قصه كامله مشوقه
وقلت لها تحبي اذكرك به
جرت ادست بي حيطه الغرفه وظهرت وشها ضحكت وقالت والله مرتك دي انا بحرشها تدس منك اااي قاش
الشبشب موجود
لولحت رقبته وقالت بندسو برضو نزلت مرقت الشبشب ورفعته لقيتها مافي وسامع صوته في غرفته ااااي يامروه
ضحكته ونزلت الشبشب لبسته واتلفت خالتي انتصار تعاين لي
اممممم النظره دي معناها شنو
في شنو ياخالتي مالك اسي بس
امشي يامحمد امشي من قدامي ضحكته ومرقته لاقيت دنيا جايه عليهم وقفته سلمت لها ومسكته يدها قوووي وبتكلم
الكلام الحفظك له اخوك عشان تقولي لي هناء دا لو تاني عيدتيه قدامها او قدام ااي مخلوق ودعي اخوك علي السچن وانتي حتقعدي بدون راجل وانا الحااكلم الحراميه علي بيتكم الحله دي مافي زول بسالكم فيها عشان نحن ماسكنهم لكن وحات العظيم الله يا دنيا تحاولي تفتني بيني وبين اخواتي شهر وبيتكم حنااجرو للناس بالمجان وانتي سمعتي شيخ برعي بالنسبه لاخوك صح
تنسيه فاهمه انسيه انسي انك سمعتي شي فكيت يدها وماشي اتلفت عليها وقلت اااا بالمناسبه تقطعي علاقتك مع اخواتي مااشوفك معاهن
واقف منتظر المواصلات جات تغريد وقفت منتظراك من قبيل اتاخرته مالك
تغريد انتي ماعندك كرامه انا كم مره قلت لك ماتنتظريني ماتقيفي معاي ماتسلمي لي زاتو
اكرهيني عليك الله انا ماداير زول احبني اكرهيني عشان ماتكرهي نفسك
الحب دا مابيدنا انا لو بيدي ارميك برا قلبي كان رميتك بس اعمل شنو مجرد اشوفك بنسي الزعل مجرد تضحك حتي لو لغيري بنسي اي شي
سكته بعاين لها
شايفني مجنونه صح
انتي بتحبيني لشنو يا تغريد انا عملته شنو خلاك تحبيني
عاينته لها بفكر وقلت تغريد
بتحبيني لاي درجه
اقسي حد الحد البخليني مستعده اقدم حياتي قصاد حياتك
مستعده تتحجبي وتبعدي عن تصرفات اخواتك عشاني
وقفت وعيونه لمعت وقالت تقصد شنو
ابوك بعد المغرب قاعد صاح
فتحت خشمها وشهقت جات ركشه وقفتها ضړبته في خدها وقلت اركبي الركشه جات
انت بتعمل شنو يامحمد دا جنون البتعملو دا
دا انسب حل عشان ابطل تفكير فيها تغريد بتحبني وحتنسيني لها انت ماشفته دموعه وهي مفتكره انه كلام دنيا صح واني برفض العرسان عشان انا بحبها دي مجرد تفكير خلاها تبكي وتحس اني مستقل انها وحيده انا صغرت في نظر نفسي واستحقرت نفسي بسبب نظرته دي
اخدته نفس طويل ظبطته لبسي عاينته له وقلت احمد خلاص ماتزيدها علي ياصحبي انا كويس
مسك يدي وقال لو شايف عيونك وكميه الحزن الفيهم حتعرف انك ماكويس
ربته علي كتفه وقلت حاابقي كويس
هناء كانت قدام وتزغرد مروه ماعاجبه الموضوع وبتمثل الفرحه خالتي انتصار رفضت تمشي معانا اتحججت بي انه عندها مغص
كانو مشغلين جهاز اغاني ود اوبا وارقصن وازغردن تغريد التزمت بالحجاب همست لي في اضاني اشتريت هاد باند
دا شنو دا
اشرت علي راسها بي مصبعه وقالت دا شايفه حق المحجبات
اممم طوالي كدا افتكرته حااخد زمن حتي اقدر اقنعك
انا اساسا ما زي ناس تقوي لاني عارفاك مابتعجبك البت المتحرره فكنت بحاول الفت نظرك بي الكم خصله ديل
بتمني وماابقي كلام بس
لا اطمن انا مامستعده اخسرك بعد ما ربنا قسمك لي
بتحبيني للدرجه دي
اكتر من كدا وحياتك
احلفي بالله ما تحلفي بي حياتي
حااضر
جات مروه كرتني وهي بتضحك محمد تعال ارقص معانا الونسه معاها ملحوقه تغريد جات وقفت وتصفق كنت بعرض مع احمد في الساحه بالعكاكيز جات هناء داخله معانا ااااابشر مسكت العكاز وقالت دا حقنا نحن الشكريه زحت بعيد واشرت بالعكاز علي نظام تحدي رفعت العكاز تجاها وبدينا عرضي انزل تحت تنزل معاي بالرقبه اااااي بالرقبه
كانت مبسوطه اكتر من تغريد وهي بترقص عيونه بتلمع وغمازته يتحفرو علي وجناته
راجعين بي رجولنا هناء زحت احمد مني ولزتو علي مروه
دا شنو دا دايره اتلصق في اختي قدامي
متزاعلين خليهم يتصالحو
متزاعلين مالهم
رفعت اكتافه وقالت الحب يا محمد بخليك تزعل بدون سبب
بقيتي تفهمي في الحب
ضحكت وقالت بفضل رواياتك
قريتي كم واحده للان
اممم عاينت لي مصابعه وقالت واحد واتنين قاريه اربعه فضل لي اتنين من الشلتهم منك
انا اشتري وناس تقرا
ضحكت وقالت انت ماعندك موضوع انا بقراهم عدم موضوع وبهرب بهم من المذاكره
ماعندك. ذوق ولا احساس بسس انا اشتريتهم سلسله سلسله وبخلص في يومين السلسله
ضړبتني علي كتفي وقالت لو قاري ديل كلهم معناها تغريد حظها حتشبع حب
احترمي نفسك ولا عشان بضحك لك
كشرت وشها ومشت علي مروة واحمد وقالت مايهظرو معاك بسسس
بقت ماشي معاهم تضحك وتتونس معاهم بعاين فيها وسرحان الدخلك قلبي يمرقك يا هناء
دخلته غرفتي مضايق وماقادر اجر نفسي تغريد اتصلت بي عملته صايلنت ورقدته علي الحيطه عاينته للروايات مشيت علي رفهم نزلتهم وقلت انتو اول حاجه بتذكرني بها وانا داير انساها دخلتهم في خزنه في الدولاب وطبلتهم عشان مااشوفهم
جلابيه العيد فيها ريحته محتفظ بها ماخليتهم يغسلوها مسكته دخلته في كيس ومع الروايات
رجعته رقدته اشتت افكاري بي مواضيع تافهه ومواضيع الجامعه لحدي نومته
صحيت بدعك في عيوني امي جابت لي يونسون مشروبي لمن اكون مضايق
تسلمي يا امي عرفتيني كيف محتاج له
قلب الام يا حبيبي. مارقه مسكته يدها امي مالك انتي مش كنتي دايره كدا ربتت علي يدي وقالت ربنا اسعدك
اسمع صوت الحجاره في شجرة الجوافه امي ضحكت وقالت اها ابدو اتشاكلو
رفعت كبايه اليانسون وقلت لا خليها زي ماقلتي الواحد بلقط الاجر
عقدت حواجبه عاينت لي ومرقت شربته اليانسون ومرقته استحميت ولبسته وهي لسه تجدع
مارق علي الجامعه وقفته بعاين هي بتجدع من قبيل لشنو كانت في جوافيه بعيده كبيره ومصفره رفعت حجر ضړبته ومشيت معاي تغريد الفرحانه بالخطوبه
مرت الايام متجنب هناء حتي في المذاكره. لي امتحاناتهم ماكنت بذاكر لها خليت احمد معاها وانا مع مروهاحمد ثبت لهم في تلفوناتهم فيسبوك عشان قروبات الامتحانات
والله يااحمد الموضوع ماعاجبني
محمد حيستفيدو صدقني وماتخاف معلومات الحساب حتكون معاي ااي شخشخه حااقفلو
خلاص يا احمد انشاءالله يشلبوها منك بي الماسنجر
يشلبو منو اااااه وين حااخليهم براحتهم منو اساسا
طيب جايب لي المړض مالك بسببك كل مااشوفهم ماسكات التلفون حاامشي عليهم اراقب انا حاليا مطمن
خلي عندك ثقه فيهم والله مافي زيهم
عارف مافي زيهم بس اولاد الحرا م ماخلو لي اولاد الحلال مكان
اطمن وخلي بالك مرتاح واحده حتبقي مرتي يعني شرفي والتانيه اااااا
ضړبته وقلت لسانك بقي طويل لو ملاحظ
ضحك وقال اختي ماداير اقول شي
خلصو امتحانات
وبقينا في تخريجنا انا وتغريد
يوم الحنه
