قصه مشوقه

اللي قبلها 
طلبت من بابا إني أقعد معاه مرة تانية عشان أحددله كذا حاجة..
أولهم
مينفعش إني أقبل بواحد مش بيصلي دي أساسيات مفيش نقاش فيها.
يعني مينفعش أقول أنا هغيره الواحد لو مش هيتغير من نفسه مش هيتغير.
ثانيا
شريك حياتي يعني هيقاسمني كل حاجة طبيعي نختلف ف حاجات كتير بس طالما بينا تفاهم وأساسيات الفكر واحدة يبقى خلاص!

مش عايزة الحب دلوقتي الحب بيجي لما بنتعامل سوا لو بينا مودة ورحمة واحترام الحب بيتولد لوحده.
ثالثا
الراجل اللي إيده سابقة دماغه دا راجل لا يؤتمن يعني على أقل غلطة ألاقي نفسي بټضرب وصوته بيعلى من غير سبب يبقى بلاش منه
رابعا
بيحترمني قدام أهله ومش بيقلل مني قدامهم دي حاجة ملزم بيها مش كرم منه علي.
خامسا ودي الأهم
لو مش بيغير على أهل بيته يكون دي وث 
يعني إيه يعني عادي تخرجي بأي شكل دا ابن عمي أو دا اخويا يبنتي أنت مكسوفة من إيه دا عادي!
اللي يعمل كدا لا يحتسب من ضمن الرجال أصلا.
اتكلمت معاه ف الأساسيات دي وكان موافقني أغلب كلامي أنا مرتاحة نسبيا لكن أنا لسه معرفوش كويس.
قطع سيل أفكاري بابا لما دخل ولقيته بيقوله
إسمع عارف أنا وافقت على جوازك من مين 
من أغلى واحدة عندي في الدنيا أنا سلمتك جزء مني.
من قبل ما تكمل كلامك يا عمي رؤى في عينيا.
_
يعني خلاص هنلبس فساتين
وهتبقى صاحبتك عروسة يا ست!
لقيت عيونها دمعت وحضنتني وهي بتقول كبرتي يا رؤى كبرتي وواحد هييجي ياخدك مني!
مش كنت عايزة تخلصي مني يا بنت!
حضنتني أكتر وعيطت خلاص يا رؤى أنا برجع في كلامي مش عايزة حد ياخدك مني!
عيطت معاها خلاص يا ياسمين والله اقول لبابا يلغي كتب الكتاب ونعمل 3 سنين خطوبة ولا حاجة عشان مبعدش عنك.
كتب كتاب!
هو اتفق على بابا يعمل كتب كتاب بعد شهرين والفرح بعد ست شهور.
لقيتها مسحت دموعها وقامت طب قومي بسرعه مفيش وقت.
وقت إيه أنت مش كنت لسه بټعيطي
مفيش وقت للعياط دلوقتي لسه قدامنا موضوع