ب آه ف كمل تقومي تتعاملي بنفس الطريقة الھمجية بتاعته
الإنسان لازم يعمل حساب للنتايج اللي ممكن تحصل بعد كده مينفعش نفكر فاللي إحنا عايزينه دلوقتي وبس! 
ألف علاقة تفشل ولا