قصه كامله مشوقه

ماانتي هجرتيني
انا الدخلني شنو بي حياتك كل حاجه تقول انا السبب
دي الحقيقه انتي سبب كل شي اذا كان سمح او سئ انا كل حاجه عملته كانت بسببك 
طيب الروايات الدخلني فيها شنو انت بتقرا من بدري
بعد مابقيتي تقري معاي وتحكي لي عن اكتر حاجه عجبتك في الروايه عن الاقتباس الحسيتيه مقصوده به بقيت اقرا عشانك وعشان اشوفك منو من شخصيات الروايات البقرا فيها
ربطتني بي حاجه بتحبها
ايواه غلط العشاق
ضحكت عشاق مره واحده 
انتي اخر روايه قريتها شنو !
اممم اخر روايه كانت جومانا 
الكاتب منو 

احمد ال حمدان
اممم كاتب روايه مدينه الحب لا يسكنها العقلاء 
ايواه كتابته جميله صح
حمرت لها وقلت جميله وجريئه
ضحكت وقالت حااجيب لك سلسله ابابيل اقراها جميله وجريئه فعلا
مسكته يدها وعضيت ماتقري له تاني
نغم جابت الاكل ومبتسمه وقالت اتفضلو وماتشاكلها يامحمد نحن مطعمنا للعشاق الهادين 
فكيت يد هناء وقلت دا طرد ولا شنو يانغم 
نحن نقدر نطردك برضو 
دا استظراف يعني
ضحكت وقالت ايواه ومشت
عاينته لي هناء مدنقره في الاكل وقالت ممكن تجر لها الكرسي وتقعد معانا او ممكن انا امشي وهي تجي تقعد
ضحكته ورفضته ارد عشان تتغاظ اكتر
رفعت عيونه لقتني بضحك اتفجرت فيني
انت مابتحترم المعاك انا قاعده كرسي تهظر مع فلانه وعلانه لو حابب ممكن اجيب لك رقمها
رفعت الاكل بي الملعقه وقلت بطريقه مستفزه رقمها معاي 
ضړبت الطربيزه بيدينه الاتنين وقامت ماشي
تمي اكلك بعدين نمشي وماحتمشي بي تاكسي 
ماشي الحمام ممكن 
ضحكته وقلت ممكن 
نغم جاتني تضحك اها اڼفجرت
ماقصرتي مفروض ادفع لك
اعزمني عرسكم ومابقصر معاك
شايف هناء جايه من الحمام
غمزته لي نغم فهمتني قربت مني نظام بتتكلم معاي براحه وضحكت ضحكته وضړبته يدي مع يدها
وصلت مدنقره شالت شنطته ومشت 
قمته لاحقه ماشي
يا هناء انتظري
ماشي بدون تتلفت علي سرعته خطواتي وقفته قصاده كانت پتبكي ارجع لها مالك ومالي 
بحبك يا هناء انا محمد نجم الدين دا بحبك .
خلي الكضب انت بتحب نفسك وبس
بحبك
الكلمه دي معناها كبير وانت مابتعرفو تاني ماتقولها ارجع لي معجباتك وصحباتك او اتصل لي عنود تجي تتم معاها السهره او....ختيت مصبعي في خشمها وقلت بحبك وماحبيت انسانه غيرك ربيتك علي اساس بتي بس قلبي اب مايعتبرك غير حبيبه اسوي شنو حياتي كلها باظت بسبب الحب دا
يعني ندمان
ابدا وحاتك عمررررري ماضقت الندم مااصلو حاله الدنيا تسرق منييبيه في لحظه عشششم ..
دنقرت مبتسمه
ايواه كدا اضحكي عشان الدنيا تضحك
الدنيا بتضحك لك لمن انا اضحك
مسكته من كتفها واتحركته راجع علي المطعم وقلت انا الدنيا بتضحك لي بمجرد وجودك جمبي
وقفت وقالت خلينا نمشي مكان تاني
لشنو غيرانه من نغم
ماتقول اسمها عشان ماارجع لي اصلي وامشي امعط شعرها
ضحكته وماسك بطني يااخ البت مسكينه انا القلت لها تتراشق قدامك بس هي مخطوبه وخطيبه سعودي وووواي عسل
ضړبتني علي بطني وهي بتقول يعني دا انت مش وتعمل كدا لشنو انت مابتتعب من الالاعيب
مسكته يدها مقرب منها وعيوني في عيونه اعمل شنو اذا انتي مادايره تحسي بي كل السنين دي ومافاهمه اني بحبك ومابحب غيرك
ابتسمت وتعاين فيني
قولي حاجه ساكته لشنو
انت قلت قبل شويه خطيب نغم مالو
رفعت حاجبي دا ياهو الله قدرك عليه
عليك الله عيدها
بي صرة وش قلت وااااي عسل اها
ضحكت لمن رجعت راسها لي ورا فكيت يدينها ختت يدها مغطيه خشمها وتضحك ابتسمته وهزيت راسي وبعاين لها
اها مانتعشي يعني بسبب غيرتك
خلينا نرجع البيت يامحمد انا مادايره اقعد وسط ناس ممكن
اممم قصدك دايراني براي
هزت راسها ومدنقره
عشان الخدود الحمر ديل نرجع
ماسك يدها وماشي علي العربيه فتحت لها الباب ركبنا ودورته بعاين لها تعاين لي تنزل عيونه خجلانه
انتي خجلانه مني ولا دي قلة ادب لانه قبل شويه كنتي بتشاكلي فيني ولا كلمة بحبك دي هدت حيلك
عاينت علي الشباك وقالت مااتوقعته اسمعها منك كنت بحلم بها وبحسك كانك بطل فيلم وانا اعجبته به بسبب مراهقتي 
ماعلي اساس انا مابنفع اكون فارس احلامك
ماكنت متوقعه اني احس تجاهك الاحساس دا 
ياتو احساس
الاحساس الحاسه دا وماتسالني عشان ماحاارد ضحكته وقلت حااااضر
اتصلت لي مروة واحمد اجو عشان مانقعد برانا في البيت 
انتي ماواثقه فيني عشان تجيبي حرس
لا بس الجيران ماحيرضو وممكن بكرا نطرد
هنا مافي زول شغال بي زول
لا والله الناس دي في كل مكان ياهو نفس التفكير بكرا الموضوع يملا البلد هناء مساهره في بيت محمد
وانا مابسمح بالماضي يتعاد اول ماخالتي ترجع حااكلمها ونعمل عقد عديل عشان لو كرشك قدامك مافي زول افتح خشمه
كشرت وشها ضړبتني احترم نفسك
انا قلت شنو اسي
انتو بتجيبونا درع حمايه صح
ايواه يا احمد لو عجبك. وانشاءالله جبته المرسال 
اتفضل مكسرات وفواكهه وجردل كنتاكي مش ياهم
وانت وعيلتك الجايبه دي
نحن اتعشينا ومروة مع الحمل دا مابتاكل كتير بتتعب وبتنوم كتير
شكلك تعبان اكتر منها
هي بتنوم وتقوم تشكي 
عملتو بيدك انا اديتك لها فريعه وواحده شغال تعمل في نسخ
ماشي علي الغرفه الفيها مروة وهناء وقال عاجبني شكيتها وعلي قلبي زي العسل ويمرق دا نجيب غيرو ركز مع حقك بسس.
دخل الغرفه مرقت هناء جات علي وتضحك
مالك
احمد دا مافي زيو واحد تاني
حمرت لها مالو عمل شنو
مروة تاعبه تعب وهو مبسوط وبدلع فيها زياده انا الغير راي شنو
لانك هبله
فعلا هبله لمن كنت صغيره كنت بفهم 
عشان قلتي دايره زي احمد
ورفضتك انت
هييع ولدك يا نجم الدين ختيت يدي في وسطي وقلت رفضتي منو يا بت الشكري
جات علي وتضحك خلاص اقصد ماكنت دايره واحد زيك
شغلنا فيلم في فلاشه ورصينا المكسرات وجردل الكنتاكي وبنحضر قاعد في الكنبه وجمبي هناء تاكله راسها علي كتفي .
انت امس مانومته والليله تساهر يامحمد كدا ماخطر عليك
لا ماخطر واحضري ساي ولا الفيلم ماعاجبك
لا الفيلم حلو احسن من الاكشن
يعني انا محضر لك رومانسي وتقولي احسن
وانت الرومانسيه تحضرني لها فيلم لشنو 
امممم قصدك شنو انا اترمسن لك
زحت راسها وقالت مابتعرف عارفاك
بتستفزيني عشان اتخرفن بس ماتحلمي
ضحكت قامت وقالت مابتعرف اساسا جريته قعدته في رجولي وقلت نعم منو المابعرف
محمد زح يااخ
بتشكي في رومانسيتي وتقولي زح
اتكلم بخشمك ماتلمسني كدا عيب
اسي انا قربته منك
خليني اقعد في الكنبه واتكلم
لا خليك كدا عشان ماتتفاصحي تاني
بس كدا انا حااخاف منك وماحااجيك تاني
ماتجي انا زاتي مادايرك تجي الا بعد امك تجي فضل لها كم هي
لسه خالتي عملت لها زياره شهر قالت تونسها 
شهر كامل مابتحمل والله كلميها تجي او اديني اتكلم معاها
لا بلاش احسن تتكلم معاها وش لي وش
زعلانه مني صح ويمكن پتكره سيرتي
اممممم
ختيت يدي علي وشها بمسح فيه وقلت معاها حق انا بكيت العيون دي لازم تزعل مني
عيوني مابكت بسبب الحصل بعادك هو الزعلنيانا حسيت بي فقدانك بعد سافرته للخدمه ولمن رجعته حسيت انه ربنا رجعك عشاني بس حصل الحصل
الحصل مااثر فيك
زعلته لانهم اهلي كل الحي الاتهمني دا كنت بعتبروهم اهلي ومااتوقعته يصدقو فيني الكلام دا
كل بسببي تقبلي ترجعي معاي الحله بعد نتزوج
انا لو قبلته امي ماحتقبل
المهم انتي لو مابتتاثري حابب نرجع سوا وارجع لك حقك وحقي
حتعمل شنو يعني نحن لو مشينا سوا حنثبت الاتهام الاتوجه لينا
خلاص انسي السيره دي وخلينا في رومانسيتنا 
فكني اول
لو فكيتك مافي رومانسيه
فكني يامحمد انت عارف لو زول شافك