قصه كامله مشوقه

يجي اسوقنا وتاني الحله دي ماحندخلها ولا حتي عشان اقرا الفاتحه لي ابو هناء وماعندي غير حسبي الله ونعم الوكيل فيكم حق اليتيمه يظهر في كل واحد كان السبب ماسكه شنطه وحاضنه هناء ختت مفتاح البيت لامي وقالت لها اجريه. صدقه علي روح ابو هناء
داير امسك الشنطه وبقول خالتي دا شنو البتعملي دا حمرت لي وقالت انت اخر واحد ممكن اسمح له يدخل
ماتهربي عشان ماتاكدي كلامهم خليني اثبت براءتها
وتحميها مش زي ماوعدتني زمان تحميها وشوف الوصلت له بتي بسبب جبنك بسبب انك ماقادر تفتح خشمك ابعد يا ود نعمات انا مابنتظر لحدي اخسر بتي بسبب واحد جبان 

كلامه وقع علي زي الصاعقه رغم قسوته بس كل صاح انا ماقدرته احميها وخليتهم ينهشو لحمها 
انا ما دايره جامعه بدون هناء يامحمد
كيف يعني حتخلي الجامعه عشان هناء مشت
ايواه مادايره ولا دايره الفريق دا انا بعد اذنك حنتم عرسنا واسافر مع احمد
دايره العرس يعني
قعدت وبقت تبكي وتتكلم
انا دايره ابعد عن ااي حاجه بتذكرني بي هناء والحصل معاها بسببنا لا انت قدرته تحميها لا انا قدرته انا كمان صحبتها بسببي زمان مشت لي ماذن الحلبي وقالت عشان اختي بعمل اي حاجه وانا مااعتبرتها اختي خليتهم يضيعوها ويضيعو حلمها في الدراسه لها سته شهور من مشت وانا لا قادره انوم لا قادره اسامح نفسي وكل ذكرياته محاوطاني شجرة الجوافه البتحبها شايفه بقت غزيره ومليانه كيف بيتهم البقي مافيه حس غرفتنا الكانت بتستلمها مسوحي الكانت بتقسمو معاي لبسنا الاشترناهو سوا انا ماعندي صحبه غيرها هي صحبتي واختي انا درسته مختبرات عشانه انا ماعندي حلم دا حلمها هي خليني ابعد يمكن ضميري ارتاح
للدرجه دي تعبانه
انت قادر تسامح نفسك
انا مامن حقي اسامح نفسي عشان انا كنت سبب كل الحصل لها ولكم بس انتي ماتشيلني ذنبك وتضيعي دراستك كمان
قلت لك دا حلمها هي قلنا نحققه سوا
ضميته علي وقلت اهدي خلاص تمي السمستر دا ونشوف
لا مادايره انا تاني مامشي الجامعه دي والله
انت موافق علي كلامه دا يعني
ايواه موافق لانه مروة تعبانه پتبكي صباح ومساء الافضل اسوقها معاي انت بقيت ماواعي للحوليك يامحمد اخواتك ماكويسات من يوم هناء وخالتي مشو امك ماتمام انت بقيت حابس نفسك في الغرفه وماجايب خبر للبحصل حولك شوف شعرك بقي طويل كيف شوف دقنك بقت كيف 
انا تعبان يااحمد تعبان ياجماعه شعر شنو وحمام شنو الببتكلمو فيه انتو وامي انا مابس اذيتها لي هناء انا مسكته قلبي وقطعتو حتت صغار ورميتو قبل تكون البت البحبها هي كانت في حمايتي كان مفروض احميها امنع عنها الاذي بس زي ماقال تميم انا وليها كنت سبب انه سيرته علي كل لسان فتحيه وبناته ماغلطو انا الغلطه في حقها انا الخليت الناس تصدق الاتقال بسبب تصرفاتي 
يعني حتعديها كدا مسجون بين اربعه حيطان
ولو لقيت طريقه اوقف الاوكسجين من الغرفه حااعملها
بس كدا غلط البتعملو دا باذيك تغريد عايشه حياته بالطول والعرض وهناء في مكان ما عايشه واحتمال تكون اتزوجت وبتحب راجله ومامتذكراك هناء كل البشوفها بحبها وسته شهور كفايه انها تتزوج انت الوحيد الضايع
هناء بتحبني يا احمد 
مستحيل هناء شايفك اخوها
هناء بتحبني ودا الواجعني ماقالتها بي خشمها قالتها بي عيونه 
قالت لك شنو. وكيف سمحته لها تمشي بعد عرفته
بعد جيت من السفر عاينت جوا عيوني وقالت لي القلب مابحب اتنين. وانه بعادي كان قاسې عليها
ولشنو سكته
كنت مع مرض امي ومالقيت طريقه تاني يوم طوالي حصل الحصل انا كنت جبان ياريتني صارحته ياريت يوم قالت لي ارجع ماتمشي رجعته وقلت لها اني ب.....
لسه خجلان تقولها
لاني مابستحق احس الشعور دا انا جبان اجبن من اني انطقها
حتي لو حبتك بعد الحصل وحلفان امها اكيد نستك
حتي لو نستني انا ماعشمان فيها وعشان كدا ماعندي رغبه اواصل حياتي لو ماامي كان اتمنيت ودعيت انه لحدي هنا وعمري ينتهي.
الجمعه طوالي عملنا عرس مروه واحمد وسافرو دبي مكان امجد هناك مجهز لي احمد شغل من بدري كان منتظر اتخرج 
وصلتهم المطار ورجعته الحي قعدته في الحجر شعري كتيير بدا انزل في وشي ودقني طويل ومبشتن وشنبي كتير لابس جلابيه غبشه امي مرقته من جسمي كوته لي بعد تحنيس 
جات تقوي مارقه مادا كرشها قالو من تميم وناس قالو صلاح صاحب اختها وكلام كتير ما ركزته معاهم لاني ماشايفهم غلطو انا السبب انا البدل اواجه هربته خليت هناء وكانه الهروب بحل المشاكل 
تغريد خطبها واحد من زملاءناكل يوم مشاكل وادقها في الشارع برضو ماركزته معاها تباريح هربت مع واحد امها رفضته شالت ملابسه ومشت.
سرحان بعاين في الحي 
ياحليل ايام زمان هناء تطلع اكورك فيها ارجعها مروة تتاوق عشان تتاكد مافي اولاد برا يرسلو مودة عشان تناديني اهرشها وامشي وراها عمران اجي احكي لينا عن البنات الثبتهم ماذن اجي بالموتر لابس شبشب مع رجوله البيض والترينق القصير اوقف الموتر واشغلها لينا شيوخ الدفعه 
احمد الماكان صحبي اجي اقعد اسمعنا ومااتكلم الا ماندر 
خالتي فتحيه وهي دايراني املي لها الغاز او اجيب لها حاجه من السوق او اودي واحده من البنات المستشفي او محتاجين يزبطو الطبق ولا الخريف نردم الحوش والبيوت البقت تنقط
خالتي انتصار الدقيق بتاع الكسرا انتهي الحقني يامحمد
امي شايله صحن لي خالتي انتصار عشان تضوق ملاح الليله 
دنيا الماشي وتوبه يقع منها عمران يسكها ادخلها البيت وارجع يتم حكاياته
دا كل انتهي بسبب مشاعر ماقدرته اصرح بها بس لو قدرته اقول لها ماكان دا كل حصل انا السبب انا الضريت كل الناس دي انا الوزعت الجيران جيرانه احلا جيران كنا احلا فريق بتذكر يوم الجمعه الاربعه بيوت فطورهم بكون في بيت واحد نتجمع الاولاد في ااي ديوان او غرفه واجيبو لينا الصينيه لا عارفين من بيت منو ولا عارفين طبيخ منو ونتشاكل ونتشارط انه عامله امي او فتحيه او ام احمد او ام هناء ولو ماعجبنا معناها عملوه البنات.
ضحكت وبكيت لمن اتذكرته شكلنا وهظارنا لشنو حصل كدا كل دا بسببي.
اخدته نفس وبقول واحد جبان
امي مرقت شافتني جات علي
محمد ولدي قوم ادخل جوا ماتقعد برااك كدا
شوفي البيوت فضت كيف متذكره قبل سنه كنا كيف
قوم يامحمد الزعل لا بقدم لا باخر
وريني اعمل شنو يا امي انا ماقادر اطلع من الحصل ماقادر اتجاوزه
المراه بنسوها بي مراه 
كيف يعني
حتسمع مني ولا حتعمل زي كل مراه وتنفض يدينك وتتجاهلني
انا قاعد اعمل كدا انا جنيت للدرجه دي
تبرا من الجن انت بكري وسندنا الانت فيه دا تانيب ضمير رغم انه انت ماعندك ذنب 
فيها شنو لمن تعيش فوضي مشاعرك بعيد بدون ماتدخل زول فيها كلهم غلطانين في حقك وانتصار مالمتها عشان الحصل لي بتها يزعل بس مامن حقها تلومك انت كمان ماساهله عليك تدس مشاعرك عشان ماتاذي المسكينه ديك انا احترمتك جدا لمن سافرته عشان تميم مايمنعها تدرس
انتي عرفتي كيف
سمعته بتكلم معاك المهم لو داير ترجع لحياتك وتنسي الحصل حلك تعرس
اعرس! !انا اعرس
ايواه